ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات > روايات طويلة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات طويلة حطموك يا قلبي كاملة يوجد هنا حطموك يا قلبي كاملة روايات سعودية افضل روايات طويله long novels رويات بنات للجوال و روايات حب رومانسية TXT

فساتين العيد


 
قديم   #1

حكايةإحساس

:: كاتبة فضيّـة ::

الملف الشخصي
رقم العضوية: 17460
تاريخ التسجيـل: May 2008
مجموع المشاركات: 6,081 
رصيد النقاط : 0

حطموك يا قلبي كاملة


حطموك يا قلبي كاملة


الصراحة انا قريت هاذي الرواية في احد المنتديات و حبيت انزلها لانها عجبتني
و انشاء الله اذا حسيت بتفاعل من الاعضاء بكمل تنزليلها ,
و الكاتبة اسمها : مـــــــــــلاااااااااكـــــــ ــــوو الـــــــــدلــــــــــــوعه ***



اول جروحي قلب ميت من الاهمال...

وثانيها صدمة حب ماتت برواقة بال...

والثالثة احزان من راسي لاقدامي...

والرابعة هجران ماتت به احلامي...

وخامس الاخماس...

ياسيد الاحساس...

اني انا كلي...

مــاعــاد بــي احــســاس!!













حطمــــــــــــــــــوك ياقلبي ... ... قصه سعوديه جريئه جداً >>حزينه<<






الفصل الاول..








الساعه 10 الصبح
>>لهالحين وهي تتقلب على فراشها موب قادره تنام من كثر التفكير<< :اوف تعبت مدري شسوي ياربي محتاره
وترفع اللحاف وتعلى صوتها<<: اوووووووووووف خلاص ابي انام وربي تعبت حرام اللي يصير فيني والله حرام..

>>تدخل امها الغرفه عشان تصحيها<<
ام فيصل "دلال": ياملاك قومي ياماما ليه لهالحين ماجلستي
ملاك: ماما تعبانه بليززز مابي اقوم
تجلس ام فيصل جنبها على السرير<<: ليه ياقلبي شفيك؟؟
لي متى بتظلي على هالحال ارحمي حالك..
قلنا لك خذي راحتك بالتفكير
ملاك تبكي<<: خايفه
ام فيصل تمسح دموع بنتها<<: من ايش خايفه ياحبيبتي فكري على مهلك هذا مستقبلك وانتي كبيره وتعرفين مصلحتك زين
يالله ياماما قومي توضي وصلي لك ركعتين استخاره وراح ترتاحين
تقوم ام فيصل من على السرير ومعاها ملاك<<: انشالله
>>وبعد كذا توضت وصلت وهي لازالت تبكي<<









%%%%%%%%%%%%%%%%%%%%%%













>>جالسه تناقشه وهي تبكي وتصارخ مصدومه<<: ايش..؟؟ كيف تعمل فيني كذا
نواف بعصبيه وهو ماسك يدها بقوه<<: لا تعلين صوتك عليّ انا ماجيت استشيرك يا يا <<وهو يناظر فيه باشمئزاز>> ياهانم
ويترك يدها ويبتعد عشان يطلع من الغرفه وهو يكمل كلامه ببرود<<: انا قلت لك عشان يكون عندك خبر وبسسسسس
شيماء وهي تصارخ<<: حرام عليك والله حراااااااااااام
نواف وهو يوقف عند باب الغرفه ويتكلم بالم<<: شوفي اللي انتي عملتيه بعدين احكي
شيماء تقاطعه وهي مرتبكه<<: لـ...كـ...
نواف يقرب منها وهو يحط اصبعه السبابه على فمه باشارة صمت<<: اوششششششش ولا كلمه مابي اسمع حسك >>ويحط اصبعه بقوه على راسها<< فاااااهمه
>>جلست شيماء على السرير وهي تبكي ونواف طلع من البيت معصب ومهموم في نفس الوقت<<

شيماء تتوعد بصوت مرتجف<<: وربي ماخليك تتهنى لا انت ولا بنت الفقر اللي بتاخذها وربي لتندم وبتشوف ينواف كيف تحرق قلبي بتشوف









%%%%%%%%%%%%%%%%%%%%%











>>من العصر وهي جالسه معها في الغرفه تفهمها وتقنعها وبدون نتيجه<<: طيب انا اللي عرفته انه اخلاق وما يعيبه شي لكنه متزوج وهذي المصيبه
ملاك: عارفه عشان كذا محتاره وخايفه من زوجته
اسيل: ليه تخافين منها انتي موب عامله شي خطا او حرام لاسمح الله
ملاك بخوف<<: ادري بس يمكن تطلع عقربه والله يستر منها
اسيل: انتي فكري وان اقتنعتي لا تخافين من زوجته ماتقدر تعمل لك شي
سكتت شوي<< بعدين سالتها: الا صدق اهو عنده عيال.؟
ملاك: ايوه ابوي يقول عنده ولدين
ااسيل: اها اسمعيني زين
انا اختك وتهمني مصلحتك ترى الزواج مش وناسه وتغيير العيشه اللي انتي فيها..
لا ياحبيبتي الزواج بيت وزوج ومسؤليه..
لازم تفكرين بالموضوع من كل الجوانب وايش سلبياته وايش ايجابياته..
لا تنسين انك راح ترتبطين برجل متزوج يعني مش ملكك وبس فيه.. حد يشاركك فيه زوجته وعياله
ملاك: عشان كذا خايفه ارفض وانذم اني ضيعت فرصة حياتي وفي نفس الوقت اوافق وانا مدري ايش مصيري بينه وبين زوجته
سيل معصبه<<: ايش هالحكي انتي لساتك صغيره والحياه قدامك اللي يسمعك يقول انك عنستي ماكانك ماعديتي 17 حتى
ملاك تقوم من السرير وهي تمشي رايحه راجعه في الغرفه الصغيره اللي يادوب تكفي لسريرين وهي تبكي<<: بس انا ابي اخفف على ابوي ابيه يرتاح من همي
اسيل تقوم توقف قدام ملاك وتمسكها تجلسها على السرير وهي في حضنها تمسح راسها بحنان<<: قولي لي ياملاك انا اقرب شخص لك ايش اللي في بالك بالضبط
>>ملاك والدموع تسيل على خدها من الحيره اللي هي فيها خاصة انها انسانه حساسه جداً فدايماً دموعها على الابواب<<:اسيل انتي نسيتي يوم زواجك ايش قلتيلي.؟
اسيل متعجبه من سؤالها<<: يوم زواجي ..!!!!!!!!!!
ملاك: ايه يوم زواجك قلتيلي اخيراً ريحت ابوي من همي
اسيل زاد تعجبها من تفكير اختها<<: لا مانسيت بس هذا موب دافع لك عشان توافقين بدون اقتناع
ملاك تقوم من حضن اختها وتواجهها باصرار<<: بس انا بعد ابي اخفف على ابوي عـ...
اسيل تقاطعها<<: ملاك حنا كلنا تهمنا مصلحتك وانا بالذات فاهمتك صح
فاقول لك ياختي اتركي عنك العناد
لا تظنين ان ابوي بيرتاح او حتى بيوافق انك تتزوجين عشان هالسبب
تراه زواج موب لعبه عشان تفكرين كذا
وبعدين الرجال موب مستعجل يعني خذي راااحتك
والاهم انك انتي نفسك ماراح ترتاحين ابداً ان كان هذا تفكيرك..
وتمسك يدها برجاء<< : تكفين ياملاك طيعيني وفكري على مهلك هذي حياه عشرة عمر موب بهالسهوله اللي انتي ماخذتها
ملاك نزلت عينها وكانه تفكر وبدت تقتنع لكلام اختها<<: طيب
اسيل تحاول تلطف الجو شوي من الكابه<<: زين ابتسمي عاد ياشينك وانتي مكشره
ملاك تتصنع الابتسامه<<: اقول ورى ماتضفين وجهك اتركيني اذاكر
اسيل تعمل نفسها زعلانه وتقوم من السرير متوجهه الى الباب<< : الشرهه علي تاركه بيتي وزوجي عشانك اروح اجلس مع امي ابرك لي
>>اسيل متزوجه من سنه اربعة اشهر وهي هالحين حامل في الشهر السابع<<
ملاك تقوم تسحب اسيل برا الغرفه بمزح<<: يالله اطلعي ذبحتيني بالنصايح تراه مايناسبك
اسيل تضحك<<: زين لاتدزين يادوووبه >>وهي ماسكه بطنها<< : ولدي لا يصيبه شي
>>وتطلع اسيل من الغرفه الى الصاله عند امها<<
ام فيصل : هايابنيتي بشريني
اسيل وهي تجلس على الجلسه الشعبيه المتواضعه جدا<<: ذبحتني هالعنود ليما اقتنعت
مدري طالعه على منو
ام فيصل تناظر بنتها على جنب<<: لهالحين ماتدرين طالعه على منو؟
اسيل بدلع<<: يمممممممممممممممه هالحين انا اسوله عنود حرام عليك..
ام فيصل: لا حشى من زمان موب من الحين
>>وهي تضحك على بنتها اللي كبرت وتزوجت وحملت وبتصير ام لكن لساتها دلوعه من لما هي صغيره<<
تجي سحر لاختها ومعها كتاب الرياضيات<<: اسوله علميني كيف حل هالمساله
اسيل تبدا تعلم اختها المساله واخذت الكتاب من عندها<<: اشووووف
>>بعد 10 دقايق يدخل ابو فيصل وعياله بعد ماصلو العشا في المسجد<<
ابو فيصل: هلا يبه اسيل اشوف البيت منور اثاريك عندنا
>>اسيل تقو تسلم على ابوها وتبوس راسه<<
ابو فيصل: تحبين الكعبه انشالله
اسيل: هلا يبه شلونك شلون صحتك
ابو فيصل وهو يجلس<< : والله يابنيتي صحتي كويسه دامكم حولي
ويلتفت لام فيصل<<: يالله يام فيصل وين العشا ابي انام
ام فيصل : انشالله من عيوني
>>وتروح تجهز العشا<<
اسيل: ليه يبه مابعد شبعت منك بتتعشى وتنام
ابو فيصل: تدرين يابنيتي وراي جلسه من الصبح عشان افتح الشركه والا تبين المعزبين على اخر عمري يهينوني
اسيل: ماعاش من يهينك يبه انت تاج راسنا كلنا
>>وبعد 5 دقايق تجي ام فيصل<<:يالله ياوليد ناد ملاك تجي تتعشى
وليد: اووووووف ماما قولي لسامي هو الصغير
سامي: مابي مابي ماما قالت لك انت
وليد يبي يقوم يضرب سامي<<: هييي انت احترمني انا خوك الكبير
ام فيصل: بس بس خلاص
وانت عاد الله والكبير ماكانه الفرق بينكم سنتين مابي حد فيكم انا اللي بناديها
اللي يهديكم بس
سحر بلقافه معتاده<<: صدق بزارين ">>بسم الله عليك يالكبيره خخخخ<<"
وليد يقوم يبي يعطيها بوووووووكسسسسسسسس<<
>>وتبدى حرب البزارين اللي ماتنتهي<<









%%%%%%%%%%%%%%%%%%%%%%%


















>>جالسه في غرفتها الورديه اللي كل مافيه يدل على ذوق ناعم وراقي<<
على السرير متغطيه باللحاف وموب باين منها شي وتكلم بالموبايل بدلع وغنج<<: بردااااااانه
الجوهره: تعالي ياقلبي بحضني ادفيك
مرام: ياليت
الجوهره تثاوب<<: حبي موب كانه الساعه ثنتين ولهالحين مانمنا لا يكون ماتبين تروحين بكره المدرسه وتخليني بحالي
مرام: مجنونه انا اخليك انا ياعمري اخلي الدنيا ومافيها وما خليك
الجوهره: اجل يالله حبيبتي تنامين هالحين عشان بكره ماتتعبين
مرام: انا معك ارتاح والتعب كله يزول
الجوهره: طيب بس تنامين
مرام بطفش<<: طيب خلاص بنام عشانك بس
الجوهره: ياحبي لك >>وتكمل بكل رومانسيه<<: تصبحين على حب
مرام: احبك
الجوهره: مووووووووووت
مرام: تغطي زين
الجوهره: انشاااااااالله بالله اتركيني احلم فيك
مرام تبتسم<<: اوكي باي
الجوهره: باي ياقلبي










%%%%%%%%%%%%%%%%%%%%%%%%%%


































>>من بعد ماطلع من بيته مارجع والوقت هالحين على وشك ياذن الفجر وهو جالس عل البحر يفكر<<
يتنهد بحسره والم<<: آآآآآآآآآآآآآآآآآآه
انتي اللي حديتيني على كذا ياشيماء انتي سبب كل شي انتي السبب
ويرمي حصا في البحر بكل قوه كانه يبي يطلع كل همومه في البحر<<
ناظر في الساعه لقاها 3<<: اقوم اروح المسجد احسن لي
>>ركب سيارته وشغل الراديو على mbc fm ..<<


قهر ماكنت انا ادري تعيش بقلبي كذااااابه..
قهر توي عرفت انك على الحبلين لعاااابه..
كذب كانت سواليفك..
وكل كلمه عل كيفك..
وانا اللي احسبك روحي ولقلبي اقرب احبابه..
لقلبي اقرب احباب..


و سرح بالاغنيه ورجع بذاكرته ليوم مافات عن باله لحظه وحده<<


الله اكبر الله اكبر
الله اكبر الله اكبر


انتبه وقفل الراديو<< : استغفر الله استغفر الله




هذا البارت الاول

 
قديم   #2

حكايةإحساس


رد: حطموك يا قلبي كاملة


حطموك يا قلبي كاملة

--------------------------------------------------------------------------------
البارت الثاني


%.. صارحيني ..
منهو أنا بدنيتك..؟!
جاوبيني ..
إن كنت فعلاً منيتك..!! ..%




صباح اليوم اللي بعده ..
المدرسه الثانويه..
جالسه على الكرسي وهي هالكه حالها من كثر البكي>>: يعني خلاص بتملك
مرام بتعاطف>>: أيوه بعد أسبوع
يووووه ياريماس لأيش هالبكي هذا كله
الجوهره تحط أيدها على ظهر ريماس>>: أنتي تعرفين أن من وهم صغار يحبون بعض وأكيد أن...
ريماس تقاطعها بانفعال>>: وأنا كيف تتركني وتروح له كيف تقبل أجل أنا أيش بحياتها ولاشي أكيد ولاشي
>>فجأه تدخل الجازي والبندري ألى الصف وتتقدم البندري لريماس تمسح دموعها>>: لا أنتي كل شي أنتي في قلبي وتعرفين زين

ريماس ترجع تبكي وتشاهق>>: بس بس أنتي بتكونين له بتنسيني
البندري تضمها>>: مستحيل
مافي حد بالوجود يقدر يخليني أنساك حتى لو عبدالرحمن نفسه
خلاص عشان خاطري وقفي بكي بليززز
ريماس تشاهق>>: بس أنتي بتنسيني
البندري: تمسك وجهها <<: يالهبله مستحيل أنساك
ريماس تتدلع>>: أكيد
البندري: أقول عطيتك وجه بزياده مو..؟

وتلتفت البندري لصديقاتها لقت
>>مرام تبكي عشان ريماس لانها ماتتخيل حالها يوم من الأيام الجوهره تتركها وتتزوج<<
والجوهره تحاول تخلي مرام توقف بكي>>
اما الجازي تناظر ساكته لأن مو عاجبها هالوضع<<
: شصاير عندكم عزا وتأشر على مرام>>: ياهوووو أيش فيك قالبتها مناحه
مرام: ريماسو الغبيه بكتني
البندري: خخخخ كفايه بكي
وتلتفت لألجازي<<: شفيك
ألجازي تلف وجهها وتطلع من الصف>>: ولا شي
البنات صارت >>فوق راسهم علامات تعجب،،، خخخ عجبني هالتعبير>> من اسلوب الجازي>>
البندري: شفيها
الجوهره: مدري
مرام: أصلآ من جات هنا وأخلاقها زفت
البندري: يؤ من قبل شوي لما كنا نمشي مع بعض مافيها شي
الجوهره: محد ضايقها بشي
مرام: يمكن غيرانه
البندري بنظرات غباء>>: غيرانه من أيش
مرام: عليك أكيد يعني ماتعرفين ألجازي
البندري: ماتجوز عن حركاتها اروح أشوفها
>>وطلعو مرام والجوهره بعد ما اقنعو ريماس تمشي معهم والبندري راحت تدور على الجازي لين لقتها جالسه بحالها<<: شفيه الحلو
الجازي بزعل>> : ولاشي
البندري: مو علي هالحكي قوليلي شفيك
الجازي: بتقنعيني أنك ماتدرين شفيني
البندري: لا قولي شصاير
الجازي تناظر البندري بجد>>: ريماس المفروض تقطعين علاقتك فيها
البندري تحاول تخلي أعصابها ثلج>>: السبب
الجازي: لانك خلاص بتتزوجين وعلاقتك بها تعني خيانتك لعبد الرحمن
البندري تعقد حواجبها<<: خيانه
الجازي بطول صبر>>: أيوه خيانه لأنو تعرفين أيش نوعية علاقتك بها مايحتاج أحكي
البندري: أهاااا بس عبدالرحمن راضي بكذا
الجازي: هه ضحكتيني
البندري بشوية عصبيه<<: ماله داعي تنرفزيني
الجازي تقوم من على الكرسي متوجهه لفصلها لأن جرس نهاية الفسحه رن<<: بكيفك أنا نصحتك
وأتمنى أذا كنت جالسه معكم بلاش هالحركات ألقرعه اللي تعملوها
البندري جالسه وهي فاتحه فمها من العجب>>: شفيها هذي غيرانه
والا ايش..؟؟
وهي تدري بمعزتها عندي اكبر من معزة ريماسو اجل لو ماتدري شبتسوي
الحمدلله والشكر





في مدرسه ثانويه ثانيه
في أحد الفصول
>>حاطه أيدها على خدها وسرحان في مكان ثاني وتتقلب في رايها كل شوي <<:

*لو أنه مومتزوج كان ماحترت هالحيره آآآآآف..!


*طيب وإذا متزوج خير الشرع محلل له أربع..!


*لا لا ياملاك حطي نفسك مكان زوجته مابترضي أن زوجك يتزوج عليك..!


* أكيد في سبب قوي يخليه يتزوج آآآآآف طيب أيش هالسبب..؟!


*وأنا شعلي منها أهم شي هو هاللي أسمها شيماء ماتهمني..!


*شفيك ياملاك من متى أنتي كذا ماتخافي على مشاعر الغير ولا تهمك..!


* أكيد أكيد في سبب قوي أيوه أكيد...


الأبله: ملاك ملاك
وتعلي صوتها معصبه<<: يملاك
تنتبه ملاك للأبله وتوقف وهي منحرجه<<: نعم
الأبله معصبه<<: شفيك ياملاك صارلي ساعه أناديك وأنتي مومعنا نهائيا
ملاك تنزل راسها>>: آسفه أبله
الأبله: تنتهي القصه وتجين لي حالك هاليومين مو معجبني
ملاك بصوت أقرب إلى الهمس>>: طيب
الأبله: تفضلي أجلسي وأنتبهي للدرس
ملاك في داخلها>> آآآآف أول مره أتهزء من الأبله كله بسبة هالنواف
شهالبلوه



>>وبعد ماأنتهت الحصه راحت ملاك لأبلتها وبعد نصايح طويله منها رجعت لفصلها لين أنتهى اليوم الدراسي ومر عليها أبوها عشان يرجعها البيت ثم يرجع الشركه
وطبعآ أبوها مايفتح لها موضوع الزواج عشان تآخذ راحتها وعشان لايحرجها<<















>>أمانواف بعد مارجع من المسجد في الفجر إلى بيته دخل الغرفه لقى شيماء نايمه دخل غرفه التبديل ولبس بيجامه
وطلع ينام..
بمجرد ماجلس على السرير قامت شيماء وأخذت اللحاف والمخده وطلعت من الغرفه تنام في الصاله إللي في الدور الثاني ومن القهر ماقدرت تنام..
أما نواف ماهتم لها حط راسه وعلى طول صار في سابع نومه..


انتهى

 
قديم   #3

حكايةإحساس


رد: حطموك يا قلبي كاملة


حطموك يا قلبي كاملة


>>جلس من النوم ناظر الساعه لقاها 1 الظهر
وصل لقمة غضبه لأنها ماجلسته للدوام قام دخل الحمام <<وأنتم بكرامه>> غسل وتوضأ عشان يصلي..
وبعدما خلص طلع من الغرفه لقاها تحكي بالتلفون ولا هامها شي>>
: أكيد حبيبتي باجي لك الليله مستحيل أطوف هالزواج
حقرها وراح لغرفة عياله
لقى رياض <<10>> نايم
و لؤي<<7>> يلعب بلايستيشن تقدم له وباسه على خده: هابابا شخبار المدرسه اليوم
لؤي زعلان>>: ماحب الاستاذ يعصب علي
نواف يجلس ولده بجنبه>>: ليه حبيبي يعصب عليك أنت عملت شي غلط
لؤي ببرائه>>: لا بس قلت له أنا ماحبك
نواف: عيب حبيبي تحكي للأستاذ كذا بكره تروح وتقول له أستاذ أنا آسف
لؤي: لا مابي لأنه مايخليني ألعب ماما تقول ما اتأسف
نواف عصب لكنه تمالك نفسه قدام ولده>>: لا بكره تتأسف طيب حبيبي
لؤي راح يكمل لعب>>: تيب
تعال بابا ألعب معي
نواف: أنا
لؤي: أنا لولو باب يحبني
نواف يبوس ولده على خده>>: هههههههههههههههه
يالله حبيبي أجلس ألعب شوي عشان بعدين تذاكر دروسك
لؤي حرك راسه بايجاب
وكمل لعب<<
نواف جلس شوي يلعب مع ولده وبعد ربع ساعه<<



>>طلع من غرفة عياله مر على الصاله لقاها خلصت من مكالمتها جلس على الكنب الفخم وأخد الريموت يفرفر في القنوات بدون هدف<<: ترى عنادك مايفيدك
شيماء جالسه تبرد أظافرها ولاكأنه حد يحكي معها>>:
نواف ببرود<<: عيالي مابيهم يتعلمون الغرور والتكبر مثلك
شيماء بعصبيه<<: عيالي وبكيفي
نواف قام يبي يطلع من البيت<<: أشوف الشي اللي يعجبك حكيتي فيه
عمومآ الزواج بيتم فأتمنى ترضخين للأمر الواقع أحسن لك >>وطلع<<
شيماء بقهر<<: هه أشوف من اللي بينتصر
تزوج وشوف شيماء ايش بتكون
ونواف طلع متوجه لشركته >>




وعند وصوله للشركه عند المدخل لقى أبوفيصل<<: شخبارك ياعم
أبوفيصل: هلا ياولدي عسى ماشر ماداومت الصبح
نواف: كنت تعبان شوي
أبوفيصل: ماتشوف شر
نواف ياخذ أبوفيصل على جنب>>: هاياعمي أيش راي ملاك
أبوفيصل : خير أنشالله لاتستعجل
نواف يبتسم>>: أجل يالله أشوف شغلي
أبو فيصل: الله يعطيك العافيه
ويكمل نواف طريقه لمكتبه>>
<< نواف بطبعه متواضع مع الموظفين وخاصة ابو فيصل حتى قبل خطبته لملاك مايسميه الا ياعم بو فيصل>>





نواف دخل لمكتبه وهو يفكر بملاك ويتخيل شكلها<<: آآآآه ياحلوك ياملاك ويابرائتك











>> ينطق الباب بس مافي أحد غيرها في البيت فركضت بسرعه تفتح الباب معتقده أنهم أهلها وكان وجهها وأنفها أحمر من البكي
فتحت الباب بسرعه>>: هاشصا...
آههههه >>تشهق من المفآجأه>>
أنتبهت أن اللي قدامهم رجال غريب بسرعه سكرت الباب في وجهه كرد فعل طبيعي منها>>
امانواف حاله موب حال من شافها أرتبك >> يالبى قلبها أيش هالملاك اللي نازل من السماء صدق أنها موب من البشر
ياليتني امسح هالدمعه اللـــ....
أنتبه في واحد يأشر له>>: خير يالأخو شعندك عند بيتنا
نواف متروع>>: ها
أأأ لاسلامتك بس موب هذا بيت بو فيصل
: أي نعم هذا بيته وأنا ولده فيصل
نواف:هلا فيصل أنا نواف ولد راعي الشركه اللي يشتغل فيها الوالد وجاي أطمن عليه لأنه اليوم ماداوم
فيصل: لا أبد بس تعب علينا شوي جاته نوبة سكر والحين الحمد لله مابه ألا العافيه
نواف: لاه لاه سلامات مايشوف شر أنشالله وأنا أقول ليه أطق الباب محد يرد علي
>> ياشينك يانواف لين كذبت >>
فيصل باستغراب>>: محد رد عليك غريبه
وقام يحاكي نفسه>>: أجل ملاكو وين
ثم قال لنواف: أكيد أختي ماسمعت
نواف يمد يده يسلم>>: حصل خير على العموم تحمد لي بالسلامه للوالد فمان الله
فيصل: يوصل الله معك





ركب نواف سيارته وصورتها مانمسحت من ذاكرته>> : ياسلام أسم على مسمى مثل ماتوقعت ملاك موب بشر

أيش هالعيون العسليه وهالأنف الصغير والا الشفايف الورديه والا الشعر الناعم الطويل والا الجسم آه على هالجسم
<<ماشاء الله عليك يانواف أمداك تفحصها من راسها لساسها في هالثواني القليله>>...



وجلس يغني:
>>أنتي ملاك بين البشر انتي ملاك
وماشافت عيوني أبد أبد في حلاك<<


>>روحي معاك قلبي معاك
أمشي أنا أتبع خطاك<<


>>رغم العذاب والجنون أموت بسحرالعيووووون..
ومقدر أعيش آنا بدونك... وحياة عيونك<<


>>وحياة عيونك اللي عذبتني..
وحياة عيونك اللي جننتني..<<<







:أستاذ نواف أستاذ
نواف: هااا نعم محمد
محمد السكرتير: طال عمرك هذي المعاملات يبيلها توقيع
نواف: طيب خليها على المكتب وهالحين أوقعها
أطلبلي فنجان قهوه
محمد: أنشالله تامر بشي ثاني
نواف: سلامتك تفضل شوف شغلك
محمد: عن أذنك
وطلع محمد ونواف يحاول يركز بشغله بعيد عن خيال ملاك














الساعه 5 العصر
: يالله عجلي نبي نرجع قبل العشاء
ملاك: ياكثر ماتحنين شفيك أنتي ولدك مابيطلع إلا بعد شهرين تو الناس ياختي
أسيل: مشي معي بلا كثر حكي سعود ينتظر برى
ملاك: زين بألبس عبايتي
أسيل: بسرعه بانطرك في السياره
ملاك: طيب
>>وراحت تلبس عبايتها وبعدين طلعت لأختها وزوجها عشان يشترون أغراض للبيبي
ولما وصلو نزلت أسيل مع ملاك وسعود راح عنهم<<
ملاك: أبي أعرف ليه زوجك مانزل معك
أسيل: عنده شغل شفيك أنتي علي

خلينا ندخل هالمحل






الساعه وصلت 6 ونص وهم يدخلون من محل للثاني وماخلوا شي ماخذوه للبيبي<<
: آآآه تعبت خلينا نروح هالكفتيريا أبي أرتاح
ملاك بخوف<<: شفيك تحسين بألم
أسيل تحاول تخفي تعبها عن ملاك<<: لا مافيني شي بس تعبت من المشي
ملاك: تعالي أجلسي بسرعه
أسيل جلست تحاول تنظم تنفسها من التعب<<
ملاك والخوف وصل حده<<: أسيل عطيني جوالك بادق على سعود
أسيل تتكلم بتعب<<: خذي بس لا تـ... آآآه
ملاك تقوم لأختها وهي متروعه<<: شفيك وين تتألمين
أسيل بهمس<< : بسرعه دقي على سعود
ملاك أخذت الجوال وهي تبكي وأتصلت على سعود بس الجوال خارج التغطيه<<: ياربي مافيه إرسال
أسيل: ملاك بليز تصرفي موب قادره أتحمل
>> والناس صارت تناظرهم لأن حالهم يلفت الأنتباه>>
ملاك موب عارفه تتصرف تناظر الناس اللي حولهم وتناظر أختها اللي فجأه جاها الألم<<
أسيل بصوت أعلى<<: آآآآه
جاتهم حرمه<<: عسى ماشر
ملاك وهي تبكي<<: أختي مدري شفيها واللي يرحم والديك ساعديني


:سعـــــــاااااد
سعاد: نعم ياخوي بسرعه خلينا نودي البنت المستشفى
: يالله بسرعه قوموها عجلو
سعاد رجعت لملاك>>: يالله خلينا نوديها المستشفى
ملاك بخوف>>: هااا
لا لا هالحين أشوف أبوي يـ..
يقاطعها صوت أسيل وهي تتلوى من الألم<<: آآآه موب قادره
ملاك ترجع برايها<<: يالله واللي يسلم عمرك


شالوها سعاد وملاك عالسياره
وراحو للمستشفى



أسيل في غرفة ومعاها الدكتوره<<
وملاك هالكه حالها من البكي<<
سعاد: خلاص يابنتي أرحمي حالك مابها الا العافيه
ملاك تبكي<<: يارب قومها بالسلامه يارب
وتتصل على سعود عشان يجي لهم المستشفى<<: الووو
سعود بخوف لأن صوت ملاك رايح من البكي<<: أسيل فيها شي
ملاك: بسرعه تعال أسيل تعبت وحنا في لمستشفى

وبعد ماقالت له اي مستشفى وفي اي قسم...
سعود: خلاص انا جاي
ملاك : يارب يارب انك تلطف فيها يارب
يارب انك تقومها بالسلامه






ومن جهه ثانيه...
: ها حاولتي تسكتين البنت.؟؟
سعاد: والله ياخوي حاولت فيها بس ماكو فايده البنت خايفه على اختها لانها حامل
: لاحول ولا قوة الا بالله





وشوي الا تطلع الدكتوره وتتوجه للرجال: انت زوجها ؟؟
: هاااا لاااااا هذي اختها >>وياشر على ملاك

 
قديم   #4

حكايةإحساس


رد: حطموك يا قلبي كاملة


حطموك يا قلبي كاملة


تروح الدكتوره لملاك..
ملاك: ها يادكتوره بشريني عن اختي
الدكتوره: والله مابي اكذب عليك بس حالتها حرجه ولازم زوجها يجي عشان يوقع للعمليه
ملاك زاد خوفها>>: عمليه ليه اختي شفيها
الدكتوره: لازم نعمل لها عمليه قيصريه لان اذا ظل الجنين فتره زياده في خطر عليه وعليها
يعني لازم زوجها او اي احد يوقع موافقه على العمليه
ملاك وهي تبكي>>: هالحين بيجـ...
وتلتفت الا تشوف سعود وابوها متوجهين ناحيتها..>>> اشرت عليهم
هذا زوجها وصل


الدكتوره راحت ناحية سعود تفهمه بوضع اسيل<<
وملاك من شافت ابوها راحت حضنته وتبكي>>: يبه اسيل تعبانه كثير
ابوفيصل: لا تخافين يابنيتي مابها الا العافيه انشالله
ملاك تبكي<<: يارب


سعاد تلتفت لاخوها..
سعاد: شوف اهلها وصلو
اخوها تفاجأ : معقووووووووووووول

جالسه في الصاله وتكلم في التلفون<<: هي دايما كذا كل مره تعيد وتزيد في هالموضوع
مرام: ليه شتقول هالمره
البندري: تبيني اترك ريماس
مرام : حلوووووه وليه انشالله
البندري: الجازي دايماً كذا هذا منطقها تقول اني بخون دحومي مع ريماس
مرام: هع هع شدعوه عبدالرحمن مايدري
البندري: المهم ماعلينا رحتي شريتي لك ملابس للحفله
مرام : اي حفله
البندري: حفلة خطوبتي يالذكيه
مرام: اييييييييييييوه صحيح ذكرتيني بروح الحق على بندر عشان نمر على جودووو ونروح السوق
يالله فحطي
البندري: جين باااااي




سكرت البندري وراحت تكلم صديقاتها في الماسنجر























نرجع للمستشفى..


تقدم الى ابو فيصل : شلونك ياعم بو فيصل
التفت ابوفيصل له وتفاجأ منه: نواااااااااااااااااااف


>>ملاك من سمعت اسم نواف دارت وطاحت عينها بعينه وتذكرت يوم يشوفها بالصدفه دق قلبها بسرررررعه من سمعت اسمه<<
انتبهت على نفسها ونزلت راسها وابتعدت شوي عنهم<<
ابوفيصل: يعني انت اللي جبتهم هنا كثر الله خيرك ياولدي ماقصرت لولا الله ثم انت كان بنتي مادري شصار حالها
نواف: لا ياعم هذا واجبي وانا تفاجأت لما شفتك هنا اثاريها بنتك
انشالله تولد بالسلامه
ابوفيصل: الله يسلمك





ومن جهه ثانيه تقربت سعاد من ملاك>>: ها هديتي هالحين
ملاك وتفكيرها بنواف>>: هاااااا ايوه
سعاد: تعالي اجلسي
ملاك وتفكر >>>لايكون هذي زوجته <<<: مشكوررره
سعاد تحاول تنسي ملاك الظرف اللي هي فيه وتخليها تنطلق معها بالكلام>>: ايش اسمك
ملاك: أأأأأأأ ملاك
سعاد: ماشالله عاشت الاسامي عاد تصدقين خطيبة اخوي اسمها ملاك
ملاك: اخووووك؟؟
سعاد: ايوه هذاك اللي واقف مع ابوك
ملاك ارتبكت>> : أأأأأ عن اذنك بروح الحمام
سعاد ماتوقعت سبب ارتباكها انها ملاك خطيبة نواف>>: اذنك معك حبيبتي
ملاك ماسكه قلبها تحس ان اللي حولها يسمعون دقاته>>>اااااه ياربي انا كل المواقف المحرجه تصير لي معه<<<


ودخلت دورة المياه شالت النقاب عشان تغسل وجهها بالمويه بعد البكي اللي بكته
ناظرت نفسها بالمرايا >>> ياحلووووووووه يجنن ماتوقعته شخصيه رووووووووعه

وضحكت بصوت مسموع شوي >>ههههه يابختي

شوي الا تذكر اختها<< يوه الله يهديني بس نسيت اختي
تلبس نقابها وتطلع تجلس مع سعاد>>: تاخرت عليك
سعاد: لا عادي
ملاك: مشكورين تعبناكم معنا
سعاد: اخوي نواف حس انه فيكم شي موب طبيعي فخلاني اشوفكم
ملاك: ماقصرتو والله
سعاد: ماعملنا الا الواجب
ملاك: الا صدق ماقلتي لي ايش اسمك
سعاد: هههه سعاد
مومشكله مابشره عليك انك توك متذكره اسمي معذوره
ملاك تبتسم لها

^
^
^
^
^
^
^
^
^

مر الوقت عليهم ببطء شديد
>>ملاك تجلس شوي وتقوم شوي وسعاد تحاول تلهيها
ونواف يهدي ابو فيصل اللي القلق واصل حده عنده<<
>>وسعود يفرك ايدينه ببعض ورايح جاي






لين طلعت الدكتوره: مبروووووك ولد
سعود والابتسامه مافارقت وجهه>>: طيب اسيل بشريني عنها
الدكتوره: لا الحمد لله ماعليها شر بس بنخليها عندنا كم يوم ترتاح
سعود: الله يبشرك بالخير
ويلتفت لعمه ابو فيصل وحضنه>>: صرت ابو ياعمي صرت ابوووو ههههههه
يتقدم نواف: الف مبروك يتربى بعزكم
سعود يسلم على نواف>>: الله يبارك فيك ولك الفضل بعد الله بسلامتهم
نواف: لا تقول كذا كلنا اخوان ولازم الواحد يساعد اهل ديرته
سعود: تسلم




ملاك من زود فرحتها ضمت سعاد بكل قوتها>> : اختي ولدت صرت خاله هههههههه
سعاد: هههههههه الحمدلله على سلامتها
ملاك: الله يسلمك
بروح اشوفها
ملاك تتقدم لابوها: يبه يبه
ابوفيصل : نعم يابنيتي خير
ملاك: يالله نبي نشوف اسيل والنونوووو
ابوفيصل : ههههههههه الله يهديك يابنيتي مابعد فاقت من البنج وزوجها اللي هو زوجها ماخلوه يشوفها بيخلوك انتي
ملاك:آآآآآآآآآآف طيب البيبي ابي اشوفه هالحين
ابوفيصل: هههههههه انتظري شوي يابنتي
ملاك: طيب
باتصل على امي ابشرها اكيد تحاتينا
ابو فيصل: ايوه احرقت الموبايل علينا
ملاك: هههههههه
وتروح الا تذكر شي >>> يوووووووه نسيت
ابوفيصل: ايش بعد
ملاك: ههههه سعود ماباركت له
ابوفيصل: ههههههه روحي باركي له
تتقرب شوي من سعود وبصوت اقرب الى الهمس>>: مبروك ياسعود
سعود: الله يبارك فيك وانتي بعد اكيد فرحانه صرتي خاله
ملاك: اكيد
نواف من سمع صوتها وهو يتفدى فيها >>>يالبى قلبها ايش هالصوت العذاب
اذوب انا بهالصوت
>>شفيك يانواف من هالحين تتغزل فيها وهي لسى ماوافقت عليك اجل لو وافقت ايش بتعمل<<<

ملاك>>: آآآآآآآه يازينه
يوووووووووووووووووه
اروح اكلم امي احسن لي


وتتصل لامها تبشرها بولادة اسيل..



وبعدين رجع كل واحد بيته بدون مايشوفو اسيل لانها تعبانه بعد العمليه ومافاقت ومن الصبح بيرجعون لها<<<












: تدرين منو اللي كنا معهم
سعاد: وانا ايش بيعرفني منهم
نواف: هههههه اهل خطيبتي
سعاد فتحت فمها متفاجأه>>: يعني ملاك اللي في المستشفى هي نفسها ملاك اللي...
نواف: اي نعم ههههههههههه
سعاد: وانا اقول ليه ارتبكت لما قلت لها اخوي خطيبته اسمه ملاااااااك اهاااااااااااا
نواف: هههههه ارتبكت اكيد اكيد وافقت اكيــــــــــــــــد
سعاد: الله يعينك ياخوي على رومانسيتك الزايده






















>>جالسه تناظر السقف تفكر باللي صار اليوم
:ماشالله شهم من لما شاف حد محتاج مساعده جا يقدم مساعدته هذا اللي كنت احلم به



>>يوووووووووووه اشفيني اليوم كله افكر فيه
ياربي ياليت انه موب متزوج




آآآآآآآآآآآآآآآآآآآآآآآف شكلي بعيد حساباتي وافكر بالموضوع بشكل جدي اكثر



















معطيها ظهره ويظاهر انه نايم وهو اصلا جالس يفكر فيها>>
: اكيد تفاجأت لما شافتني ماتوقعت انه انا هههههه متى تكونين لي ياملاك متى بس
عذبتيني معك ارحميني شوي تراك طولتي كثير



شفيني صاير مراهق افكر كذا
بس انا عندي حساس انها ملاكي انا موب غيري

 
قديم   #5

حكايةإحساس


رد: حطموك يا قلبي كاملة


حطموك يا قلبي كاملة


من الصبح ...
أبوفيصل/ أم فيصل/ ملاك/ سعود
متوجهين للمستشفى..

دخلوا إلى قسم الولاده ومروا على المكان اللي صارت فيه أحداث أمس

ملاك وقفت ورجعت بذاكرتها شوي تتنهد<<: آآآآه
أم فيصل: ملاك أشفيك وقفتي
ملاك ودقات قلبها تتسارع : هااا لاولاشي يمه
أم فيصل: يالله حبيبتي أمشي معي
ملاك تمشي وتفكيرها كله مع نواف>>
وفي الوقت نفسه تلوم حالها أنها من البارح ماوقفت تفكير فيه<<

وصلوا الغرفه الموجوده فيها أسيل...
ملاك من شافت أختها كان ودها تروح وتحضنها بس أنتبهت لوجود سعود اللي راح سلم على زوجته وباسها في خدها وراسها وبعد عنها شوي عشان أهلها يسلموا عليها<< على فكره اسيل وملاك موب خوات وبس صديقات بعد وكل وحده سرها عند الثانيه<<


أم فيصل: حمدلله على سلامتك يمه
اسيل : الله يسلمك
أم فيصل: شلونك هالحين
أسيل: تعبانه شوي
ام فيصل: الله يعطيـ.....
تقاطعها ملاك بصوت واطي: يمه بعدي شوي أبي أسلم عليها
أم فيصل: طيب طيب ذبحتينا بحنتك من البارح
ملاك تتقدم لأختها: شسوي كل يوم بصير خاله أنا
وتبوس أختها: حمد لله عالسلامه حبيبتي
اسيل تبتسم: الله يسلمك
ملاك بمزح: مع أن يبيلك تكفيخ
سعود: شدعوه وأنا موجود تهددين زوجتي
ملاك أستحت وسكتت>>
أسيل تضحك: أشوفك سكتي والا لسانك الطويل بس علي
ملاك تقرص أسيل في أيدها: آآآي
ملاك: تستاهلين
أسيل : أجل وين أبوي
سعود: راح يشوف الولد بعدين بيرجع يشوفك
أسيل: الله لنا هالحين ولدي أخذ كل الأهتمام
أم فيصل: يابنتي مافي أعز من الولد الا ولد الولد
ملاك: تغارين من ولدك أنتي ووجهك
أسيل تدلع: أيوه أغار بس مو من ولدي
سعود: خلوها تدلع هاليومين على راحتها
يالله حبيبتي تبين شي
اسيل: وين
سعود: بشوف ولدي
أسيل: طيب
سعود يتجه للباب بيطلع: عن أذنكم
أم فيصل وأسيل: أذنك معك
أسيل تنتبه لملاك: شفيك سرحانه
ملاك: ولاشي بس بغيتي تذبحيني من الخوف البارح
أسيل: إلا صدق متى سعود راح لنا المجمع
ملاك : مالت عليك ومن قال لك أنه سعود
ناس شافو حالتنا حاله جو ساعدونا
أسيل: والله مانتبهت ولادريت عن الدنيا صدق فشله
أم فيصل: أهم شي أنك ولدتي بالسلامه
وكثر خير اللي ساعدوكم
ملاك تمزح معها: فشلتيني آخر مره أطلع معك
يرجع سعود يدخل الغرفه: عمتي ماودك تشوفين ولي العهد
أم فيصل تقوم: أكيد بقوم هذا ولد الغاليه وأول حفيد
وبعد ماطلعوا...
أسيل والفضول ذابحها: إلا ماعرفتو مين هم
أسمهم عايلتهم اي سي عنهم
ملاك ودقات قلبها تتسارع وبهمس تقول: نواف
أسيل : أي نواف
ملاك: نواف ولد راعي الشركة اللي يشتغل فيها أبوي
أسيل توها تستوعب: أهاااا نواف خطيبك
ملاك صارت ترتجف: مابعد صار شي
أسيل : طيب ليه كل هالأرتباك شفيك موب على بعضك
ملاك: مافيني شي
ملاك تحاول تضيع السالفه<< إلا ماقررتو باسمه
أسيل: لسه محتاره بــ..باسل أو ماجد
ملاك :باسل أحلى ولو أنا منك أسمي ولدي من الشهر الأول من حملي
أسيل بخبث:أشوفك مستعجله على الزواج
ملاك أرتبكت: هااا أنا بس كذا أقو...
يقطع كلامهم صوت طق الباب:
ملاك في داخلها: أشوه
أسيل: قومي شوفي مين
ملاك تقوم تفتح الباب من شافتها صار وجهها أحمر>>
: السلام عليكم حمدلله على السلامه
ملاك: الله يسلمك تفضلي
تدخل الحرمه الغرفه تسلم على أسيل<<
: حمدلله على السلامه
أسيل باستغراب: الله يسلمك تفضلي أرتاحي
: الظاهر ماعرفتيني
اسيل : لا والله ماعرفتك
ملاك بهدوء:هذي سعاد اللي جابتنا هي وأخوها المستشفى
أسيل أستحت:ياهلا مشكورين ماقصرتو
سعاد: ماعملنا إلا الواجب
أسيل: تسلمي والله
سعاد: إلا الوالده وين
أسيل: هالحين تجي راحت تشوف الولد
ملاك حست على دمها وقامت ضيفت سعاد لأنها من الربكه موب عارفه أيش تعمل<<
ولما قدمت لها العصير شوي ويكب عليها لوما الله ستر>>
وأسيل ماسكه ضحكتها>>


وتدخل أم فيصل الغرفه: السلام عليكم
: وعليكم السلام
وتقوم سعاد تسلم عليها: مبروك ماجاكم
أم فيصل: الله يبارك فيك
بس مسامحه ماعرفتك
سعاد: أنا سعاد أخت نواف الــ.....
أم فيصل: ياحيالله من جانا
سعاد: الله يحييك
أم فيصل: تعبناكم معنا
سعاد: شدعوه الناس للناس
وتناظر ملاك<< وانشالله عن قريب نصير أهل فمافيها تعب أو أحراج
ملاك صار وجهها علبة ألوان وطلعت بدون ماتستأذن حتى>>
سعاد أنتبهت لها وأبتسمت في داخلها :ماشالله عليها تستحي



نواف كان واقف بره مع سعود:
وتمر جنبهم ملاك عشان بتروح لولد أختها
من شافها نواف قزها من فوق لتحت: آآآآآه متى تحنين علينا وتوافقي
هذا تغلي أو دلع
أما ملاك مانتبهت له لأنه أصلآ صار دايم في بالها


%%%%%

: آآآه يايمه شوفي لي حل
أم شيماء: ماعليك منه مجرد كلام
شيماء على وشك تبكي: هالمره غير أحسه جاد في كلامه وبيتزوج علي
أم شيماء: ياهبله خذيه بالكلام المعسول أظنك تعرفين هالحركات ماله داعي أفهمك أكثر
شيماء: ماقدر أحس أني بموت من القهر
أم شيماء: بسم الله عليك أنشالله اللي بيآخذها
شيماء من قلب: آآآآآآآمين
أم شيماء: أنتي قوي عزيمتك وبتنتصرين بالنهايه
شيماء بخبث:رايك كذا
أجل من اليوم ببدأ
أم شيماء : أعرفك تربيتي
شيماء: هه المسكينه هي اللي جابته لنفسها بتندم على اليوم اللي جابتها امها فيه
ام شيماء: شوفي أنتي حاولي وأن ماجابت محاولاتك نتيجه سنعه بأضطر أتدخل
شيماء: طيب نشوف
أم شيماء:الا وين العيال
شيماء: شدراني طلعو
أم شيماء: طلعو..!
بلاك موب صاحيه كيف عيالك يطلعون من البيت بحالهم وأنتي موب داريه عنهم
شيماء بلا مبالاة: أوووه يمه لاتبدين لي بالنصايح
أم شيماء : بترفع ضغطي هالبنت
صيري سنعه ذبحتيني
شيماء: ليه يمه شايفتني موب سنعه
أم شيماء: سنعه الطل بعينك
شيماء: آآآآآف
أم شيماء تقوم تآخذ عباتها بتطلع: أروح لبيتي أحسن لي الكلام معك مايفيد نهائيآ
شيماء: يمه لاتزعلين مني
أم شيماء بعصبيه: سكتي ولا كلمه باروح لايجيني شي منك
اذا فيك خير وريني شطارتك ولاتنسين تعطيني الأخبار بالتفصيل
شيماء: أنشالله
وتطلع أمها أما شيماء تجلس تفكر بأول مخططاتها
راحت غرفتها وكشخت
جهزت نفسها وحطت لها ميك آب يناسب للسهره وطلعت للصاله تنتظره
لقت عيالها تو راجعين من برا
خلتهم يروحو غرفتهم ينامو

جلست حتى الساعه11>>
سمعت الباب يفتح وقفت وأبتسمت أستعداد لمخططاتها<<
دخل نواف الغرفه وشافها بكامل أناقتها تقربت منه وباسته : وحشتني
نواف ساكت متعجب من إللي يصير لكنها ماعطته مجال يفكر لأنها سحبته من إيده وجلسته على الكنبه
وهو يناظر فيها ببرود: شالمناسبه
شيماء بخبث: ليه لازم يكون فيه مناسبه عشان نجلس مع بعض
نواف يتوجه لغرفة الملابس يبدل: موب في العاده
شيماء راحت وراه ومسكت يده: موب عيب أو حرام أعمل لك جو ونعمل شي جديد في حياتنا بدل الروتين اليومي الممل
نواف: ودي بس أنــ... سكت شوي لايفضح مشاعره ويطلع كل اللي مخبيه في قلبه
شيماء تداركت الموقف: وحطت راسها على صدره حبيبي بليز

>>نواف يناظر فيها وهو يفكر آآآه أشتقت لك ياشيماء وأشتقت لهذيك الأيام
ودي أنسى بس مقدر
لكن يمكن تتغير وتتعدل تصرفاتها
و مــــــــلاك ..؟
ملاك لي وشيماء لازم تقتنع
أوووه يانواف كفايه تفكير

طلع لغرفة النوم وهي وراه: ألبسي عبايتك نروح نتعشى برا >>مايحب يكسر خاطر احد<<
شيماء تبتسم بخبث لان اول مخططاتها نجحت راحت تلبس عبايتها وطلعو يتعشو ومارجعو إلا الساعه 3 الفجر>>
دخلو الغرفه وشغلت أغنيه مصريه وقامت ترقص له وهي تعرف زين مفعول الرقص عند نواف<<
قام يرقص معها وناسي كل من حوله إلا شيماء ******
ومادرى باللي سهرانه تفكر فيه>>>


%%%%%


#أنا ماكنت أحسب أن القلوب الساهيه تشتاق#
#ولا كنت أحسبك في يوم تجي وتحرك أشواقي#

 

أدوات الموضوع



الساعة الآن توقيت السعودية الرياض و الدمام و القصيم و جدة 08:06 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0