تورتة فيونكات الشوكولاته من مطبخ الشيف مونى بالصور
السلام عليكم ورحمة الله
مكونات الكيكة الاسفنجية: نص كيلو دقيق سبونش فانيليا (وطبعا دقيق الاسبونش مضاف ليه البيكنج بودر والمحسن احنا هنضيف البيض والماء ومفيهوش مواد دهنية لأنه اسفنجى) 6 بيضات كبار نصف كوب ماء فانيليا مكونات الحشو: كوب ونصف كريم شانتى خام 2 الا ربع كوب ماء بارد 3 ملعقة كبيرة حليب بودرة 2 ملعقة كبيرة كاكاو خام 5 ملعقة كبيرة سكر بودرة (وطبعا ممكن نستبدل الحليب البودرة والماء البارد بحليب طبيعى) وللتزيين: ربع كيلو شوكولاته بيضاء لولى دهبى كريز احمر الطريقة: فى اناء هنحط دقيق الاسبونش http://i39.servimg.com/u/f39/15/33/51/98/113.jpg وهنحط معاه البيض والميه والفانيليا http://i39.servimg.com/u/f39/15/33/51/98/212.jpg وهنضربهم بمضرب البيض من مدة 5 ل7 دقايق متواصل لغاية مايتكاثف الخليط ويبقى قوامه كريمى ولونه ابيض http://i39.servimg.com/u/f39/15/33/51/98/313.jpg وهنحط الخليط فى صينية مدهونة http://i39.servimg.com/u/f39/15/33/51/98/413.jpg http://i39.servimg.com/u/f39/15/33/51/98/513.jpg وهندخلها فرن حرارته هادية لغاية ماتستوى وطبعا كل شخص فرنه بيختلف عن التانى وهنختبر سواها قبل مانطلعها من الفرن http://i39.servimg.com/u/f39/15/33/51/98/613.jpg ونقلبها على ورق خبز http://i39.servimg.com/u/f39/15/33/51/98/713.jpg وندخلها التلاجة لمدة يوم كامل عشان لما نقسمها تبقى متماسكة وتانى يوم نطلعها ونجهز ادوات التقطيع والحشو http://i39.servimg.com/u/f39/15/33/51/98/812.jpg وانا عندى صينية تقسيم الكيكة اشترتها جديد حطيت الكيكة جواها وقسمتها ل3 http://i39.servimg.com/u/f39/15/33/51/98/912.jpg وقسمنا الكيكة ل3 http://i39.servimg.com/u/f39/15/33/51/98/1111.jpg وهنبدأ نحضر الحشو هنحط كل مكونات الكريم شانتى مع بعض فى اناء http://i39.servimg.com/u/f39/15/33/51/98/1211.jpg ونخفقهم بالمضرب لغاية مانوصل للقوام المطلوب http://i39.servimg.com/u/f39/15/33/51/98/1311.jpg ونبدأ نحشى بيه الكيكة http://i39.servimg.com/u/f39/15/33/51/98/1411.jpg ونغلفها من برة بالكريم شانتى http://i39.servimg.com/u/f39/15/33/51/98/1511.jpg وهنعمل فيونكات الشوكولاته للتزيين هنجيب اى دوسيه بلاستيك بس البلاستيك بتاعه يكون قوى وهنقصه بأحجام متساوية اللى احنا هنحددها ونسيح الشوكولاته على حمام مائى ونحطها على البلاستيك اللى قصيناه ونطبقهم على بعض بالشكل ده http://i39.servimg.com/u/f39/15/33/51/98/1611.jpg ونحطها فى التلاجة تجمد ولما نطلعها نستنى 5 دقايق ونشيل البلاستيك برفق عشان متتكسرش هتدينا شكل الفيونكة وبالنسبة للشوكولاته اللى فى الجنب بعد مانعمل شكل الفيونكات هنفرد بقية الشوكولاته السايحة على ورق خبز ونسيبها تجمد فى التلاجة ونطلعها نكسرها بإيدينا هتدينا شكل القطع الكبيرة وطبعا شكلها احلى بكتير من الشوكولاته المبشورة وبالنسبة لإننا استخدمنا دوسيه بلاستيك عشان نعمل شكل الفيونكة ده عشان مفيش حاجة توقفنا لكن طبعا فى بلاستيك مخصص بيتباع فى محلات خامات الحلويات عشان نعمل بيه الاشكال اللى بالشوكولاته وانا استخدمت الشوكولاته دى بتدى نتيجة هايلة وممكن اى نوع تانى طبعا تحبوه http://i39.servimg.com/u/f39/15/33/51/98/1711.jpg بالنسبة للدقيق الاسبونش عشان فيه ناس كتير بتسألنى عنه انا بشترى السايب من محل خامات الحلويات ولو مش متوفر فى المحافظة اللى انتوا فيها ممكن تشتروا دقيق سبونش الطحان او بيتى كروكر وفيه نوع تونسى كويس اسمه فنواز كل الانواع دى متوفرة فى السوبر ماركت (طبعا انا بتكلم على داخل مصر لكن خارج مصر مش عارفة الأنواع بصراحة) وده شكل التورتة النهائى بعد التزيين http://i39.servimg.com/u/f39/15/33/51/98/1811.jpg http://i39.servimg.com/u/f39/15/33/51/98/1911.jpg http://i39.servimg.com/u/f39/15/33/51/98/2011.jpg http://i39.servimg.com/u/f39/15/33/51/98/2110.jpg وده شكل الحشو من جوة http://i39.servimg.com/u/f39/15/33/51/98/2211.jpg يارب موضوعى البسيط ده يكون عجبكم |
الساعة الآن توقيت السعودية الرياض و الدمام و القصيم و جدة 11:09 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.