رد: واحة فضفضة زوجية ،،؟زعلانه تعالي ..........
واحة فضفضة زوجية ،،؟زعلانه تعالي ..........
السلام عليكم
تسلمين على الموضوع
حكايتي ان احنا اتزوجنا و لسه ما رحنا على البيت فبالطبع لسه بنختار اثاث البيت,,, فرحنا و اخترنا حاجات و اتفقنا على انه نشتريها
فلما راح مشيت معاه والدته و اخته عشان يشوفو معاه,,,, فاتصل بي و قال انه اهلي ما عجبهم هذا و هذا و هذا و قالو لي انه هذا احسن ايه رأيك , قلت له اللي تشوف اذا عجبتك انت و عجب اهلك خلاص اشتريه
بصراحة ما عجبتني ها القصة و بعدين رحنا عشان نختار شيء ثاني و بالاصل كنا متفقين على لون و لما رحنا قال لي راح ناخذ لون ثاني لانه كذا و كذا , فما عرفت كيف ارد عليه سكت
مرة ثالثة كنت معاه و والدته فقال لها شيء ما عجبني و قلت له عيب فرج عليه ما كلمتك كلمت والدتي
على العلم انه والدتي متوفية و عندي زوجة والدي بس ما بتدخل في او تسألني ايش حتسوي او تشتري
فكل ما بشوف اهله كيف يتصرفوا معاه بحس انه لحالي ما في احد معي مثل والدتي الله يرحمها عشان ينصحني او يعلمني كيف اتصرف
بصراحة احس ان رأيي مو مهم و بطبيعتي اذا ما عجبني شيء بسكت او احيانا ببكي لانه ما اقدر اقول له اهلك ما يتدخلوا او اي شيء
فبلييييز هل من حل او نصيحة لا تبخلون علي
جزاكم الله كل خير
|