ازياء - فساتين سهرة و مكياج و طبخ - يالا نجهز لرمضان من دلوقتى

:7_5_127[1]: السلام عليكم
:7_13_16[1]:كل واحدة فينا بتجهز وتبدا فى حفظ الاطعمة من شهرين علشان رمضان والعزايم

صح ولا لأ

ايه رايكم لو نشجع بعض ونستعد لرمضان من دلوقتى

بس مش فى الاكل

انا بفكر فى:
1- نختم القران ولو مرة من النهاردة الى رمضان كل يوم نصف جزء (10 دقائق).انا بدأت من فترة وانا فى الجزء ال 15 لانى بقراء ربعين فقط فى اليوم وعايزة حد يشجعنى انى ازود.

2- نصلى صلاة القيام ولو ركعتين.

3- اللى مش بتعرف تجويد القران تحاول تتعلم وانصحكم فى البداية تسمعو احمد عامر وخصوصا فى قراءة الحروف بطريقة صحيحة (هتفرق معاكو كتيير وهتحبو الموضوع ويصبح سهل انشاء الله).
واللى بتعرف تعلم (زوجها - ابنائها - جارتها- صديقة-....................)

4. اللى مش بتصلى الفجر حاضر تظبط المنبه وتصحى تصلى وتنام تانى مش هتبقى صعبة لو النية موجودة.

5. النهاردة اول رجب ياريت نحاول صوم يومى الاثنين والخميس وربنا يقدرنا ويعنا فى هذا الحر.

6. ندعى ان ربنا يبلغنا رمضان ويبلغنا ليلة القدر انشاء الله.

ودى فكرتى واللى عايزة تزود حاجة تقول لنا ونساعد ونشجع بعض .

واللى تعمل حاجة تقول عملت ايه من سبيل التشجيع والحث
:3_3_3v[1]:
ربنا يتقبل منا ومنكم:sdgsdgh: