ازياء - فساتين سهرة و مكياج و طبخ - لكل من عندها مشكلة.........

انا عندي مشكله ومحتاره شو الحل ارجو تساعدوني
انا ب اميركا عند اخوي من ستة اشهر وبشتغل براتب ممتاز وبنتي في المدرسة باميركا عمرها 8 سنوات ، اما زوجي واولادي الاثنين الصغار في الاردن واحد عمره 4 سنوات و واحد عمره سنتين ونصف عايشين ببيت اهله، حماتي اللي بتهتم باولادي،
وزوجي بده يجي على اميركا وهاذي امنية حياته الوحيده، بس ما بقدر اعملله معامله الا بعد وقت طويل بده يمكن سنه او سنتين الله اعلم.
وهلأ هو زعلان مني وما بيحكي معه لاني بفكر ارجع عالاردن عند اولادي ، وانا ازا رجعت عالاردن بكون مستحيل يرجعوني ع اميركا، وما رح يكون في امل بعدها انه نوصل اميركا انا وزوجي و اولادي
احكولي شو الحل اضلني ب اميركا واصبر ولا ارجع
مع العلم اهلي ضدي وبدهم ارجع عالاردن، بس ما حدى شاعر معي انا وزوجي واولادي عايشين بفقر وتعب نفسي.
وانا حابه اضل بس المشكله اولادي كيف يكبرو بعاد عني، بس حتى لو ضليت بكون بأمنلهم مستقبلهم وكله عشانهم
خايفه ارجع عالاردن واندم، وخايفه اضل باميركا وبعدين اندم؟؟؟؟؟؟؟؟
شوووووو الحل والله ليل نهار ببكي ومحتاره وصليت الاستخاره كتير ومش عارفه شو اعمل.