رد: ساعدوني اشلون اقسم مهري
ساعدوني اشلون اقسم مهري
ما شالله عليكم يا بنات
قريب 60 وحدة دخلت ما حكت ولا كلمة جبتلوها اكتئاب للعروس
انا مابعرف اديه 20 الف بطلعوا بالعملة عنا
وانا مو خاطبة بس من الي شفته من البنات حولي والمقالب الي صارت فيهم وقت الجهاز
واخر ماساة شفتها بنت قريبتي مهرها عالي وطار كله بدون متحس لانها ما قسمته وهلا محتارة شو تعمل بحالها
المهم
1 -بدك طقومة رسمية للعروس لما يجوا اهله عندك او اهلك
2-قمصان نوم و ملابس تلبيسها للعريس
3 بدك جزمات و شناتيهم
4-مكياج و عطور
5-ملابس بيته مريحة متل فساتين مريحة قطنية او بيجامات عادية تكون
6-اذا كنتي تلبسي جلباب او عباية بلزمك
7-شوية ملابس سبور جينز و بديهات قطن ليوم تكسري فيه روتين شوي وتكونوا حتقضوا وقت فالبيت سوا
8-لا تنسي تجيبي هدية للعريس احنا هيك العادة عنا من المهر البنت بتجيبله هدية
9 البلة البيضا و مستلزماتها
10-قميص النوم تبع اول ليلة القميص الابيض
انا هاد الي خاطر فبالي هلا و ان شالله تستفيدي انتي اكتبي عورقة كل الاغراض هاي و شوفي اديه ميزانية لكل شي
و لما تجيبي طقومة جيبي مع كل طقم كندرته وشنتة و الحجاب
عشان لا تقعديتلبقي بعدين و ما يزبطوا الالوان اغلب البنات تشتري الاحذية لحالها بدون متلبقها و بعدين ما تستفيد منها كتير
وكل طقم جيبيه كامل نصيحتي من الي شفته للبنات الي حولي
اذا عرسك بالصيف لا تجهزي شتوي واذا بالشتا لا تجهزي صيفي
لانه الجسم بتغير بعد الزواج
والله يتمملك عخير مبروك
|