ازياء - فساتين سهرة و مكياج و طبخ - البوقالات لمن تحب ان تنوي

- ادب و خواطر (https://fashion.azyya.com/40)

- - البوقالات لمن تحب ان تنوي (https://fashion.azyya.com/81845.html)

البوقالات لمن تحب ان تنوي

السلام عليكم حبيباتي احنا في الجزائر لنا عدات في رمضان منها البوقالات في السهرة ونقوم بها كالتالي

البوقلات متل الابراج

رائحة الشاي بأوراق النعناع الطازجة تفوح من البيوت و أصوات ضحكات النساء متجمعات حول مائدة السهرة المزينة بأشهى الحلويات التقليدية ..اناء من الطين.. مملوء بالما ء الصافي النقي.. ..تنزع الفتيات الجميلات الحالمات خواتمهن و تضعنها داخل الاناء و يغطى كل شيئ بمنديل ..و تبدأ احداهن بقول الفال :بسم الله ابديت و على النبي صليت يا ربي أعطينا الفال و لاقينا بأولاد الحلال

و تسحب خاتما من الخواتم و تنتظر صاحبته فألها بعيون اللهفة و الأحلام و تستذكر الجدة احدى البوقالات التراثية و هي عبارات موزونة المعنى و متاغمة المسمع .. تحوي أغلبها صفات فارس الاحلام..أو حديث عن الحب و بعضها الاخر مثيرة و مسلية لتزيد من روعة الزمان و المكان
ثم يسحب خاتم اخر و تدور دائرة البوقالات عل جمعيهن و السعادة تغمر كل القلوب...... و قد انتقيت لكم بعض من البوقالات
والان اتمنى من كل واحدة تنوي وتخطار واحدة من 1 الى 20 و تقولي ايش اخطارت:

1-يا اللي زايدة في عذابي في النهار انومك و في الليل نترجاك أعطيني كلمة من فمك يرحم اللي رباك
2-نسول عليك يالحبيب والسوال خير من ألف هنية ساعة على ساعة نفكر في الزمان ونقول علاش ألي تمنيتو ماهو ليا .
3-خرجت وحدي في الليل وخرجات الليل صعيبة انسيت المحنة والويل اتفكرتك انت يا الحبيبة
4-حب الملوك جاني مغلف في اوراقه انا وحبيبي في بلاد واحدة والقلب مشتاقه
5-عديان الجبال خطبت بنت الرجال و الي يقول كلمة في البنية عند الصبح تبان
6-حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .
7-نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .
8-يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة

9-النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .
10-جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .
11-الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .
12-اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .
13-فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا

14-علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .
15-أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك
16-السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها
17-يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك
18-في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف

19-أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور
20-جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .
:icon_neutral: