حبيبتي خبلة
 

حبيبتي خبله وتشره علاها
والزين ما يكمل بحسب اعتقادي




فتنة نساء فتنة رجال بحَلاها
وتحبني وتحب غيري وعادي



جمال رباني وربي عطاها
جمال لا فالحضر لا فالبوادي



كانت تعاندني وادوّر رضاها
وتقول يا نواف تكسر عنادي



واسلوبها عادي وقلبي خذاها
وشلون صارت زين واسلوب عادي



خليتها تحكي وقلبي صداها
وذوقتها من طعم شربي وزادي



عطيتها واصبحت غاية مناها
ومع طول بالي ما تحقق مرادي



حاولت افهمها تصحح خطاها
وعطيتها درسي بصوت الحيادي



كانت فريسه صادها من بغاها
وخذيتها بالحضن بين الايادي



انذرتها وعلمتها عن غلاها
. صحيح تسمع لكن القلب غادي



عجزت اميّز ضحكها من بكاها
والحب في وادي وهي وسط وادي



احيان تسفهني والَـَعّن هواها
يعني وجودي صار مثل ابتعادي



واحيان تبغاني الَـبّي نداها
يعني تبيني بس في جو هادي



من كثرهم واكبر دليل بغباها
اقول انا نواف ..! قالت عبادي ..!



يعني محبة زيف تكسي سماها
ولو كنت داري كان قصرت مادي



والله لو ما عاد يبقى سواها
ماعاد يسكن حبها في فؤادي

رد: حبيبتي خبلة