ازياء - فساتين سهرة و مكياج و طبخ - ليش النكد يامتزوجات ضيعتم اجمل ايام العمر بالنكد

كنت اسولف مع وحده من قريباتي وهي انسانه محبه للخير

تقول الله يسلمها وهي تبلغ من العمر 59 سنه

مايخرب الزواج ولا يدمر السعاده بين الزوجين الا البوز الممدود ياكثره هالايام عند الزوجات

تقول تزوج زوجها عليها 6 زوجات مابين مطلقه وارمله وبنوته وفي الاخير كان مصيرهن الطلاق

قلت لها ليش قالت من النكد ؟!!

قلت وانتي ماكنتي نكديه قالت لاني كنت نكديه زوجي طفش وتزوج علي ولكن من ضبطت نفسي وعرفت سر هروب زوجي هو النكد والتفتيش والغيره عقلت وضبطت احوالي وهذا هو حبيب قلبي وشايبي الحنون معي

الله يجعل شباب وكهولة ازواجكم على يدينكم وحدكم يااخواتي

الحين نجي للسؤال المهم

شو فايدة حياه كلها نكد؟؟

ماتشوفون الازواج وبالذات اصحاب العلاقات يدورن برا؟؟ ماعرفتوا السبب ؟!

السبب الاسلوب الجاف والكلام الخشن الملئ بالاتهام والشك والريبه والبحث المتواصل عن النكد والمشاكل والتفتيش والهموم

حبيبتي الزوجه زوجك يبي

احترامك لخصوصياته

تقديريك له

ثقتك به

وعلى طاري الثقه تقول وحده اكتشفت زوجها يخونها وهو كان مسوي كل احتياطه انها ماتدري فقالت ماخش عني الا انه يحترمني فقلت بداويه باللتي هي داوووووو تمت الحرمه ليل مع نهار كل ماتشوف زوجها ترحب به وتعطيه من هالكلمات ليت كل الرجال يحترمون زوجاتهم مثلك
وليت الكل يقدر زوجته مثلك ويخاف عليها
المهم انها جلست عليه الين خلاته يحس بتأنيب الضمير وقام الاخ قطع علاقاته كلها وهام بحب زوجته اللي شجعته بأسلوبها

يعني وخلاصة الكلام

يامتزوجات بطلـــــــــــــــــــــــوا النكد وعيشوا حياتكم الحلوه مع ازواجكم ولاتسمحون للفاضيات ياخذون ازواجكم

وبدال النكد اضيفوا الابتسامه المشرقه لحياتكم
والكلمه الطيبه
والاسلوب الحنون

وشويه دلع وغنج ونعومه تراه يستاهل هالمخلوق منك الحنيه