اسرار البنات مشاكل وحلولكلام من القلب للقلب
يوجد هنا كلام من القلب للقلب هنا توضع نصائح عامة للبنات وحلول مسبقة لبعض المشاكل اللتي ربما يقعن فيها خلال مسيرة حياتهم وكذلك يستطعن وضع مشاكلهن للبحث عن حلول
مرحبا يا صبايا يا حلوين
من خلال قراءتي لعدة مواضيع لاحظت نسبة كبيرة من البنات المخطوبات أو حتى المتزوجات بيشتكوا من عدم محبتهم لرجالهم
وشكاوي متل (مو هي الشخصية إلي بتجذبني أو عندو الطبع الفلاني ) ومن هالكلام
يااااااا بنات كل هالأفكار دخيلة على مجتمعنا وثقافتنا من العالم الغربي ولاعتقاد الكثيرات إنو مو ممكن نحب إلا قبل الزواج
يعني لازم البنت تمر بحالة حب عاصفة حتى تقول هاد هو الشخص إلي بدي إياه وللأسف هاد المفهوم من أساسه غلط
إنتو بتعرفوا يا بنات إنو أغلب حالات الطلاق إلي بتحصل بتكون بين الأزواج إلي تزوجوا عن حب ؟
طبعا لأنو ما بني على باطل فهو باطل ولأنو كل طرف بكون متوقع من الطرف التاني عدة تنازلات باسم الحب
وبعدين الحب بيخفي كتير من عيوب الآخر والحياة العملية بعد الزواج مختلفة كليا عن الحب حتى لو كان موجود قبل الزواج
بمعنى انو الي بيتزوجوا عن حب سابق بعد الزواج بيرجعو كانو ما بيعرفوا بعض بسبب انو كل واحد فيهم بيظهر على حقيقته وبتظهر طباعه المخفية
يا بنات أنا ما قلت إنو الحب مو موجود طبعا موجود بس الحب لازم يكون بالعقل والقلب سوا هيك بكون متين جدا وصعب ينكسر تحت أي ظروف
لاحظوا قول الله تعالى في محكم التنزيل: { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم
لاحظوا كلمة مودة ورحمة بتعرفوا ليش؟ لانو المودة درجة من درجات الحب أعلى من الحب نفسه
يعني رب العالمين كفل زرع المحبة في قلوب الطرفين
بس بقي علينا نصفي النوايا ونتوكل على رب العالمين وندور على أمور أسمى في شخصية الخاطب أو الزوج أهمها إنو يعرف ربنا منيح وقديما سأل أحدهم الحسن البصري (لمن أزوج ابنتي) قال له: (لاتزوجها إلا لتقي إن أحبها أكرمها وإن كرهها لم يظلمها)
حبيباتي معليش طولت عليكم بس بتمنى تكونوا فهمتوا القصد من الموضوع وبتمنى كون فدتكم
موفقين جميعا
08-19-2015, 11:25 AM
#2
ام بسومه التميمي
رد: كلام من القلب للقلب
كلام من القلب للقلب
للرفع
08-19-2015, 10:12 PM
#3
فتاة الرومنسية
رد: كلام من القلب للقلب
كلام من القلب للقلب
يعني كل الي رح يتزوجوا عن حب بتنتهي العلاقة الي بينهم بالطلاق؟؟؟؟؟؟؟؟؟؟؟؟؟
والله خوفتيني
08-19-2015, 10:30 PM
#4
لولو حلوه
رد: كلام من القلب للقلب
كلام من القلب للقلب
كلام رائع
08-20-2015, 11:23 PM
#5
ام بسومه التميمي
رد: كلام من القلب للقلب
كلام من القلب للقلب
انا اقصد ان الحب المبنى ع الحرام حب محرم والي ليسى ماتزوجو يصبرو من صبر نال