|
صباغة طبيعية لون بني غامق
الوصفة مجربة حياكن الله اخواتي الانيقات واسعد الله ايامكن وباش تمنيتوا من خير يارب ، جبت لك اليوم موضوع على الصباغة باش نغطيوا الشيب سواء المبكر او الي جاها وقتو وكثير ولا قليل كلنا تنعرفوا ان الشيب ماشي عار بل هو وقار الى بغينا ههههههههههههههههه عيرتني بالشيب وهو وقار ولكن منرميوش بنفوسنا للتهلكة مع الصباغة الكيماوية الي عندها اضرار خفية اكثر مما تتصورن حبيباتي الغاليات ومنها انها تسبب في سرطان الوالدة وحسب الاحصائيات الي عندنا في المغرب هو ان 60% من النساء الي مصابات بالسرطان ومن بين الاسباب الي عندنا هي الصباغة الكيماوية التي تتوغل في سائر الجسم وتضخ فيه السموم القاتلة وكل جسم وقوة الاستيعاب عنده ، وعاد من بين الاضرار الي تنشوفوها وهي انها تتخرج على الشعر تتكردوا نييييييييييييييت تتحرشوا وتتسالي معاه زتسالي مع فروة الشعر تدخل للرئتين والحساسية تدير بلاوي الله يحفظنا منها وبما ان العكز الي قاتلنا فحنا تنعطيوا للسموم مجال قوي والي تيقلل من المناعة عندنا ،وتنبغيوا الزواق الكذاب على الصح والمعقول المهم تنعرفوا ان الشيب حاجة مبغوضة عند الناس كاملين وحتى الرجال عاد النساء الله يرزقنا الرضى والجنة وبلا منطول عليكم الي نبغي نوصيكم عليه هو منعوا الصباغة الكيماوية منعا كليا واهتموا بالطبيعة فيها الصحة والجمال ولله الحمد واليوم غادي نعطيك صباغة طبيعية للشعر البني الغامق يتبع |
رد صباغة طبيعية لون بني غامق
اولا الصباغة للشعر البني الغامق
5 دراهم بابونج 5 دراهم كركديه 3 دراهم اوراق الكركاع 3 دراهم قشور الرمان http://t3.gstatic.com/images?q=tbn:A...nlFfxYsTNPqLMQ 3 دراهم سالمية http://t3.gstatic.com/images?q=tbn:A...6MSCH-75nSo7hw 3 دراهم ريحان http://t3.gstatic.com/images?q=tbn:A...62Ja1qcI8VBDiK 5 حبات العفصة تدير درهم للوحدة 3 معالق كبار اتاي حبوب 2 معالق كبار حنة http://t0.gstatic.com/images?q=tbn:A...YAXXo9iIhpXJbw 2 معالق خل التفاح http://t0.gstatic.com/images?q=tbn:A...2CkkVO6FlAhWBc كلشي موجود عند العطار قشور الدنجال http://t1.gstatic.com/images?q=tbn:A...qv7_PWBe_03-wA الطريقة : اول شيء غادي طحني كل حاجة بوحدها بعدما تشمشيها غادي تاخذي من كل حاجة معلقة ونص مع قشور الدنجال وتعمليهم مع 2 كيسان الماء وتخليهم يغلاوا فوق نار مهيلة حتى يطلقوا مزيان ويبقى عندنا قياس نص كاس مركز نغليوا اتاي في كاس كبير الماء ونخليوه حتى يولي عندنا نص المقدار ديال الماء . يتبع |
رد: صباغة طبيعية لون بني غامق
من بعد نضيفوا المواد الي بقات عندنا غبرة نضيفوا لها الحنة ثم نخلطوها بالماء المركز الاول والخل واتاي ونضيفوا معلقة زيت الزيتون ونمشطوا شعرنا ونبداوا من الجدر الى الاطراف ونخليوه حتى تقريبا يتماسك فوق الشعر ونغطيوه بالبوني ونخليوه 4 حتى 5 ساعات ومن بعد نغسلوه ولكن بلا شمبوان فقط بالغاسول المسقي الي تكوني مصاوباه ودابا وقتو مع الصيف تصاوبي للعام كامل ومن بعد تغسلي شعرك تخليه حتى ينشف وترشيه بمحلول الريحان وتخليه حتى ينشف وذهنيه ودوري لو الباتشا وبالصحة والراحة خاصك تكريها 2 حتى 3 مرات في الاسبوع باش تعطيك اللون المطلوب ومن بعد تبقاي ديريها كل اسبوع باش دائما يبقى الشيب مغطي بصفة دائمة ان شاء الله وهكذا تكوني حصلت على نتيجة جد مرضية وتقولي وداعا للشيب وللتكراد والحروشية وتحصلي على شعر بني غامق و صحي ويتوقف التساقط ويرطاب ويتقوى وبالصحة والراحة . منقول |
رد: صباغة طبيعية لون بني غامق
يعطيك العافيه على الوصفه الرائعه
|
| الساعة الآن توقيت السعودية الرياض و الدمام و القصيم و جدة 03:26 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.