ياعيشة ٍ قشرى .......!
ياعيشة ٍ قشرى .......!
من قال :- ( يامنبع إلهامي ) تداويني
خلي جروح الهوى والشوق ل.. الذكرى
لاصارت جروحي اللي ساكنه فيني
اتحن قلبك علي / ياجعل ماتبرى !
جيتي وانا في غيابك أسألك ويني ؟
ي.. اللي لك ب.. وسط صدري مسكن ومجرى
وإن كان يطري عليك ( مصافح يديني )
تعالي وصافحي الأولى مع الأخرى
آخاف مثل امس بس صافحتي يميني
وأسعدتي ايدي اليمين وغارت اليسرى !!
ولاصرتي قبال عيني وارمشت عيني
كنّي فقدتك شهر او عام ب.. الأحرى !
إشتقت لك حيل واشتاقت لك سنيني
واشتقت ل.. علومك ول.. السهر والمسرى
عطيني علومك وسمّي وسليني
سوالفك في كلام أهل الهوى أدرى
مابيني وبينك إلا بينك وبيني
يعني هلا في كلام الجادل الشقرا
ب.. ادين لك واللي يسدك ياديني
قصيدة ٍ ب.. اغتني منها يالو تشرى
وانا تميّزت في كثرة بساتيني
ب.. الحب ب.. الوصف ب.. الإحساس ب.. القمرا
بس ب.. حلاك القصيد إن قلت :- يمديني
يقول :- ب.. الوصف ( حاول مرتا ً آخرى ) !!
جيتي وكلي ظما لقياك واسقيني
وانتي عيونك ب.. شفّي / تكتب وتقرى
مافيه داعي أقول :- ارجوك اقريني
مكتوب في جبهتي ( ياعيشة ٍ قشرى ) !
وإن كان جيتي ل.. جرحي لاتداويني
خلي جروح الهوى والشوق ل.. الذكرى
ابحتفظ ب.. الجروح ولاتخليني
وياجعل جرح ٍ يجيبك لي / مايبرى !!
|