ازياء - فساتين سهرة و مكياج و طبخ - سبراي منعش للمكياج والوجه وهو البديل عن ماك فكس بلس .

المكونات:-
1- علبه سبراي او بخاخ فاضية
2-ماء نقي
3- ماء ورد
4-غلسرين نقي.
الطريقة:-
بنحط في قنينة السبراي الفاضية والمعقمة
ربعها تقريبا ماء الورد
( ملاحظة :- كمية ماء الورد ممكن تقللوها او تزيدوها حسب انتم شو بتفضلوا بس ما تزيد عن نص القنينة لانه ماء الورد لوحدة ممكن يكون قوي على وجهكم)
بعدين بتحطوا حسب نوع بشرتكم وحسب ان كنتم بتحبوا اللوك الي فيه لمعة .
البشرة الدهنية خمس نقطة جلسرين نقي
البشرة العادية 8-10 نقطة جلسرين نقي
البشرة الجافة 15-17 نقطة جلسرين نقي
واخيرا عبوا باقي القنينة بالماء النقي
وسكروا العلبة وخطوها ورجوها كتير منيح.
وهيك صار عندكم احلى سبراي منعش للوجه
وبديل ممتاز لماك فكس بلس
وبيوفر عليكم 29 دينار اردني حق الفكس بلس.
وبتكونوا ضامنين انه ما في باربين او عطور او اي مكونات صناعية.
كمان بفضل ماء الورد ويلي هو ممتاز للبشرة رح تكون ريحة وجهكم حلوة كتير ولفترة طويلة.
ملاحظات هامة :-
1-علبة السبراي تاكدوا انها بترش على شكل رذاذ مو نقاط ماء والا رح يخرب الفاونديشن.
2- الجلسرين مكون من مكونات الفكس بلس الاصلي بعني بتقدروا تقرؤها على ظهر العلبه.
كمان هو مادة بترطيب واحنا عم نستعمل كم نقطة ونخففها بالماء يعني مو كميات عشان نسمر البشرة.

منقول