عتــــــــــــــــــاب .. للرائع بيرم التونسى
ليه امشى حافى ،وانا منبت مراكيبكم
ليه فرشى عريان،وانا منجّد مراتبكم ليه بيتى خربان ،وانا نجّار دواليبكم هى كده قسمتى؟ الله يحاسبكم! ساكنين علالى العتب،وانا اللى بانيها فارشين مفارش قصب،ناسج حواشيها قانيين سواقى دهب،ونا اللى ادور فيها يارب ماهوش حسد لكن بعاتبكم من الصباح للمسا،والمطرقه فيدى صابر على دى الاسا ! حتى نهار عيدى ابن السبيل انكسى ، واسحب هرابيدى تتعروا من مشيتى واخجل اخاطبكم ليه تهدمونى وناللى عزكم بانى انا اللى فوق جسمكم قطنى وكتانى عيلتى فى يوم دفنتى مالقيتش اكفانى حتى الاسيّه وانا راحل وسايبكم؟ |
الساعة الآن توقيت السعودية الرياض و الدمام و القصيم و جدة 03:08 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.