ايس كريم الخوخ وسوربيه الخوخ من مطبخ الشيف مونى بالصور
 

السلام عليكم ورحمة الله




من احلى انواع الايس كريم اللى عملتها هو ايس كريم الخوخ




والمكونات كالتالى:




كيلو الا ربع خوخ




كوب الا ربع سكر




كوب كريمة لبانى




نصف كوب حليب




فانيليا




الطريقة





هنحط الخوخ فى مياه مغلية عشان يسهل تقشيره

http://i39.servimg.com/u/f39/16/73/51/37/111.jpg
هنقشره ونشيل منه البذر وهنحطه فى المحضرة مع السكر
http://i39.servimg.com/u/f39/16/73/51/37/211.jpg
وهنشغل عليهم لغاية ماالخوخ يتهرس ويبقى بيوريه
http://i39.servimg.com/u/f39/16/73/51/37/311.jpg
ونضيفله الحليب والكريمة والفانيليا
http://i39.servimg.com/u/f39/16/73/51/37/411.jpg
وهنشغل عليهم لمدة دقيقة لغاية ماكل المكونات تمتزج كويس جدا وهنحطه فى علبة محكمة الغلق
http://i39.servimg.com/u/f39/16/73/51/37/512.jpg
ونحطه فى الفريزر واثناء التفريز نقلبه حوالى 3 مرات عشان ميكونش كتل تلجية
http://i39.servimg.com/u/f39/16/73/51/37/611.jpg
قدمته تانى يوم وزينته بشوكولاته سايحة
http://i39.servimg.com/u/f39/16/73/51/37/712.jpg
http://i39.servimg.com/u/f39/16/73/51/37/811.jpg
بالنسبة للكريمة اللبانى هى نفسها الكريمة السائلة وهي كريمة خاصة بالحلويات وتكون مصنوعة من الحليب الكامل الدسم وتستعمل في الطهي وتزيين الحلويات وهى نفسها كريمة الخفق وانا بشتريها جاهزة من السوبر ماركت وهى غير الدريم ويب وغير الكريم شانتى وطبعا هى بتبقى اساسية فى عمل الجناش اللى بنستخدمه فى التورتات
وممكن نستبدلها بحليب كامل الدسم بس فى الوصفة دى احنا استخدمنا حليب كامل الدسم فالاحسن نستخدمها نفسها وانا بحب اضيفها للايس كريم واى حلويات لأنها بتخلى الطعم غنى وانا مجربتش اى بدائل تانيه ليها لغاية دلوقتى




ندخل على سوربيه الخوخ والسوربيه هو ايس كريم خالى من الدسم يعنى مفيهوش لاقشطة ولا بيض ولا حليب ولا كريمة وفيه ناس بتعتبرها فاكهة مجمدة بس طريقته سهلة وطعمه حلو




ومكوناته كالتالى:




نصف كيلو خوخ




ربع كوب سكر




ربع كوب عسل جلوكوز(ممكن نستبدله بعسل نحل)




فانيليا




الطريقة




هنقشر الخوخ بنفس الطريقة اللى قلناها قبل كده وهنشيل منه البذر وهنحطه مع السكر فى المحضرة


http://i39.servimg.com/u/f39/16/73/51/37/912.jpg
ونضيفلهم عسل الجلوكوز والفانيليا
http://i39.servimg.com/u/f39/16/73/51/37/1011.jpg
ونشغل عليهم لمدة دقيقتين لغاية مالخوخ يبقى بيوريه والمكونات تمتزج ونحطه فى علبة محكمة الغلق
http://i39.servimg.com/u/f39/16/73/51/37/1111.jpg
ونحطه فى الفريزر ونقلبه كل 6 ساعات عشان ميكونش كتل تلجية والسوربيه بياخد فى التجميد وقت اكتر من الايس كريم
http://i39.servimg.com/u/f39/16/73/51/37/1210.jpg
وقدمته تانى يوم
http://i39.servimg.com/u/f39/16/73/51/37/1310.jpg
http://i39.servimg.com/u/f39/16/73/51/37/1410.jpg
يارب موضوعى البسيط ده يكون عجبكم

رد: ايس كريم الخوخ وسوربيه الخوخ من مطبخ الشيف مونى بالصور