مربى الحليب(صوص الدولتشى دى ليتش) من مطبخ الشيف مونى بالصور
السلام عليكم ورحمة الله
النهارده جيبالكم مربى الحليب او حلاوة الحليب وهى اصلها ارجنتينى واسمها صوص الدولتشى دى ليتش وليها كزا استخدام كصوص للحلويات وفروستنج وحشو للكيكات والتورتات ونعمل منها ساندويتشات فى فطارنا وعشانا وهى دسمة شوية وشتوية بس مغذية وبتدى طاقة عالية والبديل ليها اننا نكرمل الحليب المكثف اننا نحط علبة الحليب المكثف فى حلة مليانة ميه ونسيبه لمدة 3 ساعات لغاية مايبقى كرامل بس طبعا مربى الحليب اوفر بكتير واحلى ومكوناتها كالتالى: كيلو حليب كامل الدسم 2 كوب سكر فانيليا الطريقة: فى كسرولة هنحط الحليب والسكر والحليب يكون بارد وسبق غليانه http://i59.servimg.com/u/f59/15/33/51/98/111.jpg ونحطهم على نار هادية مع التقليب كل 10 دقايق وهنلاحظ ان لون الحليب هيتغير وهيميل بالتدريج للون البنى وطبعا هيقل حجمه هيبقى نص الكمية http://i59.servimg.com/u/f59/15/33/51/98/211.jpg http://i59.servimg.com/u/f59/15/33/51/98/313.jpg ولما يبدأ لونه يتغير هنحطله الفانيليا http://i59.servimg.com/u/f59/15/33/51/98/411.jpg http://i59.servimg.com/u/f59/15/33/51/98/511.jpg http://i59.servimg.com/u/f59/15/33/51/98/613.jpg ولما يبقى لونه دهبى غامق هنطفى عليه النار http://i59.servimg.com/u/f59/15/33/51/98/714.jpg وهنضربه بالخلاط اليدوى عشان يبقى ناعم جدا ومفيهوش اى تكتلات وممكن فى الخلاط العادى http://i59.servimg.com/u/f59/15/33/51/98/812.jpg http://i59.servimg.com/u/f59/15/33/51/98/910.jpg وهيبقى عندنا مربى لونها دهبى وناعمة وطعمها خرافى http://i59.servimg.com/u/f59/15/33/51/98/1110.jpg http://i59.servimg.com/u/f59/15/33/51/98/1210.jpg http://i59.servimg.com/u/f59/15/33/51/98/1310.jpg والمربى معتمدة على الحليب الدسم وبتبقى احلى مع الحليب اللى بيطلع قشطة فمينفعش بالحليب البودرة او حليب الكراتين مش هتبقى حلوة وفيه ناس هتقول متعبة نشترى جاهزة احسن بس احب اقولكم هى غير طعم اى مربى بنشتريها جاهزة ده غير ان اللى بنعمله فى البيت احلى واضمن وبالنسبة لطريقة حفظها هنحفظها فى برطمان معقم ونحطها فى التلاجة ونطلع ناخد منها كل مانحتاج زى اى مربى جربوها وهتعجبكم ان شاء الله ولا تنسونى من صالح دعائكم وبالهنا والشفا |
رد: مربى الحليب(صوص الدولتشى دى ليتش) من مطبخ الشيف مونى بالصور
ما شاء الله احييك يا شيف وبارك الله فيك و بوركت بلادك
لكن اريد سؤال حبيبتي اذا اردنا شوية حموضة معليش اضيفلها شوية عصير لمونة او برتقالة ؟ |
الساعة الآن توقيت السعودية الرياض و الدمام و القصيم و جدة 11:44 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.