وصفات وماسكات لجمالك ياعروسة متجدد
 

اوعوا تغسلوا وشكوا بالصابون عشان اكتر حاجة بتسبب الجفاف و التجاعيد

ماتنسوش قبل النوم ؛ ماية ورد و نرش علي البشرة ... او استخدموا اي كريم قليل اوي علي البشرة بس بلاش تحت العين

مياه ورد بعد غسيل البشرة هايلة لو مفيش نغسل الوش بمياه فاترة بعد كدة مياه باردة .. و ننشف بايشارب او تي شيرت قطن

للمحافظة علي الحواجب و الرموش ممكن نخلط زيت خروع مع زيت زيتون و يوضع يوميا عليهم اول ما نصحي ، بس نقطة واحدة بس في كل ناحية .. نخلط المكونات و نستخدم فرشة ماسكارا نظيفة و نعمل كدة يوميا و نغسل الوش و العين كويس اوي قبل النوم

مياه الورد من أفضل أنواع التونر لجميع أنواع البشرة ،، توضع علي البشرة يوميا مرتين قبل النوم و بعد غسيل البشرة صباحا ،،،

من اكتر الأخطاء الشائعة ، غسيل الوجه البشرة الدهنية بالصابون ، تسريح الشعر بمشط بلاستيك ، النوم بمستحضرات التجميل make up، تنشيف حب الشباب بالفرك عن طريق الفوطة بدلا من الطبطيط ، عصر الشعر ، عدم وضع مياه علي كمية الشامبو المستخدم علي الشعر ، استخدام الصابون علي البشرة الجافة، استخدام المياه الساخنة ،

نصيحة لسقوط الشعر للولاد و البنات سهلة جدا و بسيطة و بتفرق و تقلل السقوط اننا ننام علي الارض و نرفع رجلنا علي حاجة عالية شوية ؛ كدة الدم كله حيرجع و يطلع للراس فيعمل علي تنشيط الدورة الدموية للبصيلة و يثبت الشعرية مكانها لان كتير اوي مش بيعمل مساج للفروة فالدورة المدوية مش بتكون متظبطة ؛ الموضوع سهل اوي و بيفرق خاصة للناس الي مش بتلعب رياضة