 |
  |
|
|
|
11-09-2010, 07:02 AM
|
#1 |
|
:: كاتبة نشيطة :: |
تعالى اقولك تهتمى بنفسك ازاى قبل العيد
بسم الله الرحمن الرحيم حبيباتى واخواتى فى البداية احب اقولكو كل سنة وانتوا طيبن بمناسبة عيد الاضحى المبارك وعشان كده جاية ومعايا هدية العيد لكل بنوتة ومتزوجة عشان نبقى عرايس بجد فى العيد وفى الموضوع ده بإذن الله هنتكلم بالتفصيل عن كل حتة فى جسمنا وازاى نعتنى بيها ونحل مشاكلها بسهولة ومتقلقوش طبعا موضوع الاستفسارات ما زال مستمر وانا هجاوب على كل اسئلتكم ان شاء الله المهم تبتدوا معايا فى البرنامج ده ومش عايزين كسل وكل واحدة تفاجىء جوزها فى العيد بجمالها وحلاوتها هنبتدى يا حلوين اول حاجة بالبشرة يالا نبدأ بسم الله البشرة يعنى تنظيف عميق كل شهر وتنظيف اسبوعى وتنظيف يومى هنتكلم اول حاجة عن التنظيف العميق(النيتوياج) فى البيت وبأبسط الوسائل المتاحة عندنا فى كل بيت وده طبعا يا قمامير اول حاجة هنعملها فى بشرتنا لانها بتكون كل شهر مرة ودى الخطوات بالترتيب يالا كل واحدة شطورة تجيب ورقة وقلم وتكتب معايا عشان تبتدى تنفذ 1-فى بداية اى تنظيف للبشرة اول خطوة بتكون ازالة اى ميكب من الوجه وده عن طريق منظف الوجه(الوشن) وانا بفضل منتجات كلين اند كلير او منظف جونسون من السوبر ماركت او الصيدلية 2-تانى خطوة هتغسلى وشك بصابون طبى اى نوع عشان تعقمى بشرتك وبلاش ارجوكم الصابون العادى 3-بعد كده بتجيبى قطنة وتبليها بالحليب وتبتدى تمسحى وشك بيها بحركات دائرية من اسفل لاعلى وخلى بالكوا بلاش تقربو من العين 4-هتجيبى بعد كده قطعة قماشة او فوطة صغيرة وتبليها ماية سخنة او دافية وتعصريها كويس وتغمسيها فى بيكربونات الصوديوم وتمسحى بيها وشك كله كويس جدا حوالى دقيقتين وبعدها تشطفى وشك بماء فاتر 5-هتجيبى علبة زبادى (روب) وتفرديها على وشك وتسبيها شوية وفى الوقت ده تروحى تسخنى ماية فى حلة وتسبيها تغلى وهى بتغلى تضيفى عليها نعناع وبقدونس 6-هتمسحى الزبادى من غير ما تغسلى وشك تمسحيها بقطنة او فوطة وتغطى شعرك كويس بفوطة وتقربى وشك من بخار الماية الى انتى غلتيها وتستمتعى بالبخار 5 دقايق وطبعا تكونى مغمضة عنيكى 7-بعد كده يا قمر وشك لسا عليه بخار الماء هتجيبى شوية سكر وتفركى بيهم وشك حوالى 3 دقايق 8-وبعد كده يا سكرة انتى وهيا هتشيلى اثار السكر وتعمليلى الماسك ده بعدها على طول (ترمس مطحون+خميرة وتعجنيهم بنقطتين ماية وتدلكى بيهم وشك 3 دقايق لحد ما ينشف وتسبيه نصف ساعة 9-بعد كده تشطفى وشك بماء فاتر وتفردى عسل نحل على وشك كله وتسبيه نصف ساعة كمان وطبعا هتقولولى التنظيف ده ممكن ياخد مننا ساعتين هقولكوا معلش يا حبايبى ما هو مرة كل شهر استحملوا 10-دى الخطوة الاخيرة فى النيتوياج وهى انك بتغسلى وشك بماء فاتر من العسل وبعدها تجيبى قطنة مها ماء ورد مضاف اليه عصير ليمونة وتمسحى وشك كله كويس جدا وبعد كده يا حبيبتى تمشى ثلجة على وشك عشان تغلقى المسام تانى وبكده هتلاقى وشك طبعا حاجة تانية واحسن ما تروحى تعملى التنظيف ده فى مراكز التجميل وتدفعى الشىء الفلانى ويحطولك جهاز بخار وكام ماسك صناعى وخلاص على كده لكن فى بيتك اضمن واحسن لانها بمواد طبيعية وعلى الاقل هتكون بضمير حبيباتى بكده انتهينا من الجزء الاولانى فى البشرة تابعونى لسا هكمل بقية جزء البشره يتبع:0154: |
|
11-09-2010, 07:11 AM
|
#2 |
|
|
رد: تعالى اقولك تهتمى بنفسك ازاى قبل العيد
بنات انا عايزة مشاركة وردود وكل واحدة تدخل تقولى عملت ايه عشان محسش انى عاملة البرنامج ده لنفسى
ارجوكم شجعونى عشان اقدر اكمل الموضوع وان شاء الله هتستفادوا اكمل استفادة ومش هتندموا |
|
11-09-2010, 08:22 AM
|
#3 |
|
|
رد: تعالى اقولك تهتمى بنفسك ازاى قبل العيد
يالا نكمل يا قمرات هندخل بقا فى طريقة تنظيف البشرة اسبوعيا ودى بيكون عن طريق اننا نحاول طول الاسبوع نعمل ماسك او ماسكين نتعود عليهم دايما وكل واحدة طبعا بتعمل الماسك الى يناسب بشرتها ودلوقتى هديلكو شوية ماسكات يناسبوا كل انواع البشرة وياريت بجد متهملوش الماسكات يا جماعة لانها عناية مهمة جدا للبشرة ماسك الزبادى وده عبارة عن زبادى فقط بتفرديها على وشك وتدلكيها 3 دقايق وتسبيها نصف ساعة وبعدها تغسلى وشك بماء فاتر وتمررى ثلجة وبعدها كريم ترطيب خفيف ودى طبعا مش عايزة اقولكوا بتساعد على الترطيب والتنعيم وبتغذى البشرة كمان وفى اثناء الماسك ده ممكن تستغلى الوقت وتحطى شرايح خيار على عيونك قناع الفراولة لتنعيم الوجه 5 حبات فراولة مهروسة كويس+معلقة صغيرة عسل+معلقة صغيرة حليب بودرة بتخلطيهم كويس وتحطيهم على وشك 10 دقايق وبعده تغسلى وشك عادى واتفرجى على النعومة ماسك لتوحيد لون البشرة ونعومتها 2 معلقة حليب بودرة+معلقة عصير ليمون وبتخلطيهم كويس ليعمل مزيج مثل الكريم وتفرديه على وشك نصف ساعة حتى تجف وبعدها كما تعودنا الماء الفاتر ثم الثلج ماسك للتفيح 2 معلقة لبن بودرة+2 معلقة زبادى+معلقة نشا+معلقة ماء ورد وتخلطيهم وتفرديهم برضو نصف ساعة وماء فاتر وثلج ماسك التنظيف وازالة المواد الدهنية معلقة ترمس مطحون+2 معلقة عسل نحل +بياض بيضة+معلقة عصير ليمون بتخلطى بياض البيض بالعسل وتضيفى اليهم الترمس ثم اليمون وتدهنى وجهك مع التدليك وتسبيه من نصف ساعة لساعة ماسك لغلق المسام المفتوحة معلقة كبيرة دقيق+ماء دافىء لتكوين عجينة وتفرديها على وشك 20 دقيقة وبعدين تغليها زى ما اتعودنا ماسك اخر للمسا م المفتوحة والتفتيح 2 معلقة نشا+معلقة عسل +معلقة ماء ورد ويترك ايضا 20 دقيقة وبيعمل على قبض المسام والتفتيح فى وقت واحد ماسك للبشرة الدهنية ربع فنجان شوفان مطحون+نصف كوب زبادى+معلقتين عصير ليمون ويترك على الوجه 30 دقيقة وبعدها يغسل الوجه بماء فاتر وتمسحيه بليمونة وبعده كريم مرطب على خفيف ماسك البشرة الجافة معلقة خميرة+معلقة عسل+صفار بيضة وبرضو يترك نصف ساعة ماسك مقاومة التجاعيد موزة+3 معالق حليب ويفرد على الوجه ربع ساعة ويغسل الوجه بالماء الفاتر كفاية كده مسكات يا حبايبى وياريت نواظب على اننا نعود بشرتنا على الاهتمام بالمسكات الطبيعية اسبوعيا نيجى بقا للجزء الاخير او المعلومة الاخيرة للبشرة وهو التنظيف اليومى والتنظيف اليومى يا قمرات بيكون مرتين فى اليوم صباحا اول ما تصحى ومساءا قبل ما تنامى وهيكون باستخدام الصابون المناسب للبشرة وافضل انه يكون صابون طبى والماء يكون فاتر وبعد الصابون مهم جدا استخدام التونر المناسب للبشرة ولبشرة الجافة التونر هيكون ماء الورد والبشرة الدهنية هيكون مغلى البقدونس او النعناع وعمتا ماء الورد مفيد لكل انواع البشرة وبعد الصابون والتونر تضعى كريم الترطيب المناسب وطبعا مفيش احلى من ايفا وخلوا بالكوا فى كريم ترطيب نهار وكريم ترطيب ليل وبكده يا بنات بجد مفيش اى واحدة هتشتكى من بشرتها ولا هيكون فيها اى مشكلة وشك هيفضل دايما منور وزى الفل واى سؤال فى البشرة طبعا هيكون فى موضوع الاسئلة انا كده خلصت جزء البشرة استنونى يا قمرات فى جزء الاهتمام بالجسم يتبع:0154: |
|
11-09-2010, 08:32 AM
|
#4 |
|
|
رد: تعالى اقولك تهتمى بنفسك ازاى قبل العيد
يسلمو وتقبلي تفحيطي
|
|
11-09-2010, 08:05 PM
|
#5 |
|
|
رد: تعالى اقولك تهتمى بنفسك ازاى قبل العيد
ايه ده يا بنات فين التشجيع
انا ربنا يعلم انى تعبت جدا فى الموضوع ده عشانكو ؟؟؟؟؟؟؟؟؟؟؟؟؟؟؟ |
