عايزة تفرشي غرفة معيشة مودرن بطريقة حلوة
 

السلام عليكم ورحمة الله وبركاته




ازيكم يا بنات يا حلوين ؟



انا بعشق الديكور وتنسيقه وخااااصة الموردن


وفي بنات كتير هتتجوز قريب ان شاء الله ربنا يتملهم على خير


غرف ليفنج مودرن


وكورنرات وافكار لغرف الجلوس بوجه عام


النهارده حبيت اوريكم شوية حاجات ولفيت بقدر الأمكان علشان


اجيبلكم احسن الحاجات على قد ما اقدر


يمكن احنا ف المجتمع العربي شوية بنحب العادات والتقاليد


وبيكون مش سهل اننا نعمل حاجات مودرن او زى اللى بره


انا جبتلكم شوية غرف طبعاً الفكرة مش نعملها فوتوكوبي


علشان محدش يقول ازاى هننفذ الحاجات دي لكن الفكرة اننا


ممكن ناخد من كل صورة فكرة تناسبنا ونجمعها ف حاجة مناسبة لينت


ويارب الموضوع يعجبكم ..



***




يلا نبدأ





https://forums.3roos.com/uploaded/299988_11246552913.jpg




ومعظم اللى لقيته بالأستيل ده وهو الجلد وشكله مش لطيف بالمرة


يشبه الموجود ف مكاتب المحاماة او العيادات وده اشيك واحد لقيته


بس من رأيي حتى لو كنتى من محبي اللون الأسود او الغوامق


ابعدي عن الأسود لأنه عروسة مهما كان


وطبعاً زي ما احنا شايفين ف الصورة انسب لون يلائم الأسود


هو تضاده اللون الأبيض واكيد شيك طبعاً بش انا مش حبيته بصراحة


بس عجبني جداً المخدة اللى تشبه الريش




***



https://forums.3roos.com/uploaded/299988_01246893100.jpg



ده معقول لونه مش اسود قاتم وكمان مش جلد


كمان لو تلاحظوا ان وجود اللون الابيض مع الاسود


بيظهر اوى التضاد بينهم وبيبّين اللون الأسود قاتم اوى


هنا اللون مش قاتم اوى وف نفس الوقت غيّر واستخدم البيج


ف طريقة الجدار الرئعة


والجدار الرمادي اللى خلفه


كمان الباركية حلو اوى والسجاده


ونلاحظ ان دايماً الأحمر بيدخل بشكل اساسي مع الاسود


الترابيزات طبعاً كالعادة هايلة



***






https://forums.3roos.com/uploaded/299988_11246893100.jpg

رد: عايزة تفرشي غرفة معيشة مودرن بطريقة حلوة
 

ده ستايل تانى مش حلو


بس انا بوري البنات اللى بيحبوا اللون الأسود



بس نفس اعرف اللى على الارض ده قرد ولا قطة ولا ايه بالظبط




***



https://forums.3roos.com/uploaded/299988_21246893100.jpg




ده معقول شوية لنه عمل ميكس بين الأسود والبيج


بس المشكلة انه برضه جلد



***





https://forums.3roos.com/uploaded/299988_31246893100.jpg




ده حلو شوية


بس اعتقد لو غيرنا الجلد بحاجة تانية او لون تانى مش هيناسب اوى


يعني ممكن يمشى مع الغوامق


عجباني الاباجورة جداً




***


https://forums.3roos.com/uploaded/299988_41246893100.jpg

الصورة بعيدة بس معتقدش انه جلد


بس تقليدي جداً ومش فيه اى حاجة جديدة



***




https://forums.3roos.com/uploaded/299988_11246894973.jpg

رد: عايزة تفرشي غرفة معيشة مودرن بطريقة حلوة
 

ده برضه حلو شوية مع انه يبدو انه شامووه يعني مش عملي خالص


بس الاسود مع اللبني حلو والابيض الكريمي


والاكسسوارز بلون اغمق شوية من الكريمي وافتح من الكاكاوي


حلوة اوى الاكسسوارز






***




https://forums.3roos.com/uploaded/299988_01246554393.jpg




طبعاً ده استيل مودرن اوفر شوية


بس حبيت اعرضه لأنه اسود برضه


بس الحلو فيه انه ممكن يتعمل ككورنر مش كانتريه مستقل بنفسه


وكمان داخل معاه هنا الحمر والأبيض بشكل شيك بس


برضه تحسوا انه ناقصه شوية حركات تعمل فيه حياة





***





https://forums.3roos.com/uploaded/299988_21246552913.jpg




ده نموذج للون الغامق


وطبعاً مكون هنا من الوان البحر او تدرجات اللون الأزرق


وممكن ناخد من الصورة دي فكرة الترابيزة الدائرية جديدة وغير تقليدية


***




https://forums.3roos.com/uploaded/299988_01246553653.jpg

رد: عايزة تفرشي غرفة معيشة مودرن بطريقة حلوة
 

عاجبني هنا اوى اللون وهو نموذج غامق برضه


وعاجبني اكتر الشال المرمي على الكنبة بجد الاستيل ده شوفته كتير



كمان الترابيزة فيها مستويين وبطريقة جديدة خالص شيك جداً



***


https://forums.3roos.com/uploaded/299988_01246552913.jpg




العكس تماماً لون ابيض ومخدات سوداء


وده نوع من انواع الجلد وده الاستيل الجديد واحدث حاجة ف المودرن


وطبعاً داخل معاهم الأحمر بس الغامق


الترابيزتين حلوين جداً جداً واحده بالأسود والتانية الأحمر مع الأبيض


حاجة بجد شيك موت


وطبعاً لازم ف الوقت ده ميخدلش الوان تانية اكتر من كده


يعنى لو لاحظنا ان معظم الديكورات المحيطه داخل فيها الأسود


والأبيض والأحمر ممكن بتدريجات مختلفة حتى لو حطينا لون بني


غامص زي لون ترابيزة الطعام بس مينفعش يكون فى لون فاتح خالص



***

https://forums.3roos.com/uploaded/299988_01246555725.jpg

ده عاجبني اوى


يمكن تستغربوا شوية


بس الفكرة اللى حبيت اقدمها هنا هى لو المكان صغير


يعني بجد المكان هنا صغير جداً طويل بس مش عريض


ازاى نستغل المكان ؟


دخل التلفزيون ف الحائط ..الترابيزة نوعاً ما مش عريضة ومش فيها شغل


وده مناسب لضيق المكان جداً


وكمان لون الحوائط فاتح علشان يوسع شوية مع الشباك والضوء هتعمل


مساحة ف المكان .. كمان لو الانتريه نفسه فاتح علشان يوسع اكتر


https://forums.3roos.com/uploaded/299988_21246556213.jpg



عاجبني هنا تداخل الألوان


الأنديجو ف الحواشط .. البيج ف الأنترية .. البني الفتح او العسلي


ف الباركية وكمان تداخلات ف السجاد


يمكن انترية بسيط بس عاجبني التنسيق بتاعه


الاباجورة كمان جديدة وجميلة واستبدال ايد الانترية بطريقة ممتدة كترابيزة


شيك جداً



***


https://forums.3roos.com/uploaded/299988_01246556870.jpg

رد: عايزة تفرشي غرفة معيشة مودرن بطريقة حلوة
 

ده كمان مختلف خالص


يمكن هو ابيض ومش عملي خالص لكنه عجبني قولت تشوفوه معايا


طبعاً ده خيزران وده بيكون غالي جداً لأنه اكيد هاند ميد


الأبيض مع البني بدرجاته حلو اوى والترابيزات جميلة




***

https://forums.3roos.com/uploaded/299988_11246556870.jpg

ده يخض شوية لأن المساحه كبيرة


بس الألوان فيه حلوة اوي تحسوا فيه بالدفأ


نظام الانترية هاااااايل يشبه القعدات العربي بس على موردن


عاجبني كمان المكتبة ف مقدمة الصورة


حلوة وجديدة وتحسوا انها بترجعنا لحاجات زمان وده الموضة برضه


https://forums.3roos.com/uploaded/299988_21246556870.jpg


برضه هاااااااااااااااااايل جداً


شوفوا الستاير على الحائط حلوة اوى وجديدة


اللون الزيتي مع الأورانج الهادي كمان مع تدرجات البني قمة الشياكة


بسيط جداً وممكن ينفع لكورنر رقيق


الترابيزات هايلة جداً كلها جديدة وشيك وتنفع لأغراض كتير



***



https://forums.3roos.com/uploaded/299988_11246553653.jpg