رد: $قصة ريما ونواف قصه رومنسيه سعوديه$
 

--------------------------------------------------------------------------------

: : :

العم ابو نواف كان مسوي عزيمة كبيرة بمناسبة رجوع نواف لريما في المخيم الي بالبر الكل راح العصر الساعة 5 (وبما ان الاخوان مرة مرتبطين بعضهم ابو ريما وابونواف وابو عبد الرحمن فالكل يطلع )


ريما لبست تنورة رصاصي برمودا وعلى الخصر ربطه حرير لونها فسفوري اخضر فاتح مرة كلها ترتر والبلوزة كانت لونها فسفوري وفيها بالوسط طبعة ورده كبيرة مخمل لونها رصاصي وفيها ترتر خفيف ..لبست ربطة شعر كانت لونين فسفوري ورصاصي مموج بعضها بعض وكانت مجعده شعرها صايره ستايل!!


جلست مع الحريم الي كانوا في قسم الحريم والرجال طبعاً في قسم الرجال الكل كان حاضر وموجود.. ريما وهنوف ونوف كانوا جالسن يشبرون عصايرهم ويسولفون
نوف:هنوف تكفسن قولي لفيصل نبي نتمشى الجو روعة!!
هنوف:هاهاهاهاها قال فيصل قال اقول فكينا منه..انا طالعه ابي اشم اوكسجين تذكرني بفصيل هذا
ريما:ليش؟قولي له مها وعبودي نفسهم يطلعون يتمشون اكيد بيوافق!!
هنوف:ماراح يوافق اخوي نذل ههههههههههه
ريما:ههههههه جربي ماراح تخسرين شي
نوف:ايه تكفين يالله عا111111111د
هنوف تتغلى عليهم:بس انا جوالي مافيه رصيد بح!!
نوف:فدوه لك جوالي وصاحبته بس انتي اتصلي...
ريما:يالله عاد هنو مافيه اعذار ..امس امطرت واكيد المناظر برى جنان!!
هنوف: طيب طيب!!ياربي الله يستر منك يافيصل<<مسوي رعب

هنوف:الو فصولي؟
فيصل عند الرجال:هلا
هنوف: ممكن اطلب طلب..موبس انا كل الحضور<تخيل انها مع اغنيه راشد
فيصل:وش تبين؟
هنوف:انا والبنات وطبعاً الغالين مها وعبودي نفسنا نتمشى الجو روعة هاه وش قلت؟
فيصل:الا على فكرة الحين كلنا بنطلع نتمشى الرجال والحريم من شوي خالي ابو عبد الرحمن قال اننا بنطلع نتمشى مع الحريم والبنات الجو حلو والمناظر روعه
هنوف:احللف..ياحياتي ياخالي اذا شفته ابغى ابوسه على راسه..
فيصل:هههههههههههههههه يالله قولي للحريم يتجهزون
هنوف:طيب كم السيارات الي بيروحون؟
فيصل:انتي وش عليك؟الحين مالك الاتروحين وتمشين
هنوف:طيب طيب لاتهاوشني..دايم ماتكملها هالمعاملة الزينة الا تختمها بهوشة
فيصل:سلام سكر الخط

هنوف قالت للبنات ولحريم الكل لبس عباته ومها وعبودي حالتهم حاله مبسوطين يحبون السيارة مرة ..

طلعوا الحريم من المخيم..والرجال كان برى..طبعاً ابو نواف جلس ومحمد وعبدالرحمن جلسوا معاه ماحو يتركونه لحاله لان الجميع راح وخلاه

سيارة ابو ريما كانت فيه العمة نورة وام ريما وام نواف وام عبدالرحمن (السيارة صغيرة لكزس)
سيارة فيصل كانت فيه هنوف ونوف ومها وعبودي (بعد سيارته صغيرة مكسيما)
سيارة نواف مافيها احد..

ريما جت متأخرة لقت الكل راكب السيارات راحت اتصلت على هنوف وقالتها لها انها بسيارة فيصل مع نوف والبزارين فتحت الباب لقت ماتكفي السيارة عصبت وسكرت الباب

راحت لسياراة ابوها كانت ملسانة ولافيه مكان وقفت مكانها وهي معصبة..!!
فجأءة سمعت صوت يناديها ريما ريما!!
التفت لاقته نواف..
اتصل عليها
نواف:هلا وغلا بالريم..
ريما بصوت متقطع من الحيا:هلا
نواف:وراك ماتركبين؟
ريما سكت ماتدري وش تقوله:مدري مليانات
نواف:افا ياريما الحين سيارتي فاضية مافيها احد وزوجتي واقفة تبي تركب ولا تلاقي احد؟
ريما متفشله
نواف:الو ريما؟ معاي؟
ريما:ايه معاك على الخط
نواف:تعالي يالله استناك!!
ريما:لانواف والي يسلمك فشله اركب معاك
نواف:وش فشلته اقولك تعالي
ريما:لا ماراح اركب معاك..
نواف:يعني بتزعليني ؟
ريما:لا مايهون علي زعلك..بس وربي مقدر اعذرني نواف تكفى
نواف:طيب مع السلامة<<زعلان

نواف نزل من سيارتة وراح لسيارة عمة ابو ريما..وقف عند النافذة
نواف:هلا عمي
ابو ريما:هلا فيك..وراها ريما واقفه في مكانها ماتركب
نواف:عمي شوف لبنتك هذي..مالقت مكان مع البنات بسيارة فيصل وانا زوجها سيارتي فاضية اقولها اركبي معاي تقولي مابي....
العمة نورة:هذي هي ريما تستحي من ظلها
نواف: بس مو مني تستحي
العمة نورة:الا انت السبب الرئيسي في الحيا
نواف:هههههههههههههه يالله عمي تكفى قولها تركب معاي الجو بارد
ابو ريما:طيب طيب
نزل ابو ريما من سيارته وراح لريما وجلس يهاوشها وهي رافضة نواف جاء مع عمة ريما استسلمت للأمر الواقع وركبت السيارة مع نواف


ومن بعيد لبعيد انواع التريقه في سيارة فيصل البنات على ريما وهو على نواف ...ويضحكون عليهم ضحك موطبيعي...
جت ريما وفتحت الباب الي وراء قام نواف سكرة ...وفتح لها الباب الي قدام ركبت على طول لان انظار الناس كلها عليها..


مشت السيارات كلها وراء سيارة ابو ريما

في سيارة فيصل انواع الهبال ضحك ومزاح مع صراخ البزارين
في سيارة ابو ريما كانت سوالف هاديه
في سيارة نواف (ومادراك عن سيارة نواف)هههههههههههه

نواف كان مشغل اغنية راشد الماجد متكبر علينا (يعني ماودك تجينا يعني متكبر علينا صرت متغير وقاسي...............)
نواف:الريم هاه يعني متكبرة علينا؟
ريما تضحك عليه..
نواف:فديت الضحكة انا..
ريما:نواف خلاص عاد
نواف:يالبى قلبه الي عصب
ريما:اوف
نواف:ههههههههههههههههههههه طيب طيب
نواف الريم..
ريما:هلا؟
نواف:احبك حب صعب اوصف شعوره
عن التعبير يعجز بي لساني
احبك صدق قلبي هو يقوله
ولاجيت اخفيه بعيوني يباني

ريما مدنقه راسها من الحيا..
نواف:الريم هذي الابيات لك يالغلا..
حس ان ريما مستحيه منه..
نواف:هاه ريما انتي للحين هلاليه؟
ريما لاشعورياً بكل جراءة:ايه هلاليه حتى النخاع
نواف:يابعدي انتي والله..ايه كذا مابي زوجتي الا تصير هلاليه
ريما:هههههههههه
نواف: وش رايك باآخر هدف سجله الذيب (لمعلوميه سامي الجابر الاعب لقبه الذيب)
ريما:ياسلام عليه ابو عبدالله تحفة ..الله لايحرمنا من اهدافه وابداعاته..
نواف:انا صراحة مدري وش اسوي اذا اعتزل الذيب آه ياسامي
ريما:ههههههههه شكلك تحب سامي
نواف:بس مو اكثر منك!!
ريما استحت...
نواف:ايه اكيد احبه هذا الذيب..سامي عثرات الهلال.
ريما:الا على فكرة نواف..شفت سامي صار سفير للنواي الحسنة عينوه رسمي..
نواف:والله.ياسلام عليك ياسعادة السفير يستاهل والله..اذا ماخذاها سامي مين ياخذها..
ريما:اقول وقف سيارتك شكلهم بينزلون يتمشون.
نواف:طيب يالله

نزلوا الكل كان حاب يتمشى الجو روعة بارد ومغيم الكل نزل ريما وهنوف ونوف مع بعض والحريم مع بعض..وفيصل وابو ريما
نواف بصوت عالي:ريما تعالي
ريما راحت له :هلا
نواف:ابي اتمشى معاك..ممكن؟
ريما تلون وجهها احمر واخضر واصفر هههههههههه
نواف:هاه وش قلتي؟
ريما: وش بيقولون عنا!! من شوي كنا مع بعض
نواف: مهما يقولون مهما صار مهما تم
انت البدايات وآخر ساحل ومينا
من هرجة الناس للعذال لاتهتم
لو هم يحسون فينا ماحكوا فينا
ريما كانت تحب هذي الاغنية بالحيل ولاسيما ان نواف قايلها..مسك يدها ..
ريما:لا نواف تكفى نزل يدك فشلة وربي..
نواف:طيب انتي مرتي على سنة الله ورسوله كيفهم الناس
ريما عصبت ..نواف مصمم مسك يدها وابتسم لها <ريما ذابت
نواف وهو مبستم:يالله عاد..


ريما ونواف تمشو مع بعضهم ...وهنوف ونوف معصبات على نواف انه اخذ ريما
هنوف:ترى هذا ولد عمك يبي له ضربه
نوف:اقسم بالله رفع ضغطي ياخي توها عنده بالسيارة..
هنوف:والله حتى احنا نبيها مو بس هو
نوف:لا شوفيها هي مايعه معاه وحالتها حاله
هنوف:اقول شكله مالي الا انتي وانتي مالك الا انا
نوف:ههههههههههههه يالله خلينا نتمشى لمن ربي يرزقنا بولد الحلال الي يتمشى فينا
هنوف:آه ياقلبي
نوف:هههههههههههههههههههههههههه ه
هنوف:ههههههههههههههههههههههههه ههههههه

ام نواف:ماشاء الله وربي لايقين على بعض
ام ريما:الله يوفقهم ويهينهم ويسعدهم
العمة نورة:ماشاء الله كل واحد احلى من الثاني كيف بيطلعون عيالهم؟؟!!!
ام عبد الرحمن:ايه صادقه ماشاء الله كلهم حلوين ..الله يوفقهم


ابوريما:وينه هذا نواف.؟
فيصل:ههههههههه رايح فيها الولد من شاف ريما
ابو ريما:ههههههههههههههه


نواف: ماكذب يوم قالها طلال الرشيد الله يرحمة
اموت من فرقاك واموت بلقاك
واموت في جورك واموت بحنانك
كل قضاة يموت مرة ويفداك
وانا اموت الفين مرة عشانك
ريما:الله يرحمه..عطست ريما..
نواف:يرحمكم الله..
ريما:يهديكم الله ويصلح بالكم..الجو بارد
نواف:شكلك اخذتي برد

نواف كان لابس فنيلة لونها كحلي وفيها طبعات يد يالون السماوي وبنطلون جينز ازرق وجكيت كحلي جلد..وشعرة خطير ناعم مررة اذا جاء هواء طيرة

نواف فصخ الجكيت ولبسه ريما
نواف:علشان ماتعبين بسببي..يالله خلينا نرجع..
ريما كانت ذايبه مع نواف
ريما:بس شكلهم مطولين يبون يجلسون..
نواف:وش علي منهم..الريم بردت خلينا نرجع انا وانتي..
ريما:تسلم لي وهي تطالع له كان اطول منها مرره طويل
نواف ابتسم لها..

نواف بصوت طويل:ياجماعة انا وريما ماشين..
ابو ريما:وين تونى!!
نواف:لابس الريم بردانه..واخاف تاخذ برد
ام نواف:ههههههههه خذ راحتك يمه..كل شي ولا ريما
ام ريما:هاه ريما وش فيك.؟تعبانة؟
ريما:هههههه لا يمة بس عطست ونواف خاف يحسبني بمرض!!
ام ريما:هههههههههههههههههه

ركبوا نواف وريما
نواف كان بس يطالع بريما
ريما:نواف وش فيك؟لاتطالعني ..انتبه للطريق,.
نواف:كيف ماطالع وكل ذا الزين جنبي..!!
ريما دنقت راسها متفشله من كلامه
نواف:آسف آسف لاتعصبين زلة لسان..
ريما:ههههههههههه ياكثر مايزل ذا السان
نواف:لاتلومينه..


وصلوا ريما ونواف للمخي وكانت بس هي لحالها..بقسم الحريم نواف راح سلم على ابوه واستئذن منه علشان يجلس مع ريما لانها لحالها مابعد جوا الحريم..

ريما كانت تعدل الميك آب كانت ماسكه المرآيه وتحط كحل ونواف جالس يطالعها من بعيد هي المسكينة مانتبهت له على اساس انه راح للرجال
وبعدين تعطرت عطر بريحة التفاح مررة حلوة ريحتة وطبيعية..
نواف دخل عليها وهو يقول :ليه العطر وانتي انفاسك دخون
وليه الكحل وانتي ماغيرك عيون
ريما:بسم الله الرحمن الرحيم..وش فيك رجعت.؟
نواف:ليش شايفة جني؟ خلاص شكلك مليتيني انا بروح
ريما:لا لا وقف تعال نو111111111ف
نواف رجع:نعم؟
ريما:ههههههههههههه زعلت؟
نواف: وبعد تضحكين؟
ريما:ههههههههههههههههههه فديت الزعلان.. بس كنت احسبك عند عمي والعيال
نواف:ماهنتي علي تجلسين لحالك قلت اجلس معاك..
ريما:مشكور وكلك ذوق والله

جلس نواف مع ريما وماطول بعدين جوا الحريم

راح نواف للحريم وفيصل يهاوشه ويتريق عليه ويضحك فيه ..وريما المسكينة ماسلمت من لسان نوف وهنوف..وجلسوا مع الحريم
نوف كانت فاتحة البلوتوث وكان النك حقها !i!i N !i!i
هنوف ماكانت مشغله البلوتوث
ريما # دلوعة اهلها#






الجزء الحادي عشر

الفصل الأول

: : :

عبدالرحمن:محمد ارسلي مقطع التفحيط بلوتوث
محمد:طيب افتح البلوتوث
عبد الرحمن:ياخي فاتحه من سنين طويلة
محمد:ياحبك للمبالغه هههههههههههههه

فتح محمد القائمة ولقى فيه #دلوعه اهلها#
!i!i! N !i!i
ع2006بادي <عبد الرحمن

محمد:عبدالرحمن تعال شوف القائمة الي طلعت لي
عبد الرحمن:ايه هذا حرف n نوف اختي اما دلوعه اهلها مدري والله
محمد:اكيد ريما لانه هي بالواقع دلوعة اهلها هههههههههههه
عبد الرحمن:هههههههههههه

محمد حب يرسل لنوف وكان النك حق البلوتوث محمد ابن سعود<علشان تعرفه
ارسلها اغنية {وينك؟} لعبدالكريم عبد القادر


نوف شهقت:اهئ بنات بنات تعالوا شوفوا
ريما:بسم الله عليك وش فيك؟
نوف:محمد ولد عمي ارسلي
هنوف:ومن وين له رقمك ؟هاه اعترفي
ريما:ياقليلة الادب ههههههههههههه
نوف:اكلتوني انتي وياها ارسلي بلوتوث
هنوف طايرة:وشو؟
نوف:ماني بقايله لك..
هنوف:لا تكفين
نوف:ارسلي اغنية وينك حقت عبد الكريم
ريما:احللفي الاغنية خطيرة يا111111111ي
هنوف:آه ياقلبي كلماتها تحفة ..ايه ناس يرسلها..وناس تكلم خطيبها..وناس تتفرج
ريما:ههههههههههههههههه ياحياتي انتي ..اصبري وان شاء الله بيرزقك ربي ولد الحلال
هنوف:ايه اتريقي علي..
نوف:هيه بنات وش اسوي؟
ريما:لاترسلين له..اثقلي..
هنوف:طنشي..طنش تعش تنتعش
نوف: رايكم كذا..اوكي


محمد عصب منها ومن برودها<<العم متوقع انها ترسل له

نوف:بنات ارسل مرة ثانية..وش رايكم اضغط استلام او لا؟
هنوف:يوه وش ذا الزقه..اشطفيه حطي غير موافق
ريما:لا يابنت الحلال استلميها وطنشيه لاترسلين له
نوف استلمتها بنات...... وكانت اغنية (ناويلك على نية..بس انت اصبر شويه..اذا ماعلقك فيني..وهواك يصير بيديا..ناويلك على نية)حاط اسم نوف
هنوف:هههههههههههههه
ريما:ياويلك الولد ناويلك على نيةههههههههههه
نوف:ههههههههههههههه

طبعاً محمد استحى شاف الرجال كلهم يطالعون فيه..لانه كان بس عيونه في جواله..دخل جواله في جيب البنطلون ..نواف:محمد وش فيه جوالك؟ الي بس مبق عيونك عليه
عبد الرحمن:نواف انت وش دخلك بالولد؟
محمد:اه ياعبد الرحمن هذا بلشة ماشفت شي بالبيت..ينشب لك في الحلق..
نواف:طيب انت وياه شغلكم عندي ..بس مو قدام الرجال


سهروا البنات وانبسطوا مع الحريم سوالف وضحك ومزح...وبعدين الكل رجع لبيته حدود الساعه 2 باليل..

: : :

جاء رمضان...وريما كانت مشغولة بدراستها لان الاختبارات ع الابواب...كانت هي وندى يوم تنام عند خوالها ويوم ندى تنام عندها..ويتصلون على هيفاء بالشرقية..وعلى هنوف ونوف...
ويضحكون ويمزحون معاهم..

ريما:الو هنوف شخبارك؟
ندى اعطيني بكلمها:هلا وغلا باحلى هنوف بالدنيا
هنوف:هههههههههههه هلا ندى شخبارك؟من زمان عنك
ندى:اقول هنوف وش رايكم بكرى تجون عند ريما وتنامون انتي ونوف عندها من زمان عنكم؟
هنوف:والله فكرة خطيرة بقول لأمي وان شاء الله توافق..ادعوا لي ههههههههههه
ندى:لا ام فيصل عسولة ماتوقع ترفض..قولي علشان ندى<عندها ثقة بنفسها
هنوف:ههههههههههههههههه
ريما وتاخذ السماعة:ماشاء الله انتي وياها تتعازمون وفي بيتي المصون هههههههههههههه
ندى باعلى صوتها وتجر السماعة من فمها:ترى هي بخيلة بس ماعليك منها انتي جايه بيت خالك فهد وانا بيت اختي سلمى ههههههههههههههه
هنوف:صادقة ندوش يابخيلة انتي الله يكون بعون نواف
ريما:آه نواف..
ندى:يوه وشوله تقولين اسم نواف الحين تحلم فيه ههههههههههههه
هنوف:هههههههههه الولد مسوي عمايله فيها هههههههههههههههههه
ريما:اقول اسكتي انتي وياها..
ندى:يالله هنو لاتطولين علينا ردي لنا احنا بنتظارك..
هنوف:اوكي دقايق..باي


الثنائي المرح ندى وريما اتصلوا على نوف..و مثل كذا جننوا فيها بالمكالمة ضحك وهواش..وقالوا لها..وافقت ام نوف ..وام هنوف انهم يباتون عند ريما بكرى ولاسيما ان ندوش المصرقعه معاهم..

: : :

جاء من بكرى وبعد الفطور برمضان افطروا ريما وندى وام ريما..لان ابو ريما كان معزوم ع الفطور عن اخوه ابو عبد الرحمن ...وبعدين جلسوا عند التلفزيون يتابعون طاش ما طاش<برنامجنا المفضل ههههههههههه

دخلت عليهم هنوف وندى قمزت من مكانها وسلمت عليها بحرارة..وجت الساعة 10 وجتهم نوف وياهم ازعجوها بالاتصالات

تعشوا البنات وهم يسولفون وحالتهم حالة مع ام ريما.. وبعدين جلسوا قبال التلفزيون(تعرفون برامج ومسلسلات رمضان ماتفوت!!)

ريما:بنات تبون آيس كريم؟
ندى:من شاور ماعطى
هنوف:ايه بليز مس ريوم بدنا آيس كريم ستروبري
نوف: وانا ابي آيس كريم فستق
ريما:وانتي ندوش؟
ندى:ابغى امم امم
ريما:اقول خلصي بسرعة اسلواق يستنى
ندى: اوكي ابغى بنكهة الكوفي
ريما:وانا اكيد توفي

جلسوا يسولفون ويضحكون مع بعض..
ندى: ياحليلة تركي حالتة حاله مشغول بدراسته
ريما: ياحياتي الله يوفقة الطب يبي له دراسة شديدة
نوف:ماشاء الله عليه مزيون ليش مو طالع عليك ندوش؟
ندى:هههههههاي هو مزيون وانا لا اشوف انقلبت الآيه؟
هنوف ساكتة ماقالت شيء
ندى:احم احم نحن هنا وين سرحتي هنو؟
هنوف:هاه لابس معاكم
ندى: وش كنا نقول طيب؟
هنوف: أأأأأأأأأ امم تتكلمون عن اخوك تركي
ندى:طيب شاركينا بالموضوع
هنوف:وش دخلي انا فيه من كثر ماشوفه ولا اتكلم معاه!!
ندى: ههههههه اعصابك اعصابك
نوف:ههههههههههههههههههههه
ريما حست بهنوف انها بدت تعصب
ريما:ياربي بنات وش رايكم بجلابيات انسام الخلف الي بالمسلسل الكويتي!!
هنوف:ايه روعة وخصوصاً هذيك الممثلة مشاعل
نوف:ولا الميك آب حقها حنان دشتي
ندى:الصراحة جلابياتهم مبالغ فيها كلها حوسه والوان صارخة واشياء تلمع مادري احب النعومة

جا الايس كريم
ندى قمزت من مكانها واخذت الكيس من الخدامة
ندى:يالله طابور انتي وياها!!
ريما:ههههههه اقول اعطيني حقي
ندى:الواحد ب15
هنوف: اقول اعطينا الحين بدى يموع
نوف:ههههههههههههههههه

اعطتهم آيس كريم وجلسوا ياكلون ويسولفون..

جت الساعة 3 الفجر!!
ريما:بنات يالله خلينا نصعد لغرفتي فوق نسولف ونضحك وراح اوريكم عندي مجلات شريتهم تحفة فيها مقابلات مع ابو الهش ياهنوف..وانتي يانوف فيه عندي بوستر لياسر القحطاني..وندوش فيه عن توم كروز وليوناردوا و براد بيت..وشاروخان
هنوف:ههههههههه يعني تسوين عروض
ريما: ايه هههههههههه

صعدوا البنات فوق وجلسوا يسولفون ويضحكون ريما جالسه على الكنبة الي بغرفتها مده رجوالها..وندى وهنوف على السرير ويقرون المجلات ويلعبون برجولهم مرة فوق ومرة تحت..ونوف على المكتب يضحكون وصراخهم واصل لتحت..

فجأءة رن جوال ريما وطلع نواف..
ريما قمزت من مكانها
ندى:بسم الله عليك وش فيك..بعدين مين الي متصل بالهوقت؟
ريما:بنات نواف نواف
هنوف:ههههههه انا اقول وش فيها البنت حالتها حالة..
نوف:ردي الحين
ريما:بس اول مرة يتصل ذا الوقت..
ندى:مشتا11111ق ههههههههههههههه
هنوف:ههههههههههههههههههه
نوف:هههههههههههههه


ريما عصبت وطلعت..من الغرفة وردت عليه
ريما:الو؟
نواف صوته متغير:هلا الريم...شخبارك
ريما:هلا فيك..تمام..وانت كيفك؟
نواف:بخير,,
ريما:نواف وش فيك ..وراه صوتك متغير؟
نواف ماشاء الله عليها على طول عرفت ان فيني شي: ايه ياريما..انا شوي تعبان
ريما خافت:وش فيك؟ قولي؟
نواف:لابس انا حاس اني شوي تعبان ومتحاج اسمع صوتك!!
ريما:تعبان يعني وش فيك؟
نواف:لا مو تعبان تعب.. بس تخيلي..اعز اصدقائي سافر آه ياريما مدري وش اسوي احس بلوعة من كنت صغير وهو معاي بالمدرسة..ويوم كبرنا سافرنا كلنا ندرس بامريكا ورجعنا سوى تخرجنا سوى والحين راح لقى وظيفة برى المملكة سافر ............
ريما عورها قلبها عليه كان متضايق: نواف كذا حال الدنيا لكل بداية نهاية..يعني لابد تفترقون مافيه صداقة كذا تدوم لازم فيها عوائق الحين هو بيروح وانتى بتشتغل وبتلهى في شغلك.. كذا الدنيا اخذ وعطاء..تعطيك الصديق الصدوق وتاخذه منك..لاتضايق هونها وتهون
نواف:لا والي ضايقني اكثر تذكرت لحظة وداع
ليت ربي ماكتب لحظة وداع ..
ولافراق ولادموع ولاضياع..
ليت كل الناس خل مع خليله
وكل ماقيل النهاية..
بين الاحباب الرحيل..
قلت احبه حيل..

نواف:لا والي ضايقني اكثر تذكرت لحظة وداع
ليت ربي ماكتب لحظة وداع ..
ولافراق ولادموع ولاضياع..
ليت كل الناس خل مع خليله
وكل ماقيل النهاية..
بين الاحباب الرحيل..
قلت احبه حيل..
ريما:نواف خلاص ..الحين عندك انا بفارق صديقاتي يعني انا بثالث ثانوي وكل وحدة بتروح تخصص يعجبها.. اهم شيء يروح صديقك وهو راضي عنك..ويذكرك بالخير وتذكرة بالخير..واحمد ربك الي فيه الجوال والايميل تقدر تتواصل معاه..طيب تخيل زمان اول مافيه كل ذي الوسائل تنقطع عنه..طيب اذا انت تبيه كذا يانواف ترى احنا نبيك بعد..
نواف:الله لايحرمني منك ومن كلامك الي شافى جروحي..وآسف اني تعبتك معي..وازعجتك يالغلا
ريما:لا وش دعوى نواف..لاتقول ذا الكلام ترى ازعل
نواف:كل شي ولا زعل الريم..


فجأءة تدخل عليها ندى وهنوف ونوف
ندى:او الله ماخلصتي لحد الحين حرام عليك الولد راح يمل منك..عيب استحي..والوقت متأخر..
هنوف:عصافير الحب مابعد خلصتوا؟
نوف:ياربي منه..حتى هنا لاحقني نواف هههههههههههههه


نواف:الو ريما؟وش ذا الصراخ الي عندك؟
ريما:البنات نايمين عندي..
نواف:اوف آسف شكلي ازعجبتك..روحي اجلسي معاهم
ريما:لا انا اساساً طفشت منهم بس صراخ وضحك وهواش
نواف:هههههههههههههه..قولي لهم لايضايقون الريم ولا بجي واكسر روسهم
ريما:ههههههههههههههههه. ياليت!!.خلاص نواف انا بروح لاني ماراح اكلمك بذا الجو المزعج..اوكي!!
نواف:اوكي..والف شكر يالغلا انك خفتي عني همومي
ريما:ماسويت شي..
نواف:يالله تصبحين على خير
ريما:وانت من اهله

سكرت الخط ريما والبنات انواع الضحك عليها والمزح والتريقة..صلت الفجر ونامت وتركتهم وهم يصارخون عليها ويضحكون






الجزء الحادي عشر

الفصل الثاني

: : :

جاء العيد ...ريما تحب تصلي العيد مع امها بالمسجد وراحوا وصلوا العيد ورجعوا..كانت مبسوطة وتحس براحة بعد مارجعت من صلاة العيد ..ريما كانت مواصلة من امس مانامت وماجاها نوم من الفرحة يالعيد..العصر راحت ريما وامها لبيت خوالها علشان يعايدون جدتها هياء...

ريما كانت لابسة تنورة لونها أحمر حريرمكسرة الى نص الساق..وبوت لونه ابيض وعلى الجنب فيه وردصغير لونه احمر..وبلوزة صوف الوانهها احمر وابيض كمها طويل كانها مثنية من قدام وفيها بروش يلمع فية فصوص لونه أحمر.. مجعده شعرها وحاطه وردة جوري لونها أحمر بشعرها

سلمت على جدتها وخالتها ندى..وخالها تركي..بعدين جوا حريم وراح تركي طلع برى البيت.. وجلسوا بالصالة والحريم كانوا كثار عندهم(علشان الجدة هياء) وريما وندى مشغولات يصبون ويدورون بالحلويات على الحريم ..وجت الساعة 7 المغرب اتصلت ام فيصل العمة نورة وقالت انها بتجي تسلم عليهم وتعايدهم وتعايد اخوها ابو ريما..راحت ام ريما وريما واخذوا ندى معاهم للبيت وندوش تحب جمعة هنوف ونوف وريما...

جت العمة نورة للبيت وجلسوا بالحديقة وسلمت عليهم وكانت معاها عبودي وهنوف..وبعدين اتصلت ام نواف وقالت انها بتجي تعايدهم..وجت ام نواف وسلمت عليهم وعايدتهم...

ام ريما:اقول يام نواف وراء ماتجلسين عندنا اليله بنسهر ونبسط اليلة عيد!!
ام نواف:والله مدري بس ازعجناكم كل لليلة واحنا عندكم
ام ريما:لا وش ذا الكلام البيت بيتكم..وهذي الساعة المباركة الي نشوفكم فيها ..
ام نواف:خلاص اجل بنسهر عندكم انا وام فيصل
العمة نورة:ايو الله انا صراحة انبسط اذا تجمعنا في بيت اخوي فهد
ام ريما:حياكم ربي بأي وقت..خلوني اتصل على ام عبد الرحمن ياليت تجينا وتسهر معانا!!


اتصلت ام ريما على ام عبد الرحمن وكانت عند اهلها وتعذرت منهم..وام ريما قبلت عذرها..

ندى:يوة يعني نوفه ماراح تجي اليلة؟
هنوف:حسافة!! بعدين تعالي انا مو ماليه عينك ولا مو ماليه عينك؟
ندى:ههههههههههههه لا والله وينها حبيبتي نوف والا انتي وش ابي فيك!!
هنوف:طيب ياندوة ..
ريما:ههههههه الي يشوفها من شوي بتجنن من الفرحة انها بتشوفك نصابه ندوش
ندى:مير ياسخفكم انا بروح اجلس عند الحريم..وش لي بالبزارين ثانوية عامة ههههههههه اقول ذاكروا زين انتي وياها
هنوف:اوف والي يرحم والديك لاتجيبين سيرة الثانوية العامة الحين عيد بنبسط شوي!!
ريما:ياربي لك الحمد..تراك اقرفتينا بننسى هموم الكتب والمذاكرة
ندى:هههههههههههههههههههههههههه ههههه

ام نواف:ريما نواف ماجاك اليوم؟
ريما كانت متضايقة من نواف انه ماجاها :لا..
ام نواف عصبت وطلعت جوالها من الشنطة علشان تكلمة وتهاوشه ماجا يعايد خطيبتة
قامت ام نواف من مكانها وراحت بعيد عن الحريم!!

ام نواف:الو؟ نوافوة وينك وليش ماجيت بيت عمك ابو فهد تعايد ريما؟
نواف:بسم الله الرحمن الرحيم يمة شوي شوي علي اكلتيني ..انا الحين عند الباب قوليلهم يفتحون لي
ام نواف:عشت والله ..ايه هذا ولدي الي انا اعرفه
نواف:يالله يمة تكسرت رجولي وانا واقف
ام نواف:يالله فمان الله

طق الباب الي بقسم الرجال وفتحت الشغالة وقالها تنادي ريما

عند الحريم بالحديقة
الخدامة:مس ريما ..مستر نواف عند الباب<حفظته هههههههه
ريما قمزت من مكانها
الحريم يضحكون عليها..دخلت البيت ودخلوا معاها هنوف وندى
ريما:ياربي وين العطر..يوة فوق مين بيروح يجيبة؟
ندى:خذي عطري يالله
تعطرت ريما
ريما:هنوف حلو شكلي؟
هنوف:تطيرين العقل يالله تاخرتي على الولد جالس لحاله
ريما:يالله عن اذنكم باي
ندى:شوي شوي لاتطحين وتنزلقين على الرخام هههههههههههه
هنوف:ههههههههههههههههههههههه ..تكسرين ولاعاد تشوفين نواف
ريما:مو وقت تريقتكم الحين


كان بمجلس الرجال جالس.دخلت ريما
ريما:السلام عليكم!!
نواف ابتسم لها وقام واقف:وعليكم السلام ..كل عام وانتي بخير يالريم..عساك من الي يعوده كل عام
ريما:وانت بصحة وسلامة..تفضل استريح
ريما جلست بعيدة شوي عن نواف
نواف قام من مكانة وراح وجلس جنبها واعطاها بوكية ورد جوري..
نواف:انا شفت الزهر مايل ظنيتة يناديني
قطفته يوم ضميته لقيته للأسف ذبلان
عرفت انك زهر عمري وعرفت انك بستاني
وغيرك قيظ مايروي سراب يشفي العطشان
الجوري للجوري

ريما:مشكور هذا من ذوقك ..
نواف كان معه كيس فيه صورة اطفال روعة..
نواف طلع منه علبة مغلفة لونها احمر وفيها قلوب ومكتوب عليها I Love You
ريما:وش ذا ؟
نواف:افتحيها..وهو يمد لها العلبة
ريما جلست تفتح فيه وهو يطالع في عيونها ..
فتحتة لقت ساعة الجلد افعى لونها بنفسجي وفيه فصوص الماس
نواف:هاه وش رايك بذوقي؟
ريما:روعة..تسلم يدينك نواف والله ماني حابة اكلف عليك..
نواف:وش ذا الكلام ريوم..هذي عيدية يالغلا
ضحكت له
نواف: قادر الله يخلي ضحكتك من نصيبي
عاد لاجت منك ياكبرها من هديه

ريما دنقت راسها
نواف:يوة خلاص بس ارفعي راسك
ريما:ههههههههه طيب
نواف: ايه كذا....يالله انا استئذن الحريم عندكم وشكلي حرمتك منهم
ريما:لا وين تو الناس..
نواف:والحريم؟
ريما لاشعورياً:كيفهم
نواف:ههههههههههههههه ياحظي يعني لذي الدرجة تحبيني؟
ريما سكت (ياليتني ماقلتها اوف وش يفكني الحين)
نواف:هاه تحبيني؟الريم ردي
ريما لون وجهها احمر من الفشيلة ماتدري وش تسوي
نواف:خلاص انا بروح زعلت عرفت انك ماتحبيني ابد..سألتك ولا تردين دليل اني ماني بغالي..
ريما: حبي لك اكبر من جميع التواصيف
حبي لك اكبر من كلامٍ يقالي
غلاي لك صافي ولافيه تزيف
أصفى من الماء القراح الزلالي

نواف:ياحظي كل هذا لي ..ياربي..الريم فديتك يالغالية..صح لسانك عرفت قدري عندك..
ريما(ياربي وش الي انا قلته..ياربي فشلة وش بيقول عني..انا ملقوفة)
نواف:يالله انا الحين بروح خلاص بعد ماسمعت هذولي البيتين توني احس بطعم العيد!!تبين شيء يالغلا؟
ريما:لا سلامتك
راحت توصلة عند الباب..بعدين تذكرت شي
ريما:نواف نواف استنى شوي لاتروح الحين برجع لك..

دخلت البيت وراح تركض لغرفتها وكانت مجهزة هدية (عيدية) لأنها متوقعة انه بيجيها ويعايدها...كان عطر اسمه "الزعيم" رايق مغلفتة بازرق وابيض<الوان الهلال ...وشال من الصوف هي مصلحته لونه ازرق وابيض وفيه رقم 9(سامي الجابر) علشان الجور بارد وشتاء..وهي كانت تحب التريكو(السنانير والصوف تحب تشتغل فيها سوت الشال لنواف) الشال روعة كلمة روعة ماتكفي كأنه جاهز مو هي الي مصلحتة

راحت عنده
ريما:عساني ماتأخرت عليك؟
نواف:لا ابد..وش ذا الي بيديك؟
ريما:تفضل هذي عيديتك..على فكرة ترى الشال انا مصلحته
نواف طلع الشال وتفاجاء
نواف:هذا انتي مصلحتة؟شغل يديك؟
ريما وهي مبسوطة:ايه وش رايك فيه؟
نواف:ماشاء الله عليك مبدعة وربي..تسلمين يالغلا والله روعة..تسلم هاليدين الي سوتهم(وهو ماسك يدها)ريما سحبت يدها بسرعة..
ريما: لاماسويت شي تستاهل اكثر من كذا..
نواف:عساني مانحرم منك..يالله في امان الله
ريما:الله معاك..

راحت عند الحريم..
العمة نورة:كان ماجيتي يمة ريما
ندى:ههههههههههه صادقه والله ام فيصل اشوفك جلستي عنده اكثر مننا
هنوف:وش ذا الكيس الي معاك
ريما:يالقفك ياختي
هنوف:وشو يالله ريوم تكفين
ام نواف:عيدية من نواف
ندى:حركا1111111ت والله ريموة
ريما:وش فيكم علي..ياربي منكم..
هنوف: اقول اعطيني الكيس
ندى:ياسلام بعد بوكية ورد..لا وجوري الاخ نواف يعرف انك تحبين الجوري؟
هنوف:اكيد زوج المستقبل لازم يعرف كل شيء
ريما:يمة شوفي لاختك هذي..عمتى نورة بالله سكتي بنتك ام لسانين..
ام نواف:هههههههههههه
ام ريما:ههههههههههههههههه اعصابك يمة
ريما:والله رفعوا ضغطي جاية مبسوطة نكدوا علي
ندى:ايه مبسوطة اكيد جاية من نواف
ريما:اوة ندى اكرمينا بسكوتك
ام نواف: خلاص بنات اتركوا ريما بحالها
هنوف توطي صوتها وتهمس لندى:حتى الخالة تسكتنا علشان مرت ولدها زمن ريما تتحكم فينا
ندى:ههههههههههههههههههههه
ريما:شكلكم جالسات تحشون فيني؟
ندى:الي على راسه بطحاء يحسس به
هنوف:ههههههههههه
عبودي:ليما ثغلي لي طلطعان احنا عيد احب اثوف الوانها بالثما (ريما شغلي لي طرطعان احنا عيد احب اشوف الوانها بالسماء)
ريما:من عيوني على الاقل اشوى من الجلسة عند ندوش وهنوفة
عبودي:هيه هيه ليما بتثغل لي (ريما بتشغل لي)
ريما:ياحياتي لذي الدرجة مبسوط..لبى قلبك

ريما جلست تشغل لعبودي هي وندى وهنوف..وبعدين جلست ريما وندى وهنوف يسولفون وتوريهم الساعة البنات انجنوا عليها وعرفوا ان نواف عنده ذوق..

جلسوا الى الساعى 11 ونص بعدين راحت ام فيصل وهنوف وعبودي..وجلسوا شوي وجاء السواق واخذ ام نواف..وجاء تركي واخذ ندى الساعة 2 باليل..
بعد التعديل سوري



[/FONT][/SIZE][/COLOR][/QUOTE]

رد: $قصة ريما ونواف قصه رومنسيه سعوديه$
 

نكمل بكره القصه اوك ياحلوين ماتزعلوا

رد: $قصة ريما ونواف قصه رومنسيه سعوديه$
 

واله القصة كتير حلوة
وانا قريتها من قبل في هاد المنتدى بالذات
وكانت هي السبب لدخولي له
شكرا على المجهود

رد: $قصة ريما ونواف قصه رومنسيه سعوديه$
 

كمليها
تكفين

رد: $قصة ريما ونواف قصه رومنسيه سعوديه$