ازياء - فساتين سهرة و مكياج و طبخ - مـــا هــو المنطـــــــــــــــــــــــق؟ ؟؟؟؟

فى مرة واحد راح يستقبل ابن عمه فى المطار
وهما راجعين بيسأل ابن عمه....

_ انت بقالك 10 سنين فى امريكا كنت بتدرس ايه بقة؟

_ كنت بدرس علم المنطق

_ قالله ايه هو علم المنطق ده؟

_ صعب اللى
درسته فى 10 سنين اشرحهولك فى ساعة
بس انا هديك مثال على المنطق

_ قالله قول

_ سأله انتو عندكو كلب فى البيت صح؟

_ رد قالله اه عندنا

_ قالله مادما عندكو كلب يبقى اكيد عاملين له بيت فى الحوش صح؟

_ قالله اه عاملين له بيت فى الحوش

_ قالله مادام عندكو حوش يبقى اكيد عايشين فى فيلا صح؟

_ قالله صح احنا عايشين فى فيلا

_ قالله مادام عايشين فى فيلا يبقى ابوك غنى صح؟

_ قالله اه ابويا غنى

_ قالله مادام ابوك غنى يبقى اكيد امك قاعدة فى البيت يعنى مش محتاجة انها تشتغل رقاصة عشان تجيب فلوس صح؟

_ قالله صح امى قاعدة فى البيت

_ قالله هو ده المنطق ، انك تبنى شئ على شئ ، من وجود كلب فى بيتكم استنتجنا ان امك مش رقاصة

_ قالله ياااااااااااااه هو ده المنطق؟

المهم صاحبنا راح عند اصحابه بالليل وحب يتفزلك عليهم
سألهم يا شباب تعرفو ايه ه والمنطق؟

ردوا قالوا لا ما نعرفش
قاللهم اعلمكم

_ سأل صاحبه عنكو كلب فى البيت؟

_ صاحبه قالله لا ما عندناش

_ قالله تبقى امك رقاصة

ههههههههههههههههههههههه
هههههههههههه
هههههه
ههه

عرفتو بقة ايه هو المنطق؟؟؟؟