ازياء - فساتين سهرة و مكياج و طبخ - ليه الشباب يغازلون البنات ؟؟؟؟؟

تعرفون ليش الشباب كله بغازلون البنات ..
خلاص أنـــا بقولكم ..

السبب الاول .. العبايات:-

شمغ .. ساري.. شك .. خرز.. طب وتنقى بس لا تكثرووون يالبنيات..

نشوف ان العبايات بدت حبه حبه شوي شوي.. step by step
كانت وسيعه==> بدو يضيقون===> فستان عزيمه===> بدلة رقص شريهان==> خلصنا صارت
فيفي عبدو..

والي يلفت انتباهي.. مره وانا عند خياط عبايات كان فيه ثنتين وحده عبايتها تقول وزرة يماني..

والثانيه قاعده تفصل عبايه.. عاد تقول للخياط ضيق من عند الخصر.. وخلها كلوش من تحت
(يعني فرنسي)

والخياط ماغير يضيق بهل العبايه لمين الخياط طلع من طوره وقال
ماما هذا مافي عباه هذا صار فستان عروسه..
(مشالله الهندي مطوع)

ولا يوم خلصت قالت خل فتحات من الجوانب وخلهن لمين الركبه.
. عشان يطلع البنطلون الجينز..

خلونا الحين من ذولي قالتله عندك خرز احمر ??
قال الهندي المسكين ايه قالت حطه بالعبات كله..
من حق عبات صارت..(بس اقول الله يستر عليها بس)

السبب الثاني ... الشيلة والطرح..

-الفوطه:الي صايره جنها فار مقرضها مافي قض الي فيها.. صايرة جنها مشخال..

لوحة بيكاسيو:- مافي لون بالعالم الا رازته بالغطى

غطى على غفله:-شيفون ولا حرير بس يكون شفاف الله يرحم والدينك(طيب ليه تغطين)..(والله ماودي بس الوالد اجبرني)

-مافي خيط هندي وخرزه الا بالغطى:-الي تصير كله شخابيط ..

هذي بعضالشيلات الي هابين فيها هل اليومين بنات ترى الموضه الحين الجنز لا يفوتكم

السبب الثالث ... الشنط:-

1-اهم شي انها تكون صغيره(سندويشت ابو يمن..) وتكمله ضيق الكم بالله وشلون تمشي..

2-تلمع وتبلص:-ومره انا امشي واحد يلحق وحده وانا وراهم اتتبع الاحداث(CNN)ومستغربه البنت مابه شي
يعني عشان يلحقها.. وبالاخير وقفه قاله من وين شنطتك انا ابي اتزوج وابي لزوجتي مثل ذي الشنطه لانها تلمع..
البنت دور خشمها طار للدور الثالث..

السبب الرابع .. الاحذية (وانتو بكرااامة )

1-برج برزان ولا برج الهديفي و برج الاوقاااااف معاهم:-(بالغصب طويله وعنقى)تلبسهن بس اويلاه من جاء ودفه
(عاد مايقصرون الشباب انواع الحرش)

2-جواتي االشباب العرابجه:-اكشخ من قدكم البنات بدوا يقلدونكم..

السبب الخامس والللللله على السبب الخامس ..المكيـــــــــاج:-

لطخي بويهج وكثري بالعيون وسوي زي كحل زينب العسكري.. وشوفي الشباب كيف يلاحقون..

(ابي امي .. ابي ابوي..ليش الشباب يلاحقوني)..

عرفتووو اي نوعية الي يلحقووونها الشباب و يغازلونها ؟؟
ترى البنت المحتشمة الي ما تتبرج تبرج يلفت الانظار محد يقدر يتجرأ و يقرب يمها ...

****** منقوووول ******