الكنافة العثملية بالقشطة من مطبخ الشيف مونى بالصور
السلام عليكم ورحمة الله
كل عام وانتم بخير المكونات: نصف كيلو كنافة كوب سمنة بلدى(ممكن نستبدلها بزبدة) كوب سيرب متوسط بارد(السيرب هو نفسه الشربات او القطر او الشيرة ومكوناته كوب ونصف سكر على كوب ماء وعصير نصف ليمونة) مكونات الحشو: 2 كوب حليب علبة قشطة بوك(170 جرام) 4 ملعقة كبيرة نشا ربع كوب سكر ملعقة صغيرة ماء ورد للتزيين: كريم شانتى فستق مجروش كريز الطريقة: اول حاجة هنحضر الحشو عشان تبرد براحتها وتبقى متماسكة هنحط كل المكونات مع بعض فى كسرولة ماعدا القشطة البوك وماء الورد وطبعا انا مقللة كمية السكر فى الحشو عشان فيه سيرب فى الكنافة http://i39.servimg.com/u/f39/16/73/51/37/114.jpg هنقلبهم على البارد وهنحطهم على نار متوسطة مع التقليب المستمر لغاية مايتكاثف القوام وهنطفى النار ونحط القشطة البوك وماء الورد http://i39.servimg.com/u/f39/16/73/51/37/314.jpg ونقلبهم كويس لغاية ماتتجانس كل المكونات http://i39.servimg.com/u/f39/16/73/51/37/214.jpg وهنحطها تبرد فى التلاجة ونبدأ نحضر الكنافة هنقدح السمنة وننزل بيها على الكنافة ونقلبهم مع بعض كويس لغاية ماالكنافة تشرب كل كمية السمنة http://i39.servimg.com/u/f39/16/73/51/37/414.jpg وهنقسم الكنافة وهنجيب صينيتين قد بعض بالظبط وهنحط فى كل صينية نص كمية الكنافة وهنضغط عليهم كويس يعنى هيبقى عندنا ديسكين كنافة http://i39.servimg.com/u/f39/16/73/51/37/515.jpg وندخلهم فرن متوسط الحرارة ولما اول صينية تطلع من الفرن نقلبها على طبق التقديم ونحط عليها نص كمية السيرب (انا استخدمت فرن البوتاجاز) http://i39.servimg.com/u/f39/16/73/51/37/614.jpg وهنحط عليها الحشوة وهتكون طبعا باردة ومتماسكة لأنها اول حاجة حضرناها http://i39.servimg.com/u/f39/16/73/51/37/715.jpg ولما نطلع صينية الكنافة التانيه من الفرن نقلبها على طبق ونحطها على الحشو بالراحة عشان متتكسرش ونحط عليها بقية كمية السيرب وبالنسبة للحشو نقدر نستغنى عن قشطة بوك ونقدر كمان نستبدل الحشوة دى بقشطة الحليب الطبيعية وده شكل الكنافة بعد التزيين http://i39.servimg.com/u/f39/16/73/51/37/813.jpg http://i39.servimg.com/u/f39/16/73/51/37/914.jpg وهنا بعد ماقطعتها http://i39.servimg.com/u/f39/16/73/51/37/1013.jpg يارب موضوعى البسيط ده يكون عجبكم ولاتنسونى من صالح دعائكم |
رد: الكنافة العثملية بالقشطة من مطبخ الشيف مونى بالصور
رووووووووعه
تسلم الأياادي يعطيك العافيه ...✿ |
الساعة الآن توقيت السعودية الرياض و الدمام و القصيم و جدة 12:03 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.