ازياء - فساتين سهرة و مكياج و طبخ - ماهي غريبه من يذمك يماشيك... لكـن غريبه من يذمك ي

- ادب و خواطر (https://fashion.azyya.com/40)

ماهي غريبه من يذمك يماشيك... لكـن غريبه من يذمك ي

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك

لا يا حبيبي .. الزمن لا يخليك
تقسى على قلبي وتسقيه سِمِّك

دنيـاك هذي , لا تغيِّر مباديك
مهما إستطعت الظلم إعدل بحكمك

ما هي غريبه من يذمِّك يماشيك
لكن غريبـــه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك

أدري تعزني .. اللـه يعز غاليك
وإن كان لـي عندك معزَّه بضمك

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك

إسمك حبيبي ويا كثِرها أساميك
وقلبي يفز .. لا جابوا الناس إسمك

ليتك تحس في ضيقتي يوم أحاتيك
أحرق لك أعصابي .. وما حَس دمِّك

غايب بدون أعذار .. ربِّي يجازيك
عطني سبب مُقنع حبيبي .. وألمك

همِّك , جنونك , ضحكتك , كل ما فيك
صوتك , سكوتك , وأرجع أقول: همِّك

طيشك , عنادك , لما تزعل وأراضيك
ترسم ملامح ضحكتي .. وتمحي رسمك

[ لبيــه ] منِّك غير .. لمَّا أناديك
كن الكلام العَذب ... مرساه فمِّك

مهما غلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع النـاس , وعيـــال عمِّك

شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن.. أمّك .... للمزيد من مواضيعي

رد: ماهي غريبه من يذمك يماشيك... لكـن غريبه من يذم

بنزف قلم مبدعه كتبتي....

تألقتي.....

رسمتي صور ولونتها بدموع الآهااااااات.......

نزف رائع ....

وسمفونية من الجمال ...

لكنه كان عزف خمائلي رائع ...

كلماتك في صميم قلبي غرست ...

لروعتها ...لجمالها ...لروعة تنسيقها ....

ما اروع نزفك ....

ما ارقى حروفك ....

ما اجمل سطرك....

ما اجمل همسك ....

سلمت اناملك على هذا الابداع والتميز....

رد: ماهي غريبه من يذمك يماشيك... لكـن غريبه من يذم

ما كل واحد غاب معناه ناسيك
بعض البشر ينساك لو كان يمِّك

لاهنتي
تقبلي مروري

رد: ماهي غريبه من يذمك يماشيك... لكـن غريبه من يذم

اشهد انك من اغلى المخاليق يوم خطيت بالحروف خواطرك
تسلم ايديك

رد: ماهي غريبه من يذمك يماشيك... لكـن غريبه من يذم

يعطيك الف عافيه ياعمري ع الطرح والكلمات في غاية الرووووعه

والذوووووق الراااااااقي

تقبلي مروري اختك ندى