ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   المواضيع المتشابهة لاقسام الطبخ (https://fashion.azyya.com/122)
-   -   ناجتس معمول من المنزل انضف واحلي (https://fashion.azyya.com/460968.html)

فاطمه فطومه 02-10-2014 05:54 AM

ناجتس معمول من المنزل انضف واحلي
 
ازيكوا يا حبايبي
النهارده هقولكوا فكرة حلوة
ان شاء الله تعجبكوا وتعجب ولادكوا
موفرة
ومغذية
وطعمها تحفة
الاول الغرض من الموضوع مش التوفير
لا انا عملت الموضوع ده هروبا من الناجتس اللي بيبقا طعمه وحش وكله عجين
ندخل في المفيد
شريحتين بانيه (متختخين مش الرفيع خالص)
وبطاطساية اد كورة التنس تقريبا
5 اعواد بقدونس
بصله اد كورة التنس
فلفلاية خضرا بردو صغيرة
وبيضة 3 ملاعق بقسماط ناعم
توابل
انا ببشر البصل في الكبة عشان ماينزلش مية
وبقطع عليه الفلفل الاخضر
واشوحهم بسيط على النار (هقول ليه في الاخر)
وفي الكبة ضربة او اتنين للبانية بحيث ما يتعصرش يادوب يتفرم
واقطع البقدونس صغير جدا جدا
والبطاطساية ببشرها بالمبشره رفيع جدا وصغير واعصرها من المية
واخلط كل المقادير على بعض
واضرب البيضة
واحطها عليهم
واعجن كويس اوي
حتى لو لاقيتيها مش متماسكة اوي مش مشكلة
بالرحة كده شكليها وكوريها او بططيها او اعمليها صوابع براحتك انا بعملها صوابع
وبالراحة كده ادحرجهم في (بقسماط ناعم متبل وعليه دقيق ابيض)
وارص في طبق الفويل وعلى الفريزر وتطلع متلجة على الزيت
ماشاء الله بيعملوا من 15 ل 20 صوباع كفته
ممكن بقا تعملي منها للولاد الصبح بدل الناجتس اجمل بكتيييييييير ريحتها تحفة وطعمها يهوس ومقرمشة من بره وطرية جدا من جوه
وبحمر البصل شوية الاول عشان ما يبقاش له ريحة في الكفتة لانها بتستوي اسرع منه

مروة الشهري 06-25-2014 03:21 PM

رد: ناجتس معمول من المنزل انضف واحلي
 
يعطيك العافيه


الساعة الآن توقيت السعودية الرياض و الدمام و القصيم و جدة 10:22 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0