حبيبة قلبى ريما....

أولا : وقبل أى شى بتمنى ربنا يوفقكم ويتمم لكم ع الف خير يارب .

ثانيا : بالنسبة لمشكلتك يا قمر أحسن حاجة تكونى ع طبيعتك معاه دى أهم حاجة وقت ما تكونى فرحانة أفرحى وفرحيه معاكى ولو هو اللى فرحان حسسيه أنك طايرة فى السما لفرحه ده حيبسطه أوى ... ولو لآ قدرا الله زعلان حسسيه انك زعلانة ومتاثرة عليه والاهم من ده حاولى تخففى عنه أزاى ؟ باى كلام يجى ع بالك من غير تفكير يا ريما وعشان كده بقولك خليكى ع طبيعتك معاه حتلاقى التصرفات والكلام بيجى لوحده وحتلاقيه حس باللى جواكى وفرحه أهتمامك بيه ويكمن ينسى زعله وهمومه كمان معاكى ..

بصى يا ريما اللى خاطب ده بيكون أختار خطيبته دى من بين البنات والدنيا بحالها بيبقى عايزك جانبه فى كل حاجة وتحسى بيه وتشاركيه فرحه وحزنه فهمتينى ؟؟؟

أعملى كده يا قمر وأن شاء الله مش حيكون فيه أى زعل أو تكونى متدايقة ومرة ع مرة حتلاقى نفسك اتعودى ومش حتكونى مرتبكة فى الكلام معاه ومواساته تانى ...

وبالنسبة للبيت مش مهم يكون صغير دلوقتى يا ريما والله أن شاء الله وأنتوا سوا ربنا يوفقكم ويفتح عليكم ويرزقكم والبيت الصغير ده يكون كبير وجميل وفيه أحسن فرش أن شاء الله وكل ده حيكون بحنيتك عليه ومشاركتك ليه وتدبيرك طبعا ...

ربنا يرزقكم ويفتح عليكم يا قمر ويتمم لك ع الف خير ويسعدكم طول العمر ... اللهم آمين