ازياء - فساتين سهرة و مكياج و طبخ - الله يرحمك يا تاج راسي

السلام عليكم ورحمة الله وبركاته

صراحة ما عرفت وين اكتب الموضوع بس لقيت انو هون احسن شي مع انو ما في رابط بين الموضوع والقسم

صراحة يا بنات اليوم ابوي اعطاكم عمرو توفى فجاة بين ايدينا الضهر قسما بالله ساعة كاملة وحنا مفكرين انو مغمى عليه وهو ميت واحنا مش عارفين

وصل الاسعاف وغطاه وكان اصعب منظر شفتوا بحياتي والله ياربي منظر ابوي كان صعب
كانوا كل ما بغطوه اشيل الغطا واقعد معاه واحكي معاه والله ما كان يرد
بنات مش مستوعبة انو مات بحس اني بحلم بحس انو لا رح يفتح الباب ويدخل ويقعد معنا
هو فعلا كان مريض كتير وتعبان وتعبان نفسيا لدرجة كبيرة والكل بيحكي ان شاء الله انو الموت كان رحمة الو من تعبه بس انا مش مستوعبة مات يعني راح من هالدنيا وما عاد الي الصدر الحنون زيه
والله ندمانة على كل يوم زعلته فيه وندمانة على كل يوم قصرت بحقه بس هو كان عصبي والله ندمانة ندمانة مخنووقة وقلبي معصور من الوجع عليه
الله يصبر والدتي على فراقه هي حالتها بالويل بس والله احنا صابرين ولا عملنا شي يغضب ربنا وقت الي سمعنا خبر الوفاه بس القلب موجوع والحيل انهد وين الي كان يمسك البيت بكلمة راح
ادعوله يا بنات

اللهم يارب ارحمه واغفر له يارب يا رحمن ثبته عند السؤال يارب اجعل قبره روضة من رياض الجنة يارب وسع عليه قبره ويارب اجعل مثواه الجنة يااااااااااااااااااارب اجمعنا فيه يوم الحشر بجناتك يارب
ويارب هون على الوالدة وعلينا مر طعم الموت

وصلي الله على سيدنا محمد

يمكن انا طولت يا بنات بس مخنوقة وربي يعلم
ادعوله واكون شاكرة لكم

أختكم اليتيمة : سوسو