تنظيف التلاجة

اولا تفصلى الفيشة من الكهربا وتشيلى اى حاجة فوق التلاجة
وبعد كده تفضى الفريزر خالص وتشيلى الارفف بره عند الحوض
وتفضى التلاجة خالص وترمى اى حاجة بايظة او منتهية اللاحية وتشيلى برضه الارفف
تجيبى ليفه ناعمة وميا وبريل وخل وتمسحى التلاجة من فوق ولو لقيتى التلاجة لازق عليها تراب رشى منظف الزجاج وامسحيه او مذيب الدهون
وبعد كده نضفى الجوان اللى حوالين باب الفريزر كويس قوى وهاتى فرشاة سنان وادعكى مابينهم
ونضفى الفريزر مكن جوة كويس وامسحى بعدها بفوطة مبلولة ومعصورة
اعملى نفس القصة مع الجوان اللى حوالين الباب من تحت ومن فوق ونضفى التلاجة من جوة نفس القصة وامسحيها وجفيفيها وسيبى التلاجة والفريزر بتهوا شوية
القاعدة بتاعت التلاجة احيانا بيبقى لازق فيها بواقى اكل او خضار دى لازم تمسكيها وتنضفيها وتدعكيها ان احتاجت وتكنسى من تحتها
اغسلى ارفف التلاجة بالبريل والخل وسيبيهم ينشفوا ويتصفوا
افرشى مفرش فوق التلاجة علشان التراب ميتجمعش وهاتى زهرية او طبق فاكهة او اى شكل جمالى وحطيه وحافظى دايما ان فوق التلاجة مفيش كراكيب
رصى الارفف مكانها وياريت تجيبى مفارش بلاستيك للتلاجة فى بيتباع جاهز على قد الرف من عند ابو 2ونص
ورجعى لوازم التلاجة تانى
بس حاولى تعملى كده فى الايام اللى بيبقى فيه الفريزر فاضى مش مليان لحوم واسماك