يمه تكفين اسمعيني
يـــمـــه ..
تكفين اسمعيني ... يمـه بسألك شي .. جاوبيني .. هو صحيح اللي مات داخل القبر يصير حي ...؟؟؟ يــمـــه ... أسمع أنــا صوتك .. كل يوم اسمعه .. واذا حاكيتك هاوشوني .. قالوا انسي .. روحي يالله العبي .... !! يمه تعالي ارجعي ... والله خلاص بسمع كلامك .. ما اخرب العابي .. وان قلتي يالله .. روحي نامي .. أروح حتى ماتزعلي .. يمه تكفين ارجعي .. اليوم حطت لي المديره .. نجمه من فوق جبهتي .. يمه سمعتها تقول.. مسكينه هالبنت صارت يتيمه .. قالت لها الابله .. مسكينه توها صغيره .. وش كانوا يقصدون ..؟ يمكن عشاني صرت عاقله .. ولا عشاني دايم اسرح يمه مريولي توسخ .. ماكان قصدي اوسخه ... بس تذكرت انك تقولي .. بعد شهرين.. بشتري لك لبس ثاني .. يمـه تعالي اشتري ... يمـه عرفتي صديقتي اللي معي .. زاعلتني .. تقول ماصرت انا اضحّـكها راحت تدور غيري عشان تلقى احد يونسهـا يــمــه يالله خلاص لاتمزحي يالله قومي تعالي معي للبيت ارجعي يمه يمممه نسيت شي .. بقولك ترى بيتنا صار فاضي .. ماحد يجينا .. وكل اللي فيه انا واخواني .. ليه وين اقاربنا ..؟؟ وين خالتي .. اللي كانت تجينا ... يمممه قوومي يالله تعالي .. تكفين يالله تعالي .. ماودي ارجع لحالي والله خايفه .. ترى امس جيتك .. مارديتي .. حسبتك نــايمه .. أو اقولك .. خلاص خلاص .. انا بجيك بكرى .. اذا راحوا من هنا الناس .. تكفين يمه بكرى اصحي .. تكفين يمه بكرى ارجعي .. ****************************** ****************************** ************** الله يطول بعمر امهاتنا امين يارب العالمين.... https://up.arab-x.com/Dec09/kwB59290.jpg |
رد: يمه تكفين اسمعيني
......آآآآآآآآآآآآآآآآه كلمــــــــــــاتـــــك تقطــــــع القـــــــلب ......
يارب تحفظ لي امــــــــــــــي يارب.... يعطيك العافيه حبيبتي.... |
رد: يمه تكفين اسمعيني
الله يهديييك بس بكييتيناا
الله يرحم امهات المسلمييين كلمااات روووعه الله يعطييك الف عااافيه تقبلي مرووري |
رد: يمه تكفين اسمعيني
عفويتك الطاهرة سلبت لب الفؤااد
فحروفك نسجت من خيوطها رداءآ تتبختر الارواح بنسائمها شوقآ ولهيبآ تحياتي لروحك الطاهرة ونقاء قلبك دمت بفرح وتألق الله يرحم امهااات المسلمين ويخلي امهااتنا يارب |
رد: يمه تكفين اسمعيني
أم همس
الله يعافيج ياقلبي |
الساعة الآن توقيت السعودية الرياض و الدمام و القصيم و جدة 12:52 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.