رد: ياخواتي الفزعة
أنا مهري 50
اشتريت ساعة ب 750ريال الذهب ماشتريت لكني محددة إنه يكون ب20 الف لانه اهم شيء اما فستان الزواج باستأجر لانه الصراحة حرام أشتري وأدفع فيه مبالغ كبيرة علشان لبسه وحدة وبعدين أرميه في الدولاب وباقي جهازي إن شاء الله أكمله وأخبركم بمشترياتي أهم شي التوفيق والسعادة في الدنيا والاخرة |
رد: ياخواتي الفزعة
انا مهري قريب منك حطيت الـ 15 بطاقم ألماس و6 الاف تقريبا فستان الزفاف
لسى باقي لي كثير بس اشتريت الاشياء الاساسية الآن .. |
رد: ياخواتي الفزعة
انا برضوا زواجي بشهر 8
ومهري 50 الف 5 الاف راحت في الملكه بحكم انها صغيره وبالبيت وكنت مقسمه مهري 10 الاف ملابس من الى مع الجزم الله يكرمكم والشنط والاكسسوارات و10 الاف الذهب و10 الاف للأسناني لان يحتاج لها كثير و 5 الاف للفستان الزواج والاشياء الخاصه فيه من جزمه الله يكرمكم والتسريحه والمكياج والحنا والتصوير كنت بصور بس من كثر ماسمعت عن المصورات ونذالتهم خفت صراحه فتراجعت و5 الاف لغرفة النوم لان من عاداتنا ان البنت تأخذ غرفة النوم و 5 الاف للمكياج و العطورات ونثريات واغراض الصيدليه والحمدلله تقريبا كملت شنطه كامله كبيره للملابس بس ب 3 الاف وماركه بعد بس احاول اخذ شئ استفيد من لبسه وكشخه بنفس الوقت وبعد ماحبيت اكثر ملابس الطلعات لاني ماراح اجلس بالعطله الصيفيه الا شهر وتكفيني اما ملابس البيت اخذتها من سيتي ماكس والمجد صراحه في اشياء كثيره تصلح للبيت وروعه والشئ العجيب انها من زارا واشياء تشبه للملابس اللي في برشيكا واحلى بعد قماشها وقيمتها 20 ريال تخيلوا والحمدلله خلصت من فستان الزواج شريته بـ 2500 من أسواق مكه الملابس شريت بس باقي محتاجه اشياء كثيره خاصه ملابس النوم والملابس الداخليه باقي لي الذهب الله يعين مو راضي ينزل والمكياج والعطورات إن شاء الله بخليها اخر شئ والجزم والشنط ومفرش وروب الاستحمام والعبايه والاكسسوارات وطقم شنط للملابس والمكياج والاكسسوارات واكثر شئ شريته وفرحت فيه كتب الطبخ لاني صراحه بحاجتها مو معناتها اني ماأعرف اطبخ << واثقه الشيفه يوه احس اني تعبتكم من كثر قرقي بس والله من كثر ماأنا مهمومه واحسب بها الفلوس الله يوفقني ويوفقكم وياي ويعيننا .. |
رد: ياخواتي الفزعة
انا من الرياض وتخيلي زواجي راح يكون بالطائف ومهري 25000
خلصنا القاعه حجزناها وكمان العشاء بوفيه واعطيناهم العربون والطقاقه برضوه خلصت منها وباقي تأكيد على الكوافيرو النقاشه وزفتي لسى ماجهزتها والقاعه تجهزيها من محل يقولو كويس اسمه ريفان يجهز الطاولات وينسقها مع الكوشه والمداخل يعني بحول الله قبل زواجي باسبوع اروح واشوف الوضع لان خوالي دفعو العربون بس نختار الالوان ........................... فستان زواجي تفصيل (الفستان +الطرحه+الشوز تبعه+العبايه الخاصه فيه) كلفني 2600 ومع المكاسر اخذناه ب2000 الذهب = شريت طقمين ناعمين من لازوردي و4 خواتم و3 حبات طقم غوايش الملابس= قميص اول ليله طويل من واحة الجلابيه لون سكري 580 والبجايم والقمصان الثانيه والاندر وير منوع من الهرم ستي ماكس العقاريه بحدود يمكن 600 ريال التنانير اثنين قصيره واثنين طويله مع بلايزها بين الكت والجيبونيز الطويل والمشخلع شوي ونوعت في الالوان وكانت بحدود 2000 وشوي الفساتين 2= جاهزه وواحد تفصيل ولسى ماخلص كلفتني تقريبا 2000 الا شوي المكياج =اخذت دير ماكول وباقي البودره والاساس والاضاءة تحت الحاجب وشريت شدو علبه مخملي والثاني مطفيه وحجمها متوسط والبلاشر علبتين واحد لونه فوشي والثاني اربع الوان ترابي مع مشمشي وطبيعيه واحمر الارواج كمان فوشي واحمر وبرتقالي بس درجاتها خطيره المناكيراربع الوان مهمه احمر ابيض شفاف فوشي الكحل والماسكرا =لانكوم هابينوس العطور شريت 3 عطور وباقي اروح لنكتار اجيب مجموعه كامله لان عطور للاسف ماكان معها اي لوشن كلفتني 800 ريال شريت ماسك للشعر من فركتوز وباقي مجموعة عنايه لبشرتي ماشريتها وشريت دايموند من فور ايفر المكياج كلفني بحدود 700 ريال العبايات=2 اطقم كلفتني يمكن 600 ريال وباقي ياحلوه كم شوز للطلعات اليوميه اما تبع الفساتين خلصتها هدايا المعازيم كلفتني 500 ريال بس لسى ماخلصت وباقي علي النقش عليها عند الخطاط والتغليف بتل وخيوط ساتان بس انا محتاجه احد يدلني على فرقه استعراضيه بالطايف اللي تنعمل بزفتي وكمان افكر اجهز طقم هديه ذهب ل3 اشخاص اللي هم ماما وخالتو (ام العريس) واختي جوجو نور عيني وتؤم روحي بالنسبه لي انا شخصانيا استخدم خلطة حور تبع الشعر اللي حناء وسدر بمغلي موية البصل والثوم جناااااااااااااااااان وشعري الحمدلله تعدل وكمان السدر ومويه الميرميه ولبشرتي استخدم طحينيه ومره مررررررررررررره كويسه لجسمي لسى مالقيت مشروع سهل وسريع ..........عجازه وافكر بحركه شكلي بعطي المعرس من المهر اخليه يختار لي قميص وعطر على ذوقه اذا عجبني استخدمته ماعجبني اخليه بعدين بوقت اخر ولاحق بس علشان مكسر نفسه خخخخخخخخخخخخخخخخخخخخ ونشوف باقي العرايس بس بجد محتاجه انا للفرقه ضروري والاسعار تكون كويسه مو يطقوني 1700 على زفتي .....يفكروني بنت الوليد ويبون يلهفونها |
رد: ياخواتي الفزعة
انا برضوا زواجي بشهر 8ومهري 60الف
خلصت ملابس البيت والعبايه انتهيت منها وخلصت بعد الجزم الله يكرمكم والشنط والعطور بعد انتهيت منها وروب الحمام انتهيت منه وقميص اول ليله والمكياج انتهيت منه والاكسسورات خلصت منها وخلصت من قمصان النوم والملابس الداخليه طبعا نوعت منها باقي علي الذهب و فستان الزواج طبها راح استاجر لان حرام افصله بالشئ الفلاني بعدين ارميه في الدولاب والزفه لسا وملابس الطلعه ماخلصت منها وناقصني بعد اغراض الصيدليه وعطورات الجسم والبودره المعطره محتاره وش اشتري ومحتااااااره كثير في لبس الصبحيه مدرش وش البس ياليت احد يشور علي طيب وش رايكم في عطر الين في يوم زواجي تنصحوني فيه والا اغير واذا ناسيه شئ ياليت احد يذكرني والله يتمم ع خير لجميع العرايس |
الساعة الآن توقيت السعودية الرياض و الدمام و القصيم و جدة 11:04 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.