ضل راجل و لا ضل حيطة (للفرفشه فقط )
ضل راجل و لا ضل حيطة
-------------------------------------------------------------------------------- ضل راجل و لا ضل حيطة -------------------------------------------------------------------------------- وقفت الست بهية على كوم عالى فى الجرن وبدأت تخطب وسط الحريم المرصوصين على المصاطب : قال بيقولوا ضل راجل ولا ضل حيطة ... ياختى بلا وكسة ! بذمتك عمرك سمعتى عن حيطة تقعد تشخر طول الليل وماتخلكيش تعرفى تنامى ؟ والا حيطة تدخل من باب البيت تجعر عايزة الغدا وبعدين تطين عيشتك علشان الملح طلع زيادة فى البامية ! والا ممكن ترجعى البيت فى يوم تلاقى حيطة بتبوس الخدامة ؟ طيب شفتى حيطة تملا لك سقف البيت دخان ، وأرضيته سبارس ! والا حيطة تقعد تتنك عليكى وتقولك انتى رايحة فين وجاية منين ! والا حيطة تصحيكى فى نص الليل علشان معرفش إيه طلع فى دماغها ! والا حيطة تدوخك وراها علشان تشوفى هيه بتكلم مين فى التليفون بعد نص الليل ! طيب دى الحيطة معروف مكانها دايماً ، إنما المحروس يدوخك وراه علشان تعرفى هو سهران فى أنهى داهية ... قال إيه ، عنده شغل ! ياسم ! بذمتك فيه حيطة تحاول تطلعك غلطانة فى كل كلمة تقوليها علشان تثبت للعيال إن الحيطة بتفهم أحسن منك . والا حيطة تلوى بوزها وتقعد بالفانلة والكلسون لما أمك تيجى تزورك وتحبك معاها تحكى نكت عن الحموات ! والا حيطة تقعد تقولك ماتخرجيش بالفستان ده أحسن محزق عليكى ولما تقولى لها هاتى فلوس علشان تشترى فستان غيره تعمل ودن من طين وودن من عجين ، طيب دى حتى الحيطان لها ودان . ياشيخة بلا قرف ... بلا نيلة ... الحيطة أجدع ، على الأقل مش حتتحبسى لو فاض بيكى ونفذتى حلم كل الستات ... ودقيتى فى الحيطة مسمار !!!!! اتمنى ان اكون قد اضحكتكم |
رد: ضل راجل و لا ضل حيطة (للفرفشه فقط )
ههههههههههههههههههههههه رووووووووووووووووعة روووووووووووووعة رووووووووووووووووووووعة |
رد: ضل راجل و لا ضل حيطة (للفرفشه فقط )
بتجنن يا قمر
يسلموا والله صح |
رد: ضل راجل و لا ضل حيطة (للفرفشه فقط )
حبيبتى همس ناى
http://www.al-qatarya.org/qtr/qatarya_3NT3Rqtw8p.gif |
رد: ضل راجل و لا ضل حيطة (للفرفشه فقط )
حبيبتى اناغيم
http://www.al-qatarya.org/qtr/qatarya_3NT3Rqtw8p.gif |
الساعة الآن توقيت السعودية الرياض و الدمام و القصيم و جدة 02:22 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.