ازياء - فساتين سهرة و مكياج و طبخ - هايم قلبي بحب ام عظيمه

هايم قلبي بحب ام عظيمه
كلما اذكرها ازداد و نات
لي ذكرت آنا فعايلها الكثيره
اقعد ابكي و الله اشتات واشتات

كيف بوفي بحقج انتي يا كريمه
يادفى يااحساس يا عذب السمات
كثر ما ضحت ما ضحت عشيره
وكثر ما عانت ماعانت اموات

انتي ياللي نور قلبج استضيبه
و انتي شوفج يشفي علات وعلات
و انتي ياللي ربي خل طاعتج فريضه
و انتي يا امي بتحتويج جنات

يا ذهب يا الماس يا امي الحنونه
يابريق الشمس يا احلى لمعات
لي هل وجهج صارت الدنيا وليعه
و لي غبت عني ذرفت العين دمعات

ادعي ربي انه يعطيني الوسيله
لجل اوفي بحقج و ادري انه هيهات
لان امي يوم تعطي كلها طيبه
و لما تضحك تتفتح بذا الكون و ردات

ربي خلها حقي و حق الخليقه
و تهدني ربي بفعل الصالحات
حتى اسعد امي الغاليه العظيمه
و ما اقصر لجلها بالواجبات