ازياء - فساتين سهرة و مكياج و طبخ - هل تخبرى زوجك او تخبى عليه؟؟

- - هل تخبرى زوجك او تخبى عليه؟؟ (https://fashion.azyya.com/82949.html)

هل تخبرى زوجك او تخبى عليه؟؟

[COLOR="Purple"]ازيكم اصدقائى انا اليوم طارحة عليكم سؤال وموضوع مهم جدااااا قابل للمناقشة وهو
اذا واجهتى مشكلة او حركة استفزازية من اهل زوجك
هل تخبرين زوجك بها ام لا ؟ ستفضلى السكوت
اى حركة مثلا ممكن تضايقك من اهل زوجك امه اخواته والده كلمه نظرة اهانه ممكن تحكيلة ولا هطنشى وكان مفيش حاجة حصلت بس انت لو طنشتى ممكن هما يحكوله قبلك ويزودو شوية كلام من عندهم علشان الموضوع يكبر وجوزك يسخن ويطلع ياخدك قلمين ياريت كل واحدة توضح رايها وموقفها من الموضوع ده وتقول ليه تخبره وليه لا تخبره ومحدش يقولى تجنبا للمشاكل علما بان المشاكل موجودة موجودة

اما انا لو هتسالونى عن رايى انا افضل اقوله طبعا لنى عارفة اهله كويس كلامهم كتير انا احب اكون واضحة وموقفى يبقى واضح بردة بس من غير ما اضيقه باسلوب الحوار مثلاازاى يعنى مش اول ما يدخل من باب البيت اقولة امك عملت واختك واخوك لا اولا اختار الوقت المناسب اللى اتكلم معاه فيه وبعدين احكيله الموقف زى ما حصل تماما من غير زيادة او نقصان او شوية شطة وهو عارف كويس انى واضحة وصادقة مبحبش الف ولا الدور فى اى موضوع وهو بيحكم رايه وبعدين كل واحد عارف مراته كويس وعارف اهلة كويس وعارف مين ممكن يقول كدة ومين ميقولش ده رايى بكل صراحة اتمنى اعرف ارائكم

والردود اللى فيها شكرا يسلموا يعطيكى العافية مش عايزنها احنا عايزين ناس تناقش الموضوع وتقول هى بتعمل ايه /COLOR]

رد: هل تخبرى زوجك او تخبى عليه؟؟

لا ولا
لا يمكن احكيله لان بصراحه كلمه مني وكلمه منهم وبتكبر المشكله وهي ما بتستاهل
لازم تصبري وعامليهم بالحسنى ولو ما فهموكي مصيرهم حيقدروا احترامك لهم وحفظ اسرارهم
وهوه كمان رح يحترمك مش كل كلمه تنقليها له رح يمل منك لانهم اهله قبل ما تكوني زوجته
لذلك اذا مش شي خطير افضل التزام الصمت وصفوا النيه يا نساء العالم والله اهل الزوج زي الاهل واحن
احنا عندنا مثل بنقول اهلك اللي اشتروك مش اللي باعوك ولا شو رايكم؟؟؟؟؟؟

رد: هل تخبرى زوجك او تخبى عليه؟؟

انا عن نفسى بحكيلو كل حاجة وهو اصل الى بيهدينى وبيسمع ليا

مش بعرف اخبى عليه حاجة اصلا هو بيقولى انو فى حاجة بجد مش بعرف

وانا بحكيلو عشان اخفف شوية عنى عشان انا مش برد على اى معامله وحشة منهم عشان كده بفضل افضفض ليه

رد: هل تخبرى زوجك او تخبى عليه؟؟

اقتباس:

المشاركة الأصلية كتبت بواسطة zenadonia (المشاركة 1133313)

حبيبتى انا بسالك عن رايكوعن اللنتى بتعمليه مش بقولك قوليلى اعمل ايه انتى موجهه الكلام ليا انا عارفة انا بعمل ايه وقصدى من الموضوع عبرى عن رايك رايك انتى مش تعطى لى نصيحة انا مش غلط بس اختلاف فى وجهات النظر لا يفسد للود قضيه ناقشى الموضوع وقولى بتعملى ايه وكل واحد حر ياجماعه فى اللى بيعملة وشكرا

رد: هل تخبرى زوجك او تخبى عليه؟؟

ميرسى على ردك سماسيمو وانتى متفقة معى فى وجهات النظر وميرسى على مشاركتك نورتى موضوعى