|
أسمهان وعبدالرحمن قصة أسرية هادفة بكل اجزاءها متتابعة روآية سعودية
مسآء\صبآح الخير.. آنآ اليوم جبت لكم روآية رؤؤؤؤؤؤؤؤعـة بكل مآتحمله الكلمة من معنى..وهي روآية كآملة.. زرآح آنزلهآ لكم كلهآ إن شآء الله اليوم..ومآرآح آسوي حركآت((النذآلـــة)) اللي في بعض البنآت..زي اللي تقول مآرآح آنزل بآرت جديد إلآ لمآ آشوف ردود البنآت:a6:..طيب آفرضي آن فيه متآبعآت لك لكن مو مسجلين بآلمنتدى..وش يسؤؤن؟؟ المهم مآرآح آطيل عليكم بآلكلآم ملآحظـة: آتمنى من المشرفآت عدم حذف الروآية ونقلهآ للقسم المنآسب لآني مآقدر آنزل موضوع بقسم روآيآت مكتملة.. *أسمهان وعبدالرحمن* للكآتبـةرماح ردينية.. مثل العادة جيت بقصة جديدة من أعماق أفكاري! عل وعسى أحد يبتسم منكم وأكسب أجره!! عاد ياشين النكد واللي يصنعونه ويتفننون فيه! لذا قلت لنفسي في هذه الظروف السيئة اللي نعيشها خل ننافس شركة الاتصالات اللي فتحوا لنا شهررسايل(نصية+وسائط)بالمجان! وأوزع أنا عليكم بعد ضحكات بالمجان!! المهم كان وياما كان....والحياة مليانة سكان وبشرمن مختلف الألوان وأبطالنا اليوم اسمهــــــــان وزوجها اسمه عبدالرحمن! كل واحد بطبع مختلف...لما جاء عبدالرحمن يخطب قبل كم سنة كان شرطه الأساسي لأمه إنه يبغى وحدة صغيرة والسبب إنه يبغى يشكلها على كيفه!!(على باله عجينة فطايربدقيق كويتي!! اصحى يابابا بنات هالوقت يعجنونك ويخبزونك بتنور!!) بالرغم انه عمره مو صغير30 سنة!! وعاد أمه لبست عباتها وصارت تدوج من عرس لعرس تصيد البنات اللي بالطعشات(الترجمة اللي أعمارهم شي وعشر)! لين لقت له حبيبة القلب اسمهان وعمرها 17 سنة طالبة بثاني ثانوي..خفـــــــــيفة بس تتثيقل!مايخالف الثقل صنعة!!ونوعاً ما راعية مقالب!(نوعاً ما؟؟ ولا نوعاً شاي؟؟)هههههه المهم لما اتصلت أمه تخطبها بغت اسمهان تتشقق نصين من الفرحة!!قالت يالله فكة من ثالث ثانوي بلا دراسة بلا هم!!! ومسكتها أختها الكبيرة اللي متزوجة من سنين وقعدت توصيها الوصايا العشر!(وعاد هم صدق أخوات بس ياحبهم في المناقر24 ساعة على الطبيعة وفي التلفون وفي المسجات وبكل مكان !!!)وكان اسمها(أسماء) وقالت: اسمعي يااسمهان بكرة جاية تخطبك حرمة لولدها لاأوصيك الله الله بالعقل والثقل وأول شي لازم تسوينه تحسنين مشيتك!وانتي من شافك يحسبك فنانة رقص شرقي!ياكافي من تمشين يهتز كل شي فيك!!! اسمهان:لو شاطرة قلديني! أسماء:لا شكراً.. من رقص نقص!!! أمهم:أهم شي يااسمهان الله يستر عليك حفلة الألوان اللي تحبين تسوينها بوجهك قبل كل طلعة مانبيها!!!!الحرمة جاية تخطب مو جاية تاخذ دورة تجميل!!! اسمهان:المكياج ضروري لإبراز جمال الوجه! أسماء:مو لما يكون فيه جمال من الأساس!!!! اسمهان:استغفرالله ...صدقيني كل ماناظرت وجهك حسيت اني قاعدة مع جدتي الله يرحمها ماينشاف عليها إلا كحل أبوحجر! أمهم:أقول أص الله يصلحكم بس! ماأخس من المربوط إلا المفتلت!! أسماء:لاتضيعين الموضوع ياست اسمهان! صدق ماله داعي تحطين ماكياج يعطيك عمر أكبر ويعطي اللي قدامك احساس بإنك طايرة على الزواج!!! اسمهان:واشفيها لاظنوا الناس اني طايرة على الزواج؟!!هاه؟الزواج عيب ولا حرام..؟! أتحدى انه في بنت ماودها تتزوج!!! أمهم:استحي استحي الله لايفضحنا!!وش هالكلام يابنت؟!! اسمهان:الحق حق ياجماعة!مافيه ناس جايين يخطبون الا وودهم توافق العروس...وأنا موافقة! التفتت أسماء لأمها وقالت: ماقلت لك يايمه هالبنت مامنها رجا؟!!طقاقة ويخب عليها بعد!! اسمهان:هههههههههههههها والله مرة تفشلون صدقتوني قاعدة أتغشمر!!اللي بعده اللي بعده يامدام أسماء! أسماء:واللبس لاأوصيك لازم يكون ساتر! اسمهان:أكيد وعازل للضوء والصوت صح؟!! أسماء: ياخفة دمك!!شوفي بعد أهم نقطة لاتقعدين طول الوقت مع أمي ان جت الحرمة بس ادخلي اقعدي شوي عشان تتمقل فيك المرة زين ثم اخرجي....وارجعي صبي القهوة واطلعي شوي وارجعي باشري من الحلى على المرة وهكذا دواليك!!!!! اسمهان:لا والله!!!احلفي بتشغليني مخدمة قصور؟؟!! أمهم:صادقة أختك لاتعاندين! اسمهان: مادام الدعوة كذا أجل ليش جاية المرة تخطبني لولدها تروح تخطب له أقرب فليبينية تراهم شاطرين في المباشرة!!!! ...... ردت عليها أسماء وقالت:فكرة تهبل !!ليش يايمة ماندله على (كاتيا) شغالتنا...يمكن نكسب فيها أجر وتعلن اسلامها على إيده!!!!! اسمهان:لعن الله ابليسك!!إلا قولي ليش ماندل زوجك انتي على كاتيا..ونكسب فيه أجر مسيكين!!! على الأقل كاتيا بشوشة ومرحة مو لسانها برة 24 ساعة مثل بعض ناس تقولون حية!! عاد الأم قامت تضحك...وقالت:الله لايحرمني من هبالكم يابناتي!! أسماء:يمة مدري شلون مستحملتها هالسوسة؟! أنا أقترح تعجلون زواجها بأسرع وقت خل نفتك من هذرتها!! اسمهان:آميــــــــــــــن!! ايه يمة تكفين اسمعي كلامها!أول مرة في حياتها تقول شي صحيح!! الأم:يااسمهان عيب عليك يابنتي اركدي شوي!! اسماء:ماتنلام يمة تخاف إن طار مايجي غيره!! الأم: اش دعوى؟! أصلا بعدها صغيرة..ماله داعي نستعجل عليها...لكن مواصفات العريس شجعتني أقابل أمه...ومو شرط يصير شي هالحين يمكن بعد كم سنة!! اسماء:إلا غريبة على طفاقتك ياست اسمهان ماسألتي عن اي شي؟يعني لاقلتي مين دلهم علينا؟ ولا من أي قبيلة؟ولاعن وظيفة العريس ولاعمره؟ولا اسمه حتى!!! اسمهان: وإش لي باللقافة يختي!أهم شي جاني عريــــــــــــــــــــــس!إلا صدق يمة اش اسمه؟! الأم:خمني!! اسمهان:طيب ساعديني يبدأ بأي حرف؟! الأم: حرف العين! اسمهان:عباس؟!! الأم: لا! اسمهان:عادل؟! الأم: لا! اسمهان:عدنان؟! اسماء قالت: لااا اسمه عبسي ياست اسمهان!! وقامت الأم تضحك!!!وقالت:لا! اسمهان:يمة لاتقولين اسمه عيد!!ماأحبه هالااسم! الأم: لا تطمني مو عيد! اسماء:بس عاد تراكم زودتوها!!الأم وبنتها يلعبون فوازير رمضان!!ابسطي ياست اسمهان اسمه لايق على اسمك...اسمه عبدالرحمــــــــــن! اسمهان: حسافة!!كنت أتمنى لو كان اسمه رائد أو ياسر أحسه أكشخ!!! اسماء: ايه ولو بعد كدش والبنطلون طيحني بيطلع أزين!!! اسمهان: أعوذ بالله!!لاتفاولين...هالأشكال ممكن نشوفهم بالأسواق ونضحك من باب الترفيه لأن شعورهم وبناطيلهم مثل مهرجين السيرك إتز أوكيه!! أما نتزوج من نفس هالطقة نو ويــه!! الأم: شوفي يااسمهان ترى ام المعرس شايفتك قبل.. في زواج بنت خالك لأنها من جماعة زوج بنت خالك.. وسألت عنا وكونت فكرة بعدين اتصلت وعطتني معلومات عن ولدها! اسمهان (بشغف):اش قالت يمة؟! الأم:قالت ان ولدها موظف في احدى الشركات وراتبه زين....و ....... ..........تدرون اكمل بعدين!!!!! ........ياحلوات تشجع القصة أكملها ولا لا؟؟؟؟ بكل الحب جيت أكمل.... المهم الآنسة اسمهان قاعدة تسمع من أمها بشغف وعقلها يسافر لبعـــــــــــــيد في دنيا الأحلام....تحلم بالعريس اللي يجي يخطفها بشبح أسود ويفلسع بها لأقرب ديرة أوروبية!!! الأم:اللي عجبني في هاالولد يااسمهان اني سألت عنه بنت خالك وسألت أهل زوجها عنه والكل مدح فيه وفي أخلاقه...كون نفسه بنفسه وساكن بحلال أبوه الله يرحمه,,وأمه ساكنة بدور مستقل ووظيفته وأحواله المادية مستقرة..يعني إلى الان الأوضاع مطمئنة... اسمهان(وبتفكير طفولي ساذج)قالت:ياترى في أي حي بنسكن؟ ولأي بلد بنسافر؟وبأي مكان بيسير زواجنا!!!!!!!!!!! أسماء:هيييييييييييييييييه انتي!! ستوب!!على طول رسمتي على الرجَّال وصممتي مشاريع؟!! ترى السالفة لسه فيها أخذ وعطا!! يمكن ماتعجبينه!ويمكن يستخف بسنك ويشوفك بزرة..خاصةً إنه صك الثلاثين!!! اسمهان:والله محد مستخف فيني إلا انتي!! وبعدين اش اللي عمره 30 سنة؟ يعني كبر أخوي محمد؟!وكبر زوجك ياأسماء؟؟ الأم:ايه كبر محمد واشفيها ؟هذا محمد ماشاء الله عليه تزوج قبله من 4سنين!وأحمد زوج أسماء نفس الشي. اسمهان:أنا توقعت بتقولون عمره22 او 23 سنة بس! اسماء:الحمدلله والشكر!أي 22 و23 سنة زواج بزارين هذا! اسمهان:طبيعي أستغرب ياست اسماء الفرق بينك وبين أحمد زوجك5 سنين بس!لكن أنا وذا العريس بيننا 13 سنة!!!لو مزوجينه أهله بالمتوسط كان خَلَّف بنت بعمري!!! الأم:يااسمهان يابنتي الرجال مايوصل الثلاثين الا ونضج عقله..وصار قادر يتحمل المسئولية..أحسن من شباب العشرينات اللي باقي مخفة!!!! ........واستمر الحوار والنقار لين ماطلع عليهم النهارسمعت ياشهريار؟! أمزح!!هههه المهم ثاني يوم بدأت الاستعدادات بإعداد المأكولات وضيافة القهوة والشاي وكانت الزيارة الأولى بحضور الأم بس!كنوع من التعارف عن قرب بالعروسة وأهلها... وطبعا اسمهان ماحطت يدها بشي قاعدة من صباح الله خير تسوي ماسكات لوجهها وخلطات لشعرها وتضبط أظافيرها وحالتها حالة!!! وكانت اسماء جاية من بدري تساعد أمها في المطبخ! ولما شافت أختها تتمخطر طول النهار بخلطات ووصفات صاحت فيها:اسمهـــــــــــــــــــــ ـــــ ان! وش له تتزينين؟! الحرمة وحافظة شكلك أكيد من يوم ماشافتك تطامرين من أول زواج بنت خالك لآخره!!يعني عاجبتها! ولو اني متأكدة إنها لو شافتك وانتي لابسة روب قديم وحاطة حنة بشعرك والحنة تقوطر فوق خدودك واذانيك كان بيكون لها رأي ثاني!!!!! اسمهان:وش حار كبدك ياخالتي قماشة؟!! أنا أحب التزين والتكشخ..طبعي كذا!! اسماء:لايجي المغرب الا وانتي جاهزة..الحرمة بتجي بعد المغرب مباشرة! وراحت اسمهان تتروش ولما خلصت احتاست بشعرها اللي كان مرة طويل وش تسوي فيه! وقالت:ياأسماء وش رايك أدهن شعري كله جِل وأسويه نقرو مو أحلى؟!! اسماء:لا ياشيخة؟الحرمة هذي جايه تتمقل فيك زين عشان تسوي بث حصري لولدها وأهلها بمواصفاتك..وانتي تبغين تفشلينا بالعشة اللي بتنصبينها على راسك؟!!!!! اسمهان:والله مافيني اسشوره..شعري طويــــــــل وغزيـــــــر ويديني مرهقة!!تسشورين لي؟! اسماء: ولا يطراني...أنا عجزانة أرفع ولدي أرضعه! وتبيني اسشور لك؟!! اسمهان:إذن بأكلم نوف بنت عمي تجي تسشور لي سشوارها يهبل! اسماء:إصحِك(إصحك بالمصري يعني إوعي!!!)المفروض الأمور هذي تسير في الكتمان...مو تروحين تنشرين الخبروالله يعلم يكون فيه نصيب او لا! ..... بصراحة تعبت أكمل في وقت آخر!!الله الله بالردود ******** طبعا بعد ماالآنسة اسمهان ذات الشعرالكستنائي الطويل(حشا صارت روبينزل هذي!!هههه)كانت متعيجزة تفرد شعرها بالسشوار...أسرعت لتستنجد بحمَّالة الأسية(كاتيا)شغالتهم!!! وقالت:كاتيا بلييز..اتركي مافــــــ ـيدك وضبطي لي ماي هير!! كاتيا:واي مس اسمهان؟!ار يو قوتو ذا اوت سايد؟!!!! اسمهان:لا وانتي الصادقة اللي ساكنين اوت سايد جايين عندنا!!! وانطلقت اسمهان مع كاتيا اللي سشورت شعرها وقعدت تمنكر لها أظافرها... ودخلت أم اسمهان وشافتها على هالحال وقالت: يابنتي وشفيك ترى العرس مو اليوم!!! وجت من وراها اسماء بعصبيتها المعتادة وقالت: خليها في خيبتها يمة..مسكينة أول مرة تنخطب!! اسمهان:بسم الله علينا وأنا اش سويت؟! حرام أتهندم؟! ولا انتوا ودكم بوحدة تفشلكم تطلع قدام الناس بشوشتها؟!! الأم:لا..لا..بس لاتبالغين بزينتك خلك على طبيعتك أفضل.. اسماء:وعجلي.. بقي دقايق على صلاة المغرب . ****وخرجوا من الغرفة..لكن اسمهان راحت تركض وراهم وقالت:تعالوا تعالوا مااخترتوا لي اش ألبس؟! أسماء: وش رايك يايمة؟أنا أقول تلبس بيجامة! الأم:لا مريول المدرسة أكشخ!! اسمهان بسخرية:لا بأِلف منشفة حول خصري وأطلع!!! الأم:يابنتي ياشين اسئلتك!البسي أي شي اعتبري نفسك طالعة من البيت والبسي من ملابس الطلعات اللي عندك ..ماشاء الله دولابك متروس! اسمهان:أدري بس محتارة اش ألبس! اسماء:يختي عليك!!مو لو تقتصدين في الملابس مااحترتي! لكن بلاك كل مانزلتي السوق قشيتي الشين والزين..عندك همول تفتح لك محل! وراحت اسمهان طلعت بنطلون جنزوبلوزة قطن وقالت:هاه..وش رايكم؟ الأم:بالله من جدك؟يايمة شكلك بعدك مو مستوعبة انه بيجينا زوار..مو طالعين للبحر!! وقامت اسمهان وطلعت فستان ماركة حلو بس مكشف من فوق و قصيــــــــــــــــرمن تحت!وقالت:طيب هذا؟! اسماء:لاعز الله بنـتـفشل!!استحي بتخرجين كراعينك قدام أم المعرس؟!!لا وسيقانك مو منتوفة!! الأم:أحذرك يااسمهان تلبسين قدام الحرمة كذا.. احنا ماندري عن طبعهم كيف..الحين تاخذ فكرة إننا مو محافظين ونحب التعري...وانتي أصلا مو مقصرة كل عرس وانتي مفشلتنا بفساتينك شي شفاف وشي كاسي عاري..الله يصلحك. اسماء:طبعاً...! اخرة الدلع...قلة الاحترام! اسمهان:خلاااااااااااااص تراني انغثيت!!اش ودكم ألبس فستان حمل ولاعبايتي؟!! هذا الدولاب قدامكم اختاروا وريحوني.. الأم قامت تفتش في الدولاب عن تنورة طويلة لين لقيت أخيراً وبعد جهدٍ جهيد تنورة ماشي حالها بس ماهي ذاك الطول .. وقالت:اش هذا يااسمهان دولابك يبي له اعادة نظر..مافي شي ساتر؟! الله يعين عليك!!خلاص البسي هالتنورة وشوفي لها بلوزة تناسبها!!! اسمهان:بس يمة ماهي حلوة علي!! اسماء: أجل ليش رازتها بدولابك؟! أمهم:تستاهلين ...قاعدة ساعة أحوس بدولابك وفي النهاية مالقيت إلا فساتين قصيرة وبلايز مشخلعة وبناطيل ضيقة!!! أبي أفهم قد مانروح أسواق ماقدرتي تشترين لنفسك ملابس حشمة وأنيقة؟؟؟؟؟؟؟؟ اسماء:أنا أدري عنها يمة؟؟ كاتيا الكافرة هذي ملابسها أحشم بمية مرة من بنتك!!! كاتيا:وت إز إت مين (كافرة) مدام أسماء؟!!! اسماء(طاح وجهها وقالت وش هالنشبة؟!!!هههه): إت إز مين فيري بيوتيفل!!(يعني مرة حلوة!!) كاتيا:أوووه ثانك يو مدام!!!! |
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
أكمل لكم الجزء الرابع## خرجوا أسماء وأمها من الغرفةبعد مااختاروا لآسمهان ملابس.. وصلوا المغرب وجلسوا ينتظرون الضيوف وبالفعل في الوقت المحدد..وصلوا ودق الجرس ودق قلب اسمهان معاه!! وفتحت اسماء وأمها الباب ورحبوا بالضيوف وكانوا حرمتين(طبعا بما انها الزيارة الأولى وكانت للتعارف كانت حريم بس!مافيه رجال!) دخلوا الضيفتين للمجلس مع الأم وطلعت أسماء فوق لأختها اسمهان وقالت:ترى الضيوف وصلوا..خلصتي؟ ولا بعد؟؟ اسمهان:أخيرا انتهيت.. هاه وش رايك؟!! أسماء: ! اسمهان: بشري كيف شكل أم العريس؟!أتخيلها وحدة كبيرة بالسن بالستينات ولابسة فستان زم وشيلة!! اسماء:لا..مو مثل ماتخيلتي بالعكس الحرمة مملوحة وشابة وأتوقع ان عمرها بنفس عمر أمي 46 سنة مو أكثر! بس الحرمة اللي معها شكلها بالثلاثينات وأنيقة ماشاء الله.. اسمهان: معاها حرمة ثانية؟لايكون بنتها؟! اسماء:عبقريـــــــــة انتي لاشغلتي مخك!!!أقول لك الأم بالأربعينات والحرمة اللي معاها بالثلاثينات ..تقولين بنتها؟!! متى مداها تخلفها؟!! انزلي انزلي بس! وبالفعل نزلت اسماء ووراها اسمهان وراحوا المطبخ وصبت اسماء العصير بكاسات ورتبتهم بالصينيةوأعطتها أختها وقالت:أنا بأسبقك وأدخل المجلس وأقعد وانتي الحقيني بكاسات العصير وسلمي أول ماتدخلين وباشري بالكاسات... وفعلاً صار اللي قالته اسماء ودخلت اسمهان وقالت:السلام عليكم ووزعت عليهم العصير...ووقفوا الحرمتين يسلمون ولما مدت اسمهان يدها تصافح الحرمة الأولى كان وجه هذه الحرمة كذا.......! واسمهان بس شافتها صـــــــاحت بصوت عالي:أبلة جوهــــــــــــرة؟! أبلة جوهرة:معقولــــــــة اسمهان؟! أم العريس:ماشاء الله اثاريكم تعرفون بعض؟! أبلة جوهرة:فيه أحد بالدنيا مايعرف رئيسة شلة الصاعقة بثانوية جدة؟!! قامت اسمهان تلقط وجهها وقالت بسذاجة: لايكون انتي أم المعرس؟! أبلة جوهرة:حرام عليك وشلون أكون أمه وأنا أكبر منه بأربع سنوات؟!!أنا خالته أخت أمه... وردت أم المعرس اللي واقفة تبي تسلم على اسمهان لها ساعة!!: أنا أم المعرس حبيبتي! عاد بهااللحظة اقتربت اسماء من أمها وهمست بإذنها: رئيسة شلة الصاعقة؟إلا رحنا وطي! وجلس الجميع وقامت أبلة جوهرة توضح الموضوع للجالسين وقالت: أنا أشتغل مراقبة بالثانوية اللي تدرس فيها اسمهان..بس الصراحة ماتوقعت انها هي العروس!! أم اسمهان:رب صدفة خير من ألف ميعاد.. عساها بس ماهي مشاغبة؟! أبلة جوهرة:خلي المستور مستور!!بس الحقيقة انها من المتفوقات بمدرستنا! اسمهان طبعا صار وجهها كذا! وقام الكل يضحك.... وقالت أم العريس: ماشاء الله من يوم ماطاحت عيني عليها بزواج ال عبدالله وأنا عزمت ماأخطب غيرها لولدي! عاد اسمهان هااللحظة صارت تطالع بأم العريس وتقول في نفسها:يسلم فمك ياشيخة! أم العريس:بس الله يحفظها يوم شفتها بالعرس توقعت انها بالجامعة ماتخيلت أبد إنها طالبة بالثانوي!!! اسمهان قالت في نفسها:ياشينك ياذي الحرمة عساك بتبطلين؟!! الأم:عاد تدرين ببنات هالوقت لابد من روحة للكوافيرة بكل عرس!!وماكياج الكوافيرات ثقيل وتسريحاتهم مبالغ فيها نشوف البنات بالأعراس أكبر من العادة بسنين!!! وبدأت عاد سوالف الحريم عن كل شي بالدنيا(عاد خبركم الحريم لااجتمعوا ماخلوا أخضر ولايابس ولا حي او ميت الا وجابوا سيرته!!!).. واسماء كل شوي تناظر اسمهان ودها لو تقوم ولكن اسمهان مستانسة على الجلسة ولابدة!! وناظرت فيها بنظرة حادة.. وفهمت اخيرا اسمهان المغزى وخرجت من الغرفة! لحقتها اسماء وقالت:اثقلي مو كل الوقت تقعدين معانا..وبعدين وين القهوة ماجبتيها؟! وراحت اسمهان تجيب ترمس القهوة ومن الفلاحة اللي فيها صارت ماسكته باليمين وتصب القهوة بالفنجال اللي باليسار وتناول الناس باليسار!!! فقامت اسماء وأخذت الترمس من يدها اليمين ونقلته ليدها اليسار وقالت: كذا ياحلوة كذا!!! المهم أم العريس مااكترثت للموضوع وقعدت تحكي عن ولدها وإنه هو الكبير وبعده ولدين و بنت متزوجة وعايشة بأمريكا مع زوجها اللي يدرس.. أم اسمهان:ماشاء الله شكلك تزوجتي بدري؟! أم العريس:ايه والله تزوجت وعمري 16 سنة ومرت السنين وجبت عيال أكبرهم عبدالرحمن بعدين عبدالمجيد وعبدالرحيم والصغيرة أحلام.. أم اسمهان:وزوجك الله يرحمه بحسب ماعرفت انه توفى صح؟! ام العريس:ايه قبل 3سنوات بعد زواج بنتي أحلام ..صارت له جلطة وجلس فترة بالمستشفى لين ماساءت حالته وتوفى...الله يرحمه ويغمد روحه الجنة.. |
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
الجزء الخامس المهم!! بعد اجتماع أم العريس وخالته بأهل اسمهان انتهت الجلسة..وكان خلاصتها انه أم اسمهان حققت معاهم لين ماعرفت مكان عمل عريس الغفلة(عبدالرحمن)..وبعض المعلومات اللي تساعدهم في رحلة السؤال عن ولد الناس لمعرفة إن كان يصلح لاسمهان هانم ولا لا!!! وراحت ام اسمهان توصلهم لين الباب وكانوا يلبسون عباياتهم وقالت:بإذن الله نحدد لكم بوقت قريب موعد عشان ولدكم يقابل أبونا...ويتعرف عليه.. أم عبدالرحمن:ان شاء الله بس لاتطولون علينا الله يعافيكم... وتوادعوا وراحوا أهل المعرس للسيارة اللي يسوقها عبدالرحمن!! وجرى الحديث الاتي: الأم والخالة:السلام عليكم ورحمة الله وبركاته! عبدالرحمن:وعليكم السلام..هلا وغلا مابغيتوا تطلعون!! أبلة جوهرة(خالة عبدالرحمن):عاد تعرف أمك ماطلعت لين ماشبعت تمقل ببنت الناس! عبدالرحمن:ها ياخالة وش رايك بس في ذوق أمي؟! خالته جوهرة:حلو!بس للعلم البنت هذي أنا شبعانة منها ومن مقابلها!كل يوم وهي مسنترة عندنا بالإدارة!! عبدالرحمن:أف!! لاتقولين انها ادارية بثانويتكم؟! وش هالخيانة يمة؟!أنا قايل لك للمرة المليون أبي وحدة صغيـــــــــــــــرة!! عاد أم عبدالرحمن تبغى ترفع ضغطه فقالت:وش لك بالبنات الصغار..خذ لك وحدة كبيرة وعاقلة!! عاد عبدالرحمن مايحتاج!!بسرعة يزعل وبسرعة يرضى وقال: أنا قايل لك من قبل!!أبي وحدة صغيرة أشكلها على مزاجي!! أم عبدالرحمن:ياحليلك ياولدي من صغرك وانت تحب تلعب بالصلصال!!! خالته جوهرة:اسكت واللي يعافيك لايطق لك عرق!! أبشرك هي طالبة بثانويتنا..لااا وتدرس بثانية ثانوي! عبدالرحمن:آآآآآآه ياقلبي!!توها رجعت فيني الروح! بس تعالي ياخالة شلون تقولين كل يوم وهي مسنترة بالإدارة؟!! خالته جوهرة:والله ياحبيبي بنات الحين متأثرين بأفلام المافيا مسوية لنفسها بشكة وينقال هي رئيستهم..وكل يوم مسووين مغامرات!! عبدالرحمن:هاهاهاها..فديت روحها شكلها خفيفة ظل!! أم عبدالرحمن: والله إني حبيتها!!صح حركاتها فيها خفة وسذاجة! بس مايخالف مع الوقت بتركد! عبدالرحمن:بس ياخالة إذا إن البنت فيها شي غلط ولا انتي متضايقة منها في شي علمينا ترى احنا باقي على البر!! خالته جوهرة:لا الحمدلله..المسألة كلها حركة مراهقات لاثبات الشخصية ولفت الأنظار!! ودخلوا بعدها في وصف كل ماشاهدوه واش الاتفاق اللي تم بينهم وبين أم اسمهان.. ... ******* ننتقل بعدها للحوار اللي دار بين الجميع في بيت اسمهان..بعد ماراحوا الناس! .. أم اسمهان:هاه يابنتي وش رايك فيهم؟! اسمهان:الحمدلله...بس ودي لو أبلة جوهرة ماهي خالته!!! أسماء: أكيد!! ماتنلامين! طلعت فضايحك!! شلة الصاعقة؟!لعنبو ابليسك فشلتينا!مسوية عصابة؟! لاااا وانتي رئيستهم بعد؟!!! اسمهان:ياربي!! وتهقين بيبطلون يخطبوني!!! أسماء:وهذا كل اللي هامِّك؟!موب عيب بنت من عائلة لها مستواها مثل عيلتنا تسوي فرقة خالف تعرف حقتك؟!!! لا وشوف الاسم (الصاعقة!!)تصعقون بكهرب والا بألسنتكم؟؟؟؟ اسمهان:يمة ليش ناديتيها؟!طالما هي حاشرة خشمها بالسالفة فاعرفي ان الزواجة هذي مابتتم!!! الأم:يايمة اسماء..لسانك دايم مفلوت علينا وعلى زوجك وعلى من عرفتي ومن لم تعرفي؟!! اسماء:أفا!!! يمة..هذا رأيك فيني؟!! إلا دخل أبو اسمهان عليهم وكان راجع من برة وبعد السلام قال:بشروني وش صار معكم؟!! وحكت له ام اسمهان كل مادار وصار والاتفاق اللي تم بينهم.. الجزء السادس.... ماقصروا الأب والأم وقعدوا يتتريقون على بنتهم اسمهان...وأنواع التعليقات...وأسماء لابد ماتحشر خشمها معهم!! وماأنقذها من الموقف إلا صوت جرس التليفون!! راحت بسرعة البرق ترد:آلو المتصلة:أهلين!! سمهونة شلونك قلبي والله زمان عن هالصوت!! اسمهان:هلاااااااا ابتسام حبيبتي وينك؟؟ وحشتيني.....أبشرك تراني انخطبت!!... ولا جت أم اسمهان وسحبت السماعة من يد اسمهان بسرعة ولقيت ابتسام تقول: إيـــــــــــــــــــش؟؟! انخبطتي؟! سلامتك حبيبتي! ومن اللي خبطك؟ أكيد أسماء! عقرب وتلدغ!! أمهم:هلا ابتسام بنتي..عاش من سمع صوتك..شلون زوجك وبناتك؟! ابتسام(وهي الأخت الوسطى مابين اسماء واسمهان متزوجة وساكنة ببلد ثاني وعندها بنتين توأم سارة وهيفاء): الحمدلله يمة...بس سلامتها اسمهان مين خبطها؟ أمهم:ههههه..أختك المطفوقة ماينبل بفمها لقمة توه جانا ناس يخطبونها!!! مو يخبطونها!! ابتسام:مبـــــــــــــــــــــ ـــــــروك...الله يوفقها..بس علميني بكل التفاصيل من طقطق لسلام عليكم!! الأم:بعدين..المهم انتي اش اخبارك والله لك اسبوعين يالقاطعة مارفعتي علينا سماعة حتى أبوك بس يسأل عنك..وشفيك؟؟ ابتسام:يايمة ..مسرعك نسيتي؟! أنا آخر مرة كلمتك فيها قلت لك أم زوجي بتجينا تقعد عندنا..والله وكيلك لبدت عندنا اسبوعين وكأنها قاعدة على قلبي...ماصدقت سافرت وجيت ركض أكلمكم!!!!!!!! الأم:مالك حق تقولين هالكلام يابنتي!! هذا بيت ولدها لو قعدت شهور عندكم مافيها شي! ابتسام:ياحليلك يمة! وانتي تحسبين كل أمهات الأزواج بطيبتك؟! هذي نسرة اسأليني عنها بس! كل شي تتدخل فيه..لا..وفوق هذا كريهة لاتبي الناس يزورونا ولا نروح لهم!!! تصدقين أسبوعين كاملة ماشفنا فيها الشارع؟!!! الأم:الله يعينكم..بس أهم شي يابنتي إنك قمتي بضيافتها على أكمل وجه...وقدرتيها..لاتنسين إنها أم زوجك..وقيامك بحقوق أمه يحببه فيك أكثر.. ابتسام:لاتوصين حريص!..والله إني من صباح الله خير وأنا أعجن وأخبز عشان أفطرها..خبرك فيها..عندها سكر وماتاكل من أكلنا!وليته يثمر! إلا طايحة فيني نقد ومعاير...ومدح بحريم أولادها الثانيين!! الأم:لما تسوين شي لأحد سويه لوجه الله...لاتنتظرين كلمة شكر من أحد!! إلا يابنتي ماودك تجينا؟!! ابتسام:كيف؟؟ إلا بأجي ونص!! عاد زوجي يوم شافني انغثيت بجميع أنواع الغثا والحبسة من يوم ماأمه جتنا...وعدني أول ماسافرت إنه بيعوضني ويجيبني عندكم نهاية الأسبوع الجاي! الأم:الله يبشرك بالخير......ويحييكم ان شاء الله.. |
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
نكمل الجزء السابع.... طبعا استمرت المحادثة التليفونية بين ابتسام أخت اسمهان واسماء مع أمها اللي سردت لها الأحداث بشكل سريع ومن بعدها الأب كلم بنته ابتسام وراح لغرفة المكتب الخاصة فيه لإنجاز بعض الأعمال.. بقيت اسماء(وكانت حامل..وعندها ولد عمره سنتين إلا كم شهر) مع أمها واسمهان ودار بينهم هالحوار.. الأم: أبشركم أختكم ابتسام بتجينا نهاية الأسبوع الجاي! اسمهان:هيييييييه!! الحمدلله! أسماء:خبر حلو..بس عسى زوجها الغثيث بيرافقها بذي الجية مثل العادة؟!! الأم: وانتي اش حارق رزك؟! بتستضيفينه في بيتك؟! اسمهان:والله في هذي اسماء معها حق!!زوجها غثيث بالحيل! أنا شخصياً فقاعتي مرمورة منه!!!!! أسماء:وش هاللهجة السريالية اللي اخترعتيها؟!! اسمهان:يوووووووه قصدت أقول(مرارتي مفقوعة منه!) الأم: وانتم بإيش تأذيتوا منه؟! أسماء: يايمة نسيتي؟ كل ماجاء لازم يقعد معاها ببيتنا ويجننها بكثرة طلباته مافي سالفة كاملة نقدر نكملها معها لازم كل دقيقة والثانية عبدالعزيز أفندي يناديها!!حشا شغالة!! اسمهان:زيدي عليها انه مثل أشعب يحب يحشي كرشه بس ماعنده استعداد يحط قرش بالبيت!يعني مافي مرة يغلط ويجيب غدا او عشا على حسابه! حتى لما جتنا وهي نفاس جاء معها وقعد عندنا شهر يتشرط وش ياكل بالغدا والعشا علينا لأن زوجته نفاس لاحيا ولامستحى! لا وكل مادخل او خرج رجع وبيده ضيف من أقاربه او اصحابه وإحنا شغالين ضيافة طول الوقت! وش هالغثاثة؟ ياربي! الأم: عيب عليكم ومالكم شغل..أهم شي انه زين مع أختكم ولاقد غلط عليها وتبقى مسألة الخفة والثقل مسألة شخصية خاصة فيه! اسماء: ولا بناتها!! يوووه منهم! عالم ثاني من الشقاوة ولااجتمعوا على ولدي جننوه!! اسمهان:وإذا اجتمعوا مع أولاد أخوي محمد أعوذ بالله خلوا الدنيا دمار!! الأم:وش رايكم اتصل عليها أحسن وأقول لها هوني عن الجية ولاتجين؟!!! اسماء: وشفيك زعلتي؟! احنا بس ننتقد!! الأم: ومادام نقدكم ماله فايدة احتفظوا به لأنفسكم! ...... وبعدها جهزوا العشا ومرت الأحداث اعتيادية لين اليوم الثاني..وكان يوم الجمعة والعائلة الكريمة كلها تجتمع فيه للغداء..أسماء تجي تتغدى عند أهلها وزوجها يروح لأهله! ومحمد الابن الأكبر للعائلة يجي هو وزوجته(سماح)وعندهم ولدين(سعيد ووليد)4+5 سنوات.. والكل فرحان ومستانس وغالبا يكون الغداء سمك.. وسماح زوجة محمد كانت حبوبة والكل يحبها كأنها ابنة لهم بس لاتخلو الجلسة من المزح ذو العيار الثقيل بين البنات وبينها وبين أخوهم!!! فقالت اسمهان:ماوصلتكم آخرأخباري ياسماح؟ سماح:لا والله.. خير؟ فصلوك من الثانوية؟! اسمهان:أعوذ بالله! ان شاء الله عدوي واللي يكرهني!...لا بس ابشرك جاني عريس! سماح:لا..لا..احلفي! ضحكت اسمهان بخجل وقالت:ورب البيت.. سماح: وش اسمه؟! اسمهان بدلع: عبدالرحمن! سماح:الله يقطعك! عساك وافقتي؟ اسمهان: وليش لا؟! سماح: يالهبلة!!أخوي تركي أحسن منه..بس قاعد ينتظرك تتخرجين من الثانوي!! اسمهان:اللي سبق يفوز!! سماح:إلا اللي يصبر ينال مراده! إلا الأب استغل الجمعة الحلوة هذي وخبر ولده محمد عن عريس الغفلة عبدالرحمن!! فقام محمد يبي ينكت على اسمهان وقال:انخطبتي؟؟ ومنهو هالضعيف اللي أمه داعية عليه بـــــ طيحة الحظ؟! اسمهان: إلا قول حظه طاير بالسما يوم فكر ياخذ وحدة مثلي!! هو أنا شوية؟؟ التفت محمد لأبوه وقال:يبه..ماكأنكم استعجلتوا عليها شوي؟! الأب: لسه ياولدي ماصار شي لاقابلناه وناسبنا ساعتها يحلها ألف حلاَّل!! اسمهان:أي بدري؟!وإنت يوم خذيت زوجتك كانت بزرة ماتعرف تمشط شعرها!! وقام الكل يضحك!! الأم:يالله لاتبتلينا!! بحياتي كلها ماشفت أحد بطفاقتك..استحي استحي لو تمثيل!! سماح:أنا بزرة؟! ياويلك من الله كنت بأولى جامعة يوم خذاني أخوك..وإن كنت باقي ماأعرف أمشط شعري مثل ماتقولين!!فأنا أعتبرك باقي ترضعين!! وقامت اسمهان تعصب وتتمازح بمناقرة مع سماح والكل مبسوطين على الهوشة.. وأسماء تقول:واش ذا كله؟ حشا قاعدين ببيت قطاوى! |
رد: أسمهان وعبدالرحمن قصة أسرية هادفة بكل اجزاءها متتابعة روآية سعودية
الجزء الثامن.. طبعا يوم الجمعة كان حافل جدا بالأحداث والنقاشات والتعليقات في عائلة أهل اسمهان..ومر اليوم اللي في نهايته بدأت اسمهان تستعد لليوم اللي بعده ألا وهو يوم السبت..لأنها مثل ماعرفتوا سابقاً إنها طالبة بالصف الثاني ثانوي! بدأ يوم السبت وتهللت أسارير اسمهان اللي كانت مو مصدقة نفسها!! طبعاً مين قدها؟ عندها أخبار جديدة بتزفها لشلة الصاعقة!!!!! وبالفعل راحت للمدرسة والابتسامة شاقة الوجه! والشلة كلها كانوا بانتظارها..وبس شافوا قائدتهم اسمهان خانوم...أقبلوا يركضون عليها.. وشافتهم وقالت:هــــــــــــــــــــاي شلة!(قولوا السلام والله مافي أحلى من تحية الاسلام..)!!!! ردوا عليها:هـــــــــــــــــــــاي سوسو.. وقالت صاحبتها رانية:ياشينك يالقاطعة ماهي عوايدك يعني!! ربوع وخميس وجمعة لااتصال ولا سؤال؟! نجلاء:أكيد في شي مهم أشغلك عنا! أفنان: ولا تكونون سافرتوا مكان ولاعلمتينا؟! اسمهان:لو فيكم خير كان اتصلتوا علي وسألتوا! مرام:ليش خير؟! إحنا شفناك مااتصلتي على أحد قلنا أكيد مو فاضية لهذرتنا! اسمهان:بصراحة صار لي حدث مهم! رانية:لايكون أختك المقرودة أسماء تطلقت وجت تقعد فوق رووسكم؟!!!!!!! اسمهان:لا...يووووه الله لايقدر! نجلاء:شالسالفة؟ تراك رفعتي ضغطي! اسمهان:جاني عريــــــــــــــــــــــــــس !! نجلاء: عادي واشفيها لاجاك....!واشـــــــــــــــــ هو؟؟ جاك عريس يالنذلة ولاتقولين؟!!! اسمهان:هذا أنا قلتلكم..واش بتسوون يعني؟!! أفنان:ياالله يعني بتتزوجين وتتركينا؟! اسمهان: وش دعوى؟ أنا مالي غنات عنكم! مرام:إلا بتتزوج وتشوف نفسها علينا وهذا وجهي إن ماقالت:أنا ماأجلس مع بنات!!!!!!!! ..........إلا بهاللحظة مرت أبلة جوهرة من جنب شلة الصاعقة وابتسمت ابتسامة ذات مغزى وقالت:صباح الخير شلونك سمهونة؟!! اسمهان ناظرتها بخجل وردت بحياء غير معهود:الحمدلله بخير! والشلة يطالعون باسمهان بفضول غريب!! قامت رانية تغمز لاسمهان وتقول:خير؟اش القصة؟ صباح الخير..وياسوسو..وانتي تردين وتتبسمين..وشوي بتذوبين مثل الشوكليت!!!! قالت نجلاء:غـــــــــــــريبة مو هذي أبلة جوهرة اللي ماتطيقينها؟! واشفيها الميانة طايحة بينكم؟؟ وبعدين تركت شلتنا كلها عشان تسلم عليك لوحدك يااسمهان؟.........لاااااااااا أنا أشهد إنه في شي مو طبيعي!!!!!!! اسمهان:بالعكس الأمر جداً طبيعي!!أنا قائدة الشلة فأكيد مابتسلم إلا علي وحدي واش تبي فيكم مالت عليكم!!!!!!!! مرام:يلا يلا...الطوابير بدت وإحنا ماخلصنا هذرة نكمل بعدين....... وطبعا في هذي اللحظات أبلة جوهرة نشرت خبر خطبتهم في الإدارة ووحدة من الإداريات ملقوفة حبتين لها أخت بفصل اسمهان قالت لها الخبر والبنت علمت صاحباتها وصاحباتها خبروا صاحبات اسمهان...واسمهان ياحظي آخر من يعلم إن الكل يعلم!!! ماجاء وقت الفسحة إلا والثانوية بكبرها داريين!! وكل شوي تنهال التعليقات من كل حدب وصوب واسمهان ياغافلين لكم الله!! أفنان: في بطن أمي ولد..تدرون اش بنسميه؟؟ ردوا الشلة بصوت واحد:عبد الرحمن!! واسمهان تطالع ومو فاهمة! نجلاء:يعني ماحكيتي لنا ياسوسو..اشلون تمت الخطبة واش صار ودار؟! اسمهان:أسرار شخصية وهذا مو وقتها!! نجلاء:الله أكبر!!بدينا بالخشخشة والدسدسة؟!! مرام:خليها... من اليوم ورايح شكلها بتتنصل من ثوبها وتستقل عنا!!!! اسمهان:ياغــــــــجر!! اش اللي أتنصل منكم وأنا اللي لميتكم وضميتكم في شلتي؟!! أنا بس ماودي أحكي لكم عن شي وينتشر الخبر.وهو لسة ماصار شي!!! رانية:ياحليلك!! شفتي هالمدرسة بطولها وعرضها؟؟ يدرون بسالفتك!! حتى أم سالم الفراشة جت تبارك قبل شوي!!! الأحد:اسمهان سارحة بحصة النصوص وهي مجتهدة ترسم قلب كبير بالمرسمة وكاتبة داخله(عبدالرحمن)!!! سحبت نجلاء الكتاب منها ومسحت اسم عبدالرحمن وكتبت بخط كبـــــــير(الصاعقة!!!) وسط ضحكات باقي الشلة!!! الاثنين:كل ماطلبوا صاحبات اسمهان طلب معنوي او مادي ورفضت قالوا: والله لانقول لأبلة جوهرة واش حصل!! (بقصص ومواقف صارت بينهم ومشاكل سووها قبل!!)وترجع اسمهان تلبي طلباتهم!!! كلش عاد ولا الفشلة قدام خالة المعرس!!!! الثلاثاء:كانوا الشلة متفقين يسوون مقلب باسمهان واشتروا باقة ورد وحطوامعاها كرت مكتوب فيه(يسلم بيد رانية بنت خالد) اللي هي صاحبة اسمهان وحطوه على مكتب أبلة جوهرة وراحوا!!! وبالفعل أبلة جوهرة يوم شافت باقة الورد راحت لشلة الصاعقة اللي كانوا واقفين مع اسمهان اللي مثل الأطرش بالزفة!!!! ونادت رانية وراحت رانية ركض.. وقالت لها أبلة جوهرة هالباقة لك !!الله يعلم مين أرسلها !!وطبعا اسمهان تراقب الوضع من بعيد ومو دارية اش الطبخة!!! وكانوا مجهزين كرت ثاني كاتبين فيه(إلى أحلى بنت بالثانوية اسمهان....التوقيع عبدالرحمن!!!) ودخلوه في الباقة بسرعة وجات رانية للشلة.. وقالت اسمهان بفضول:وش تبي منك أبلة جوهرة يارانية؟؟؟؟؟ رانية:مدري عنها مافهمتها!أعطتني باقة الورد بيدي وقالت عطيها اسمهان!!!!! اسمهان:هاتي أشوف!!! وفتحت الكرت وطار قلبها وشمت الورد وسلهمت بالعيون النواجل!!! والبنات حولها يستهبلون ويسحبون الكرت وهي عايشة بعالم آخر بمبي بمبي!!!!هههههههه والسالفة طبعا كل أبوها مقلب!! وهي ياساتر معتفسة فوق تحت وصارت ماشية بباقتها في المدرسة والبنات يزفونها ووصل الخبر للبنت اللي بفصل اسمهان وقالت لأختها الإدارية والإدارية قالت لأبلة جوهرة اللي كتمت غيظها وظنت السالفة صدق وإن عبدالرحمن بالفعل هو اللي أرسل الباقة للمدرسة واستخدم اسم رانية للتمويه!!!!! وهذا كله واسمهان تتفشخر وتتباهى بحب المعرس واتكيته قدام البنات وشلتها يقولون:ياحظك !! وهم بداخلهم بينفجرون من الضحك!! وطبعا أبلة جوهرة حست نفسها في موقف لايحسد عليه لأن الخبر وصل للمدرسات وصاروا يسألونها: مو هذا ولد أختك اللي تمدحين أخلاقه؟؟أجل كيف يرسل باقة ورد لوحدة ممكن ماتكون من نصيبه؟؟؟؟ أو لايكون هالبنت تعرفه من أول وكاتمة الموضوع؟؟؟ ولايكون يكلمها من ورا أهلها؟؟بس كيف جاب الرقم؟و......و.......و (وتدرون كلام الناس مايخلص!) بس طلعت أبلة جوهرة من المدرسة نهاية الدوام وهي في قمة الزعل!!! واتصلت بأم عبدالرحمن وقالت:مادريتي؟؟؟أنا وانتي انضحك علينا!!! الفالح ولدك متعرف على بنت الناس من أول!!!!!! أم عبدالرحمن:استهدي بالله الأول وقولي لي اش السالفة؟؟ أبلة جوهرة:ولدك مستغفلنا يعرف اسمهان من أول وناوي يفشلنا...تصدقين إنه داز لها باقة ورد لين المدرسة!!!اش هالمصاخة وأنا اللي أقول رجال ناضج فاهم واثاريه طلع خردة؟!!!!!!! |
| الساعة الآن توقيت السعودية الرياض و الدمام و القصيم و جدة 03:08 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.