يابحر فيني من الحزن كثر مافيك
يابحر .. فيني من الحزن .. كثر مافيك ..
من حزن .. وأوجاع .. وغياب .. وغرايب !! لاتلومني إليا شفتني .. دايم أجيك .. ولاشفتني دايم .. على الشط .. ذايب !! حزني كبير .. أكبر من حدود .. شاطيك .. وأقسى من جروح الزمان .. العطايب !! وإن كان تنشدني فأنا .. مقدر أخفيك .. دايم اظن .. ويطلع .. الظن .. خايب !! في هالزمن .. أقرب حبايبك .. يشقيك .. إلين تدفع في غلاه .. الضرايب !! من بعد هذا .. يبتعد .. عنك .. ويجفيك .. ماكنه .. بجنبك .. قضى الوقت .. طايب !! وإلا .. الخوي اللي توقعت .. يفديك .. يفديك عمره .. لاغدت بك .. نشايب !! صد .. وتصدد .. مايبي .. سمع .. طاريك .. وياما .. أنت .. دونه .. أتعبتك .. الطلايب !! لاتقول لي .. بدري .. وتوك .. ويمديك .. وتعال .. وأسمع باقي الهرج .. صايب !! خلك بحالك .. وأطلب الرب .. يهديك .. ولاتنشد اللي غاب .. وين أنت .. غايب وإن شفتني غايب .. عن حدود .. شاطيك .. أعرف تراني .. تحت .. ذيك .. النصايب !! وأعرف تراني .. دايم إن ضقت .. بآجيك .. لأني .. أنا .. والموج .. صرنا .. حبايب |
رد: يابحر فيني من الحزن كثر مافيك
ندى من جد جبتيها على الجرح .. تسلملي يدك .. مشكورة قلبي
|
رد: يابحر فيني من الحزن كثر مافيك
حبتك العافيه ياعمري
مشكوره ع المرور الطيب |
رد: يابحر فيني من الحزن كثر مافيك
مشكورة ندو علحواطر اللي اكثر من رائعة
|
رد: يابحر فيني من الحزن كثر مافيك
خاطررررررررررررررررررررررررررر رره
جناااااااااااااااااااااااااان |
الساعة الآن توقيت السعودية الرياض و الدمام و القصيم و جدة 03:21 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.