ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   العناية بالبشرة و الجسم (https://fashion.azyya.com/29)
-   -   عايزه توحدى لون جسمك تعالى (https://fashion.azyya.com/448484.html)

أملي رضا الله 11-23-2013 11:20 AM

عايزه توحدى لون جسمك تعالى
 
http://up.azyya.com/do.php?imgf=1385190578961.gif

طبعا مشكلة البقع اللى فى الجسم وعدم توحيد لونه مشكلة بتارقنا كلنا وانا طبعا كنت كل لما ابص فى المرايه واشوف جمال وحلاوة جسمى بعمل طبعا انتوا عارفين انا بشوف ايه

المهم قلت لا كده حرام ده انا جوزى بيشوف اشكال والوان انا لازم اعمل حاجه فقررت اعمل سيرش على اليوتيوب لاقيت خبيرة التجميل منى رزق بتقول على وصفة للعرايس لتوحيد لون الجسم فتوكلت على الله وقلت اعملها يمكن يكون فيها الشفاء

بعد شهر من استعمالى للوصفه ببص فى نفس المرايه اللى بصيت فيها قبل كده بس المره دى عملت :e023: مش مصدقه هو انا ديه بصراحه يابنات اول مره اعمل وصفه وتبقى بالجمال ده خلاص خلاص هقول على الوصفه

مكونات الوصفه
1-صابونه معطرة
2-ماء ورد
3- 4 معالق كبيرة جلسرين
4- 4 معالق كبيرة زيت زيتون
5-عدد 2ليمونه متوسطه

الطريقه
هنبشر الصابونه فى طبق استانلس ونضيف عليه زجاجة ماء ورد ونتركها ليله كامله يعنى مثلا من بليل الى الصبح وبعدين نضع الطبق اللى يه الصابون وماء الورد فى حله فيها ماء ساخن جدا بمعنى تون الحله اللى فيها المايه السخنه بتغلى على النار واحنا حاطين الطبق الاستانلس عليها بس اوعى يجى عليها مايه وتفضلى تقلبى لحد لما الصابون يسيح خالص لو لقيتى الصابون ماسك حطى ماء ورد تانى وافضلى قلبى وبعد الصابون ما يسيح خالص شيلى الطبق من على المايه السخنه وبعدين ضيفى المكونات ماعدا الليمون ضيفيها لما يهدا شويه من السخونه

فى حاجه انا بضيفها للخليط ده بتفتح البقدونس بجيب حزمتين بغسلوا وبحطه فى المطحنه بتاعة الخلاط وبعد ما بضربه بصفيه بحتة قماشه بحيث ينفصل المايه عن التفل بتاع البقدونس وباخد ماية البقدونس وبضيفها على الخليط وكمان بضيف 3معالق نشا بس وانتى بتحطيهم تقلبى كويس علشان ميكلكعش النشا ده اختيارى

اخر مرحله بحط الخلطه فى برطمان زجاجى فى التلاجه



الاستعمال

يستعمل يوم اه ويوم لا لمدة شهرين
بندخل الحمام نبل جسمنا بماء ساخن وبعدين ننشف جسمنا جامد وبعدين نضع الوصفه على كامل الجسم ماعدا الوجه ونتركها 4 ساعات وممكن ننام وتانى يوم نغسلها بس انا بفضل ال4 ساعات
المهم بنجيب الليفه العاديه وندعك بها كامل الجسم وبعدين نشطفه بماء بارد


اللسيون بقى

بعد ماننشف جسمنا نضع لوسيون ايه هو
كميات متساويه من
1-ماء ورد
2- جلسرين
3- معلقه كبيره مسك ابيض ده علشان يخلى ريحة الجسم حلوة
4-ليمونه كبيره
نحطها فى علبة لوسيون قديمه او اى علبة تكون فتحة البرطمان صغيرة وندهن جسمنا

ديه كمان حلوة قوى علشان اللى عندها حبوب فى الكتف او الظهر بضيعها بفضل الله


على فكرة من اول شهر بتلاقى نتيجه مبهره بس تستعملي طول فترة الشهرين يوم اه ويوم لا وبعد كده مرتين فى الاسبوع


منقوووووووووول

اورمال 11-23-2013 12:28 PM

رد: عايزه توحدى لون جسمك تعالى
 
مشكووووووورة
الله لايحرمنا من مواضعك الرائعة

حياة ليبيا 11-23-2013 08:34 PM

رد: عايزه توحدى لون جسمك تعالى
 
يسلمووووو ربي يعطيكي العافيه


الساعة الآن توقيت السعودية الرياض و الدمام و القصيم و جدة 04:42 PM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0