ازياء - فساتين سهرة و مكياج و طبخ - جاتوه فانيليا وشوكولاته وجاتوه فراولة من مطبخ الشيف مونى بالصور

السلام عليكم ورحمة الله

النهارده ان شاء الله هقدملكم وصفة جاتوه حلوة وسهلة وشكلها جميل فى الضيافة

انا عملت الجاتوه بدقيق الاسبونش الجاهز وعايزة اقول حاجة على دقيق الاسبونش عشان ناس كتير محتارين هو بيختلف عن الدقيق العادى بيكون مضاف عليه السكر والبيكنج بودر والمحسن احنا بنضيفله البيض والماء فقط وبيستخدم للكيكات الاسفنجية بس وبنحط عليه البيض والميه ونخفقه بالمضرب لأن طريقته بتختلف عن الكيكة العادية وانا بشترى السايب من محلات خامات الحلويات التورتة بتاخد نص كيلو فيه جاهز فى السوبر ماركت الطحان وبيتى كروكر ونوع تونسى اسمه فنواز طبعا انا بتكلم على داخل مصر لكن خارج مصر الصراحة معرفش

المكونات:

نص كيلو دقيق سبونش

نصف كوب ماء

6 بيضات كبار

فانيليا

مكونات الحشو:

ربع كيلو كريم شانتى خام

10 ملعقة كبيرة حليب بودرة

10 ملعقة كبيرة سكر بودرة

2 كوب ماء مثلج او حسب مايحتاج الكريم شانتى

فراولة(لجاتوه الفراولة)

وممكن نستبدل الحليب البودرة والماء المثلج بحليب طبيعى

للتزيين:

فراولة

شوكولاته مبشورة

كريز

الطريقة:

فى اناء هنحط ربع كيلو من الدقيق الاسبونش اللى عندنا و3 بيضات كبار وربع كوب ماء وفانيليا
http://i59.servimg.com/u/f59/15/33/51/98/113.jpg
وهنخفقهم بالمضرب لمدة من 3 ل5 دقايق لغاية مايتكاثف الخليط ويبقى كريمى
http://i59.servimg.com/u/f59/15/33/51/98/213.jpg
ونحط الخليط فى صينية مربعة على ورق خبز
http://i59.servimg.com/u/f59/15/33/51/98/315.jpg
دخلتها فرن حرارته هادية لغاية ماتستوى وطبعا كل شخص فرنه بيختلف عن التانى
http://i59.servimg.com/u/f59/15/33/51/98/413.jpg
وهنكرر كل اللى فات مع بقية دقيق الاسبونش اللى هو الربع كيلو التانى وهيبقى عندنا كيكتين
http://i59.servimg.com/u/f59/15/33/51/98/513.jpg
وهنحطهم فى التلاجة لمدة يوم كامل او 6 ساعات ع الاقل عشان يتماسكوا ونطلعهم ونبدأ نشتغل

هنجيب كيكة من الاتنين ونقسمها بالنص بالظبط
http://i59.servimg.com/u/f59/15/33/51/98/615.jpg
ونبدأ نحشيها بالكريم شانتى
http://i59.servimg.com/u/f59/15/33/51/98/716.jpg
ونجلسها من برة بالكريم شانتى ونساوى الاطراف بالسكينة
http://i59.servimg.com/u/f59/15/33/51/98/814.jpg
ونقطعها قطع متساوية بالطول وبعد كده بالعرض ونزينها بالكريز والشوكولاته المبشورة

واستخدمت الشوكولاته دى وممكن اى نوع تانى
http://i59.servimg.com/u/f59/15/33/51/98/912.jpg
كده خلصنا جاتوه الفانيليا والشوكولاته وهندخل على جاتوه الفراولة

عندنا كيلو فراولة هنحطه فى حلة مع كمية السكر اللى عايزنها (بس ده هيكون قبل تحضير الجاتوه بيوم) ونحطها فى التلاجة
http://i59.servimg.com/u/f59/15/33/51/98/1010.jpg
تانى يوم هنطلعها من التلاجة وهنلاقى الفراولة والسكر جابوا ميتهم
http://i59.servimg.com/u/f59/15/33/51/98/1111.jpg
تااااااااااااااااابعونى