ازياء - فساتين سهرة و مكياج و طبخ - ميزانيه لفردين اواكتر

:e069:اتمني ان تدعولي بالنجاح والتوفيق في الدراسه:e069:

ميزانية 400 جنية لفردين

هنقسمها كالاتي :
100 خزين

5 كيلو ارز ب 20
3 كيلو مكرونة ب 12
1 كيلو سكر و باكو شاي ب 8
ربع لسان عصفور و نص شعرية ب 3
كيلو دقيق ب 4
3 كيس بيكنج باودر ب 2
4 كيس فانيليا ب 1
2 زجاجة زيت قلي ب 18
زجاجة زيت عباد للطبيخ ب 10 او 12 ( انا بحب اطبخ بكريستال او صني )
و نص عدس اصفر و نص عدس بجبة و غلة للبليلة ب 10
و 10 جنية نص كرتونة بيض

و 150 لحوم
هنجيب فرختين
هنعمل الصدور بانية و الدبابيس كنتاكي مع بطاطس محمرة و مكرونة و باقي الورك على صنية بطاطس او شرايح و نعملها كنتاكي برضوا ( سندويتشات ) او شيش طاووك و الرقب و الجناحات و الهياكل نسلقهم و نشيل منهم اللحمة و تبقى شاورما او مكرونة نجرسكو او كريب او على البيتزا و الشوربة نعمل بيها اي طبيخ و الكبد و القوانص نحوشها و نعملها ببصل
و الفرخة التانية كيلو و ربع ب 20 و نعملها مشوية او تكا او على طبيخ تكفي يومين
كدة 50 جنية

و نص لحمة بلدي ب 30 طبيخ على يومين

و كيلو لحمة مفرومة ب 50 نقسمها على 5 اكياس و نزودها بصل و برغل للصواني او الكفتة او الحشوات ( جلاش - كانيلوني - باتية - بيتزا )
و كيس منهم نزوده فول صويا و نعمله برجر ( بس مش اكتر من مرة في الشهر لانه غلط على الرجالة )
و كيلو سمك ب12
و نص كبدة مستوردة ب 8 تتعمل بانية او اسكندراني

و 150 للخضار و الفطار ( 50 كل 10 ايام )
هنجيب كيلو و نص بصل و كيلو و نص بطاطس و 2 كيلو طماطم و نص فلفل و نص جزر و خضرة و صنف او 2 طبيخ ( منزودش عن ال 20 جنية )
و 30 جنية للفطار و العشا
عيش مدعم ب 5 جنية في ال10ايام
و فول ندمسه و فول مدشوش للطعمية ب 10
و علبة جبنة فيتا ب 6
و 2 كيلو لبن ب 14
::e047:لوالعدد اكتر زودي في الثمن والكميه:e047: