ازياء - فساتين سهرة و مكياج و طبخ - يمه يقولون عشق البنت مو عادي

- ادب و خواطر (https://fashion.azyya.com/40)

- - يمه يقولون عشق البنت مو عادي (https://fashion.azyya.com/88190.html)

يمه يقولون عشق البنت مو عادي

يُمَه ذبحني بغلاه ... وطبعه الهادي
هو صاحب الفضل في هالعشق ... والمنة

مدري انا البادية ... والا هو البادي
بس المهم الهوى فينا غرز سِنه

والله يا حضنه حضن ... وشفاهه تنادي
وجوارحي كلهن يُمَه يلَبِنه

يُمَه وربي انا مالوم حسادي
ادري بهن حاولن بالكيد يغونه

وهو يتحمل غثاي ... ويعشق عنادي
يموت بي موت وغيري ما درى عنه

يُمَه تماديت به والقلب متمادي
ومشاعري ضيعن قلبي ... وذلنه

من قبل اعرفه وقلبي بالهوى غادي
وعقبه عرفت النعيم وريحة الجنة

انفاس صدره اذا فاحت زهر كادي
اقرُب من شفاهه الحلوات وآكنه

ادري الهوى شين ... لكن ربي الهادي
يمكن يجي يوم وانسى ... بس ما اضنه

شابت عيونه على فرقاي وبعادي
وذابت حوايف خصر سلمى من الحنة

اقول خذني " من الوادي ... الى الوادي "
ويقول بس اركدي واجيك بالسنة

وركدت يُمَه ... ولكن طَوّل ركادي
متى البشاير يجن قلبي يهزنه ...؟!

اقلق مزاجي هواه ... وعكر رقادي
وعروق قلبي من النشوة يحزنه

افز من عز نومي بحلمي انادي
اوِن بإسمه ... وترجع لإذني الونة

اللي عشق غير خلي ... بالهوى غادي
واللي عشق غير خصري ... بايخٍ فنه

يُمَه يقولون عشق البنت "مو عادي"
والا الولد لو عشق يمكن يجي منه ...؟!

مما راق لي

رد: يمه يقولون عشق البنت مو عادي

بعدد أحرف أساطير الإلياذة ومواطن العشق

ساجبر الحرف ان ينطق

ويلتقط أنفاسي مع هبوب نسيمه

واجبر السطر ان ينقل ذلك الشوق
إ
لى كل الأحاسيس

وإيقاعات المشاعر الدافئة لديه

جميل هذيانك عزيزتي___

دام حرفك بمذاق مختلف

دامت انفاسك

تحياتي

رد: يمه يقولون عشق البنت مو عادي

حثت عن الكلمات
فـتهـرب مني الأحرف وكل الكلمات
لكن قلمي ينحني ليتوارى عن أسطركـ ِ ...
إنه يتوارى من أحرفكـ ِ خـجـلا
أعجبتني تلكـ الكلمات واعجبني نسج الحروف الذي كان بينها
سأكون هنا في انتظار جديدكـ ِ القادم الذي أرتقبه
فمن حرفكـ ِ وعذب بوح قلبكـ ِ لا تحرمينا
تحياتي وتقديري