ازياء - فساتين سهرة و مكياج و طبخ - انواع البنات علي النت

المصلحجية!!
متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني
يا ساتر عليها بتبقى عايز تديها بالكرسى وتسيبها وتمشى انواع البنات علي النت .......

الرسميـة!!
ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. او
رجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت..
ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس أو الرأى والرأى الآخر
بتبقى معقده كده ودماغها طاقّه انواع البنات علي النت .......

المجنونه!!
دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور..
واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط
عايزه دكتور نفسانى أو أنبوبه بوتاجاز وإخلص انواع البنات علي النت .......

الغلسه!!
تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر
.. وثقافتها ماتعدى المتوسطه .. وضحكتها زي كده هع هع هع
..وتكتب بلون اسود لانها ماتعرف تغير الالوان
بتبقى عايزه بلدوزر ونخلص انواع البنات علي النت .......

البطــــة!!
طباخة ممتازة وتحب تتكلم عن الاكل.. ودايم جعانه.. ونقطة ضعفها الجالاكسي جواهر والمكرونة الاسباجيتي .. كلامها كله ريحته بصل وتوم وملح وبوهارات وقبل معاد العشا بساعه يكون مزاجها مش رايق ..
ولما ينادوها للعشا تقفل بسرعة البرق ودائما تتكلم عن تجاربها الفاشلة في الريجيم
نص نقل مش مرخص انواع البنات علي النت .......

الكذابة!!
اسمها الحقيقي فردوس .. فتكات .. نحمدو .. فوزيه ، وتجي على النت وتقول اسمي نانسى او هيفا او بيرى.. ودايما تنتقد و مايعجبها العجب.. واذا شافتك مشغول
الرد بيكون هو الشتايم
تحتار ازاى ترضيها .. تديها اغنية تقولك مابحبش الاغاني..كل حاجة تضايقها وكل حاجة تزعلها ماتعرفش تجامل ولا تمدح الا نفسها.. دايم توصف نفسها بالجمال والرشاقه
وبتبقى تقيله كده فى التعامل وكل شويه بكلمه شكل ... كدابه فى أصل وشها انواع البنات علي النت .......