ازياء - فساتين سهرة و مكياج و طبخ - اصنعي دوا التخسيس شيتوكال في البيت حصريا لاول مره

السلام عليكم
في البدايه عاوزه اعرفكم اني انا كنت بعمل الموضوع ده في 2010 تقريبا
وخسيت فعلا وجاب نتيجه هايله
وحاليا لاقيت نفسي تخنت تاني قولت هعمله تاني فقولت اعرفكم معايا

الموضوع بقي
دوا الشيتوكال اللي بيمنع امتصاص الدهون والسكريات في الجسم
هو وكل بدائله
بيتعملوا من قشور البحريات زي الجمبري والكابوريا
كنت فاكره اسم الماده اللي بستخلصوها ونسيته
والكلام ده موجود في نشرته
ودكتور صيدلي كان شغال شغال في الشركه زمان قالي كده
بيستخلصوا مواد معينه من قشور البحريات دي
بتمنع امتصاص الدهون فلما الواحد بياخده قبل الاكل كأنه مكلش حاجه
والدهون بتروح في الاخراج
وفعلا الشيتوكال هاااااااااااااااااايل
بس غالي معدي ال 100 ج
وعشان كده مكنتش بستمر عليه علي طول
شغلت الفهامه بقي
في يوم خلصت اكله كابوريا وجمبري
وجبت القشور حمصتها كويس جدا في الفرن
نشفتها من اي ميه مش حرقتها
وكسرتهم حتت صغيره وطحنتهم في الكبه
والبودر ده شلتها في بطرمان ناشف وشيلته في التلاجه
وبقيت قبل الوجبات بساعه
اخد معلقتين تلاته كبار مدوبين في ميه او حبه شوربه
وسعات كنت بضيفهم لشوربه الخضار بعد السوا
او ارشهم عالسلطه واقعد اخترع كده
المهم اني اخدهم وطعمهم مش سئ
بالعكس بيحلوا الشوربه
والله العظيم جاب معايا نتيجه الشيتوكال
ولما حكيت للصيدلي قالي انتي كده خدتي الماده الخام بيور
وقالي برافو عليكي
وقالي كمان الشيتوكال بتاعك امن ومش غلط علي الحوامل لانه طبيعي
وبقيت اعمل كده علي طول لحد ما وصلت للوزن اللي انا عايزاه وقللت اكلي وخلاص

انا دلوقتي ناويه ارجع اعمله تاني
هستني اول الشهر بس عشان نجيب جمبري وكابوريا:e065: