 |
  |
|
|
|
11-04-2009, 09:08 PM
|
#1 |
|
:: كاتبة جديدة :: |
السلام عليكم ورحمة الله وبركاته
انا مخنوقة اوووووووووى وبجد محتاجة اتكلم مع حد ومفيش حد فاهمنى انا مخطوبة بقالى شهرين ونص وفرحى كمان شهرين او تلاتة واتكتب كتابى من شهر ونص وانا وخطيبى هنتجوز جواز تقليدى يعنى جواز صالونات بس الحمد لله حبيته اوووووى وحسيت انى بعرفه من زمان وبقيت بحبه اكتر من نفسى وهو من كتر حبى ليه حبنى وبيقول انه بيحبنى اوووووووووووى بس انا فيه اوقات بحس انه مش بيحبنى مش عارفة ليه مع اننا كنا متفقين اننا هنكتب الكتاب فعيد الاضحى لكن هو رفض وقالى من شهر ونص احنا هنكتب الكتاب علشان اثبتلك انى بحبك وانا حاسس ان دى حاجة هتفرحك وانا مش عارف اعملك ايه علشان اسعدك وفيه اوقات تانية بحس انه معقد هو مضغوط اوووووووووووى فالشغل وهو حساس جدا وبيتاثر وبيزعل من اى كلمة بحاول انى اخفف عنه لكن مفيش فايدة وقولتله كان نفسى انى اكون حاجة حلوة فى حياتك واقدر اثر فيك واسعدك قالى الظروف اقوى منى ومنك انا بصراحة مش عارفة اعمله ايه علشان يخرج من حالته النفسية اللى هو معيش نفسه فيها دى بيقولى ان هو اتعود على المود ده وبيقولى اتعودى انتى كمان قلولى ازاى اتعود على النكد ازاااااااااااى انا خلاص تعبت بصوا هو انسان كويس جدا ومن اسرة محترمة جدا واهله الحمد لله الحمد لله بيحبونى اوووووووووووى وانا كمان بحبهم لانهم طيبين جدا لكن مش عارفة اعمل ايه مع خطيبى اعتبرونى اختكم وانصحونى وقلولى اعمل ايه انا بحبه |
|
11-05-2009, 12:05 AM
|
#2 |
|
|
رد: والله تعبت
13 دخلوا الموضوع
ومفيش ولا واحدة من 13 عندها حل لمشكلتى بجد انا تعبت حد يساعدنى |
|
11-05-2009, 12:10 AM
|
#3 |
|
|
رد: والله تعبت
لا ان شاء الله فى حل بصصى الرجاله غير الستات انا زوجى كان بنفس صفات جوزك ولعلمك انا كمان اتجوزت جواز صلونات لكن لو بصيتى على اسمى تعرفى انا حالتى ايه مع زوجى ماشى بصى ياقلبى اعملى كل اللى فى جهدك عشان تخرجيه من النكد اللى انتى بتتكلمى عليه ده وبعدين انتم الايام دى اكيد فى ضغط رهيب عشان الجواز معلش بعد الزواج كل شئ هيتغير وارجو انى اكون افدتك |
|
11-05-2009, 12:37 AM
|
#4 |
|
|
رد: والله تعبت
ربنا يوفقك ياحبيبتى انتى وجوزك ويهنيكم كمان وكمان
وميرسى ياقمر على اهتمامك وردك بس بجد مبقتش عارفة اعمل ايه |
|
11-05-2009, 12:41 AM
|
#5 |
|
|
رد: والله تعبت
واصبر وما صبرك الا بالله
وان الله مع الصابرين ويجعل الله بعد عسرا يسرا ربنا ان شاء الله هيعطيكى على اد صبرك |
والله تعبت