ازياء - فساتين سهرة و مكياج و طبخ - صناعة علب الهدايا برسومات

https://alsbtain.alatham.com/qatifoas...-651394244.gif

الدرس عبارة عن صناعة علبة مربعة بعد اختيار الرسمة المراد وضعها على جسم العلبة ,,

الادوات المستخدمة :

الكمبيوتر طبعا ..

قلم رصاص ..

مسطرة ..

محاية ..

مقص او سكين الورق ..

صمغ ابيض ( صمغ الخشب )

واكيد اوراق قوية السمك حسب اللي تختارينه انتي الورق اللي عندي حجمها ( A4 250 gm )

***********************

طريقة العمل :

https://uaewomen.net/upload//uploads/...767fb32dc8.jpg

https://uaewomen.net/upload//uploads/...a7585a61fc.jpg

لعمل علبة نفس هالعلبة الطريقة كالتالي ,,

نفتح الكمبيوتر على قائمة البرامج ونختار مايكروسوفت اوفيس وبعدين نختار مايكروسوفت اوفيس بابليشر ,,

راح تفتح لنا صفحة بيضا مكتوب فيها ستارت او بدأ لو بالعربي اعتقد بس اللي عندي انجليزي عموما ..

نختار تحت في صورة ورقة بيضا صغيرة مكتوب عدالها بلانك بيبر بابليكيشن او صفحة فارغة ( اعتقد )

يوم تفتح الصفحة اليدية الفاضية نضغط على الزر اليمين للماوس في داخل الورقة ويطلع لنا قائمة نختار منها تول بارز الادوات ( اعتقد ) تفتح لنا قائمة ثانية ومن هاي الثانية نختار كلمة بيكتشر او صور ..

يظهر لكم فوق في اول الصفحة مستطيل عليه ادوات + مربع استخراج الصور من الكمبيوتر نضغط عليه ونختار الصورة اللي نبا نستخدمها للعلبة ,,

في هالعلبة انا استخدمت صورة وحدة ,,,

بعد ما نختار الصورة نضغط على زر انستيل او تنزيل تظهر الصورة قدامكم عادي بحجمها اللي خزنتوها بها ..

بالنسبة لي اخترت صورة باقة الورد اللي تشوفونها او مرة كبرت الصوة لين وصلت تقريا قد الصفحة البيضا اللي عندي ,, وعقب طبعتها ..

وبعدين رديت صغرت الصورة مرة ثانية بحيث صارت في كل خط 3 وردات صغار جنب بعض وباعدت بينهم لان مرات يبين بين الصور خطوط ..

وبعدين اطبع الشكل النهائي لتوزيع الوردات الصغيرة في الورقة ,,

انا سويت حركة ان خلفية الورقتين خليتها من الورد الصغيرة لكن ابيض واسود اونه حركة ..

عقب :

مسكت اول شي الورقة اللي عليها الورود الصغيرة الملونة ورسمت عليها باترون قاعدة العلبة ,, العرض في الارتفاع =العرض = 11 سم والارتفاع = 5سم يعني هاي جوانب القاعة طبعا اما مربع القاعدة نفسه فكان 11* 11 سم

بعد ما خلصت رسم صرت محتاجة اني اقص الباترون اللي رسمته انا استخدمت سكين الورق وانتوا براحتكم سكين او مقص على كيفكم ..

https://uaewomen.net/upload//uploads/...4efeff7fcc.jpg

مثل ما تشوفون انا رسمت على الورق من ورا المفروض بعد عملية القص يتم محي آثار الرسم الباقية عسب ما تأثر على جودة الشغل

https://uaewomen.net/upload//uploads/...702d7a678f.jpg

بعد عملية القص نيي لعملية ثني اضلع العلبة باستخدام المسطرة او اي اداة ثانية تفي بالغرض..

واكيد نثني على الخطوط المنقطة فقط

https://uaewomen.net/upload//uploads/...e73de9a3cd.jpg

يكون الثني بها الطريقة

وباستخدام الصمغ الابيض نصمغ اضلاع العلبة .. بها الطريقة

https://uaewomen.net/upload//uploads/...220f672831.jpg

وها شكله من داخل

https://uaewomen.net/upload//uploads/...e9bdc6d4a8.jpg

عادي تشوفون شي اطول عن الثاني ترا حتى انا بعدني مبتدأة والانسان بطبعه خطاء

وها شكل قاعدة العلبة النهائي

https://uaewomen.net/upload//uploads/...dcd34c8876.jpg

وعلى قولتهم يترك جانبا لينشف هههههههههههه

*********************

نشتغل عقب في الورقة الثانية واللي فيها الوردة الكبيرة لكن خلفيتها نفس الشي الورود الصغيرة ابيض واسود ,,

نسوي شكل باترون غطاء العلبة والقياسات اللي سويتها مربع قاعدة الغطاء 11,1 سم * 11,1 سم اما اضلاع الغطاء فارتفاعهم 1,5 سم ,,

نقص الشكل ويطلع بهالطريقة

https://uaewomen.net/upload//uploads/...b341b470a2.jpg

ها شكله من الجهة الخلفية

https://uaewomen.net/upload//uploads/...0d5b92a705.jpg

وها شكله من الامام نفس الوردة الصغيرة لكن بشكل اكبر ..

عاد هنيه ممكن تستخدمون هالجهة وممكن تستخدمون الجهة الابيض والاسود على اساس تكون هي واجهة العلبة بس انا اخترت هالجهة ممكن في مرات ثانية اغير اسوي ميكس هههههه

نثني الاضلاع بنفس الطريقة السابقة بالمسطرة وبعدين نصمغها بالصمغ الابيض ويطلع الشكل بها الطريقة

https://uaewomen.net/upload//uploads/...bbdc405d7d.jpg

https://uaewomen.net/upload//uploads/...bd29f8632e.jpg

https://uaewomen.net/upload//uploads/...5ee3978c08.jpg

وان شاء الله يكون الموضوع مفيد للجميع واتمنى تكون العلبة عجبتكم ان شاء الله ,,

والله يوفقكم وييسر لكم الخير ان شاء الله دنيا واخره

https://alsbtain.alatham.com/qatifoas...-746307754.gif