دندى كيك بالفواكه المجففة من مطبخ الشيف مونى بالصور
 

السلام عليكم ورحمة الله
الوصفة دى اخدتها من كتاب حلويات قديم عندى بس تقريبا موجود فى كل بيت مصري للشيف/عديلة عزيز
وصفة كيك سهلة وبسيطة وطعمها متميز لإنها غنية
المكونات:
ربع كيلو زبدة طرية
تلت كيلو دقيق
ربع كيلو سكر بودرة
8 بيضات
3 ملعقة صغيرة بيكنج بودر
فانيليا
كوب فواكه مجففة (استخدمت تين وقراصيا ومشمش)
ومفيش مواد سايلة زى حليب لإن الكيكة قوامها سميك شوية عن الكيكات العادية
الطريقة:
فى اناء هنحط الزبدة والسكر البودرة
http://i68.servimg.com/u/f68/16/73/51/37/111.jpg
ونضربهم مع بعض كويس بالمضرب لغاية مايبقى الخليط لونه ابيض وقوامه كريمى
http://i68.servimg.com/u/f68/16/73/51/37/211.jpg
ونضيفلهم البيض والفانيليا
http://i68.servimg.com/u/f68/16/73/51/37/311.jpg
ونضربهم كويس ونضيفلهم الفواكه المجففة
http://i68.servimg.com/u/f68/16/73/51/37/411.jpg
ونقلبهم مع الخليط واخر حاجة هنضيفها الدقيق والبيكنج بودر
http://i68.servimg.com/u/f68/16/73/51/37/511.jpg
ونضرب كل المكونات لغاية مايمتزجوا ونحط خليط الكيك فى صينية مدهونة كبيرة ونساويه جوه الصينية بالاسباتيولا
http://i68.servimg.com/u/f68/16/73/51/37/611.jpg
دخلته فرن حرارته هادية ولما طلع وبرد زينته بالسكر بودرة او حسب رغبتكم
http://i68.servimg.com/u/f68/16/73/51/37/711.jpg

http://i68.servimg.com/u/f68/16/73/51/37/811.jpg

http://i68.servimg.com/u/f68/16/73/51/37/911.jpg
يارب تكون عجبتكم
وبالهنا والشفا

رد: دندى كيك بالفواكه المجففة من مطبخ الشيف مونى بالصور
 

الله يعطيكى العافيه حبيبتى

رد: دندى كيك بالفواكه المجففة من مطبخ الشيف مونى بالصور