|
لو سمحتوا يا متزوجات بدي مساعدتكم
حبيباتي الاموراات محتاجة لاستشارتكم بمشكلتي ياريت تساعدوني
انا متزوجة من سنة ونص وهلا حامل بالشهر السادس مشكلتي هي انو زوجي ما بحب يخليني اطلع من البيت وبغار علي كتير مع انو ما بحسسني اني حلوة واني عاجبيته غير لما بدي اطلع ما بخليني احط مكياج نهائيا حتى لو كحلة بس وممنوع البس عباية غير جلباب مع انو الدنيا عنا بالاردن بالعقبة كتير حر وحتى مو مخلييني اعمل فيس بوك من كثر غيرته ودايما بعلق علي اني اردافي كتير سمان وبضل يقولي اذا ما بتنحفي اكثر من قبل ماتحملي بتجوز عليكي معك شهرين بعد الولادة عشان تنحفي فيهم مو اكثر والمشكلة اني لما اقرر انحف بطول كتير و اردافي بضلوا كبار هاي اول مشكلة ومشكلتي التانية انو انا مو كتير اجتماعية وهلأ صرت بالمرة وصرت أكره الناس بسبب زوجي وما بحب الناس ابدا لا أهل ولا صاحبات ولا طلعات ولا جيات ولا شمات هوا ولا بحب اطلع من البيت صرت اروح على مركز لحفظ القران على امل انو ترجعلي شوي حياة اجتماعية بس ابدا مافي شي تغير انا كرهانة حالي وخايفة بكرة ما اقدر اتحمل بنتي بعد ما اولدها لاني كتير تعودت على الهدوء وبكره الضجة و بكره الاطفال وخايفة ما اقدر اتحملها مشان الله ساعدوني انا كتير مكتئبة حاولو تساعدوني |
رد: لو سمحتوا يا متزوجات بدي مساعدتكم
السلام عليكم اختي الفاضلة بالنسب للغيرة فهالامر عادي بل يجب ان تنظري اليه من الناحية الايجابية فقد قال عليه الصلاة والسلام""لايخل الجنة ديوث قيل ومن الديوث يارسول الله قال الذي يرضى الفاحشة في اهله ولايغار""
اما الارداف والتهديد بالزوجة الثانية فانما هي وسيلة ليحمسك حتى تضعفي لان الرجل اذا اراد الزواج فلن يستشيرك ابحثي فالنت عن تمارين تضعف الارداف وان شاء الله تفيدك وايرا بخصوص الاجتماعات فاحمدي الله لان لقاء الناس لايزيد شيئا سوى القيل والقال ووجع الراس فانتقي صحبة طيبة من مجلس القران وكفى اسال الله ان ييسر ولادتك ويصلح مابينكما |
رد: لو سمحتوا يا متزوجات بدي مساعدتكم
حبيبتي سلفية الله يجزيكي كل خير يارب بس مشكلة زوجي انه مو ملتزم بالدين ابدا حتى ما بصلي وكان قبل الزواج كتير يعرف بنات وبفهم بأمور البنات كتير وبعرف نقاط الجمال عند البنات واسرار الجمال وبضل يحكي عن النسوان اللي بالتلفزيون كتير انهم حلوات واجسامهم حلوة وانا والله ما بسمع منه ولا كلمة حلوة لما يفوت عالبيت بنخرس وما بعود يحكي كل الكلام الحلو للناس اللي برا وعنده مزاجية قاتلة بتخليني أكره حالي حتى دايما م
|
رد: لو سمحتوا يا متزوجات بدي مساعدتكم
طيب شوفي ايش نقاط الجمال اللي تعجبه فالنساء وانتي اعمليها صحيح ان الوحدة ماراح تصير بصورة كم مراة بس شوفي شو هو يحب وسوي قدر استطاعتك اماعن الكلام الحلو فانااكدلك ان 99 بالمية مالرجال مايقولو كلام هيك طبعهم
|
السلام عليكم نصيحتي لك انك تدعين في الصلاه انه يسخره لك.وبالنسبه لمدح الناس معرووف ان الرجال مايمدح زوجته ويحب يمدح غيرها علشان يشوف رده فعلها وانتي لاتعطين لهاذا الكلام اي اهتمام وان شاء الله تعيشون في حياه هادئه وحلوه مع بنتكم الي بتجي ان شاء الله والله ييسر لك حملك وولادك يارب
|
رد: لو سمحتوا يا متزوجات بدي مساعدتكم
كان الله في عونك
انتي ضلي ادعيله بالهداية والصلاح لانو حياتك مع انسان لا يصلي امر خطير ضلي ذكريه بالصلاة و الصلاح لعل الله يهديه حبيبتي لما يصير يعلق على منظرك او سمنتك انتي لا تاخدي كلامه على محمل الجد وانك تصدقي كلامه و تزعلي لا لا خليكي اذكى و حاولي اقلبي الموضوع ضحك و فرفشة لا تسمحيلو يؤثر عليكي ابدا و فهميه اذا هو مش فاهم انو المراة لما تحمل و تولد رح تنصح اكثر و اكثر و بالنسبة لقلة كلام زوجك انتي استفزيه بالكلام اجلسي بجنبه و ضلي حاكيه و اسأليه عن شغله عن يومه اضحكي معه حتى لو هو مش متجاوب ولا سائل فيكي معلش وما تتوقعي تجاوبه من اول مرة ولا من تاني مرة بدك تطولي بالك كتييييييييييييييير ما تزهقي من عدم تجاوبه بالنسبة لنقطة انو بيؤمرك انو ما تحطي مكياج انصحك انك تردي على كلام زوجك لانو الي بينصحك فيه بيرضي ربنا و طبعا حرام انك تطلعي برة البيت متبرجة اسمعي كلام زوجك و انشالله بتفوزي بالدنيا و الاخرة و حياتك بتتحسن للافضل و بالنسبة لغيرة زوجك احمدي ربك انو زوجك بغار عليكي هناك زوجات بتتمنى الواحدة منهن انو زوجها يغار عليها ولو بكلمة فاحدي ربك و اصبري وانتي لا تتصرفي اي تصرف تخليه يزيد من غيرته عليكي بالشكل الخاطئ يعني تجنبي تجيبي سيرة اي رجل غيره بالنسبة لحياتك الاجتماعية فواضح انو زوجك اثر عليكي سلبيا هو انتصر و جعلك تكرهي الطلوع خارج البيت حتى ما تطلعي وانتي خسرت و و خسرت حياتك الاجتماعية لا حبوبة الانسان ما بعيش لوحده بدون ناس انصحك انك تجددي حياتك حاولي مع زوجك انو يرضى انك تطلعي اول شي بلشي بالطلعات لعند الاقارب و اهلك و بعدها صيري اطلعي مع صديقاتك لوحدكم حتى تغيري جو البيت و المخانئات مع زوجك و الهدف انك تكسبي ثقة زوجك و يخفف غيرته عليكي و بامكانك تكسبي ثقة زوجك و تخففي غيرته متلا لو كنتو بتتفرجو على التلفزيون سوا و اجا ممثل او رجل امسكي بيد زوجك و قبليه و قولي له انو الرجل الوحيد بحياتك الي نال اعجابك و من هالكلام بالتوفيق يا بنت بلادي |
رد: لو سمحتوا يا متزوجات بدي مساعدتكم
حبيباتي الله يفرج كل همومك متل ما خففتو عني همي الله يبارك فيكم والله كلكم اخواتي بالله انشاء الله
ادعولي انو الله يصلح شأن زوجي ويسخره لي لانو والله العلاقة الزوجية أهم علاقة في الكون بس مشكلتي ما بحس انو في شي كتير بربطني بزوجي بحسه دايما غايب عني ومشغول عني بأصحابه وطلعاته وانا اخر اولوية بحياته بالله عليكم ادعولوا بالهداية والصلاح وانو ربنا يرزقه وظيفة غير البنك لانو بشتغل في بنك ربوي ومو لاقي وظيفة غيره ادعولي بالفرج القريب ((((((((((((اللهم سخر لي زوجي كما سخرت البحر لموسى...... اللهم جملني في عيني زوجي واجعلني اجمل نساء الكون في عينيه يا كريم يا كريم يا كريم انك على كل شيء قدير ....... اللهم اجعله قرة عين لي واجعلني قرة عين له وارزقني محبته يا مجيب الدعوات استجب دعوتي )))))))))))) |
رد: لو سمحتوا يا متزوجات بدي مساعدتكم
بالتوفيق اختي
واهم شي تدعيلو انتي و بذكائك بإمكانك تجعليه يعتبرك اولى اولوياته |
رد: لو سمحتوا يا متزوجات بدي مساعدتكم
اولا انا بدي احكيلك عن الغيرة عااااااادي اولها بس بكرة انشاء الله يصير عندك اولاد ويكبروا هاي لحالها بتروح وثانيا انت اهتمي بحالك وغيري لبسك وكلامك يعني اسلوبك وصيري اضحكي والعبي ودلعيه شويه من هون ومن هناك بتتغير الامور انشاء الله
|
رد: لو سمحتوا يا متزوجات بدي مساعدتكم
اللة يصلحلك زوجك ويرزقك زرية صالحة
|
| الساعة الآن توقيت السعودية الرياض و الدمام و القصيم و جدة 05:55 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.