|
رد: ساعدوني ارجوكم
السلام عليكم يا ضحى : ربنا يخليلك بابا وماما ، أعذرينى نفسيتى تعبانة علشان فلسطين ، حبقى أدخل تانى وأكلمك .........
الدعاء لفلسطين هو المجاهدة |
رد: ساعدوني ارجوكم
السلام عليكم
اذيك ياهند ربنا يخليكي ع الدعوه الحلوه بارك الله فيكي فعلا ياهند الله يعين الامهات بفلسطين قلبى وجعني والله العظيم ع القتلى و الجرحى خاصتا الاطفال انا كمان نفسيا متدمره لدرجة اني ماكلتش اي حاجه و مخنوقه |
رد: ساعدوني ارجوكم
انا جيت معلش ياضحى النت عندى بايظ بصى ياستى
انا اسمى ميرفت ومن المنصورة ومسافرة بعد10ايام ان شاء الله الحبوب 3انواع واحدة اسمها (ريجيتريم)ودى بتتاخد 3مرات قبل الاكل والتانية اسمها(دياتون)وبتتاخد مرة قبل الغدا ومرة قبل العشاء والتالتة اسمها_(ابل لايت)ودى مرتين بردة ومعلش الخاص بتاعى لسة مش عارفة استخدمة لانى لسة جديدة انتى مسافرة فين |
رد: ساعدوني ارجوكم
بقوللك اية ياضحى تيجى فى الكام يوم دول نشجع بعض واكتبلكو الريجيم بتاعى الاولانى ونعمله كلنا مع بعض وكل واحدة تتدخل يوميا بعد العشا تقول هى عملت اية بالضبط طول اليوم ونلتزم لانى والله عملت منة بس خمس ايام ونزلت 4.5 كيلو بس الدكتور فى المتابعة ادانى واحد غيرة بس انا بطلت اروح للدكتور دة
يالله اكتبة؟ هو عشر ايم ونبتدى من بكرة لانى كل يوم اقول النهاردة لا بكرة لما خيفة اتخن تانى بس عاوزة حد يشجعنى لو قولتو اه هعمله دلوقتى حالا ونبتدى سو ونشجع بعض ماشى ردى بسرعة لان اليوم خلص |
رد: ساعدوني ارجوكم
مساء الخير عليكم جميعا.................
انا نشوى من مصر برده وبصراحة اريت مشاركتكم السابقة كلها وعجبتوني جدا اسلوبكم ظريف وهدفكم واحد تسمحولى انظم اليكم ونكون مجموعة " معا للسمبتيك " على فكرة انا عملت رجيم اللبن والتمر وفى خلال 5 ايام ( وهى مدة الرجيم ) نزلت 4 كيلو وعلى فكرة مش صعب خالص بالعكس ده الرجيم الوحيد اللى حتحسي انك فيه شبعانة لان التمر دسم جدا وحتحسي انك شبعتي من رابع تمرة تقريبا ولو اكلتيه مع كوب زبادي حيكون احسن لان الزبادي بيساعد على امتصاص الفيتامينات الموجودة فى التمر بنسبة 100% وصدقوني جربوه مش حتندموا ....... ونصيحة بلاش الحبوب لان الصحة احسن مليون مره من الخسسان . :15_6_26[1]: |
رد: ساعدوني ارجوكم
طيب كام تمرة 21 بردة يعنى 21 تمرة و3 اكواب حليب وينفع التمر المجفف دة ولا لازم العجوة انا مستعدة لية
بس خلو بالكو الى عندها السكر ماتفكرش فية احسن |
رد: ساعدوني ارجوكم
هى 21 تمرة تقسيميها على 3وجبات يعني
7تمرات مجففة او رطب مش مهم ( بس الرطب دسمته اكثر فبتحسي انك شبعانة اكثر بس الاثنين شغالين) + كوب لبن او زبادي ثلاث مرات يوميا لمدة 5 ايام بشرط في حالة تكرار الرجيم لابد الفصل لمدة يومين وبعدها تعمليه لمدة 5 أيام وهكذا ...... بالمناسبة هو بيخسس حوالى من 5 الى 7 كجم خلال 5أيام وانت وشطرتك ..... ممكن تشرب شاي وقهوه بدون سكر او بسكر دايت باي كمية تيجي نبتدي بكرة مع بعض ونشوب مين اشطر واحدة حتنزل اكثر ونوزن ونشوف النتائج!!!!!!!!!!!!!!!!!!! انا وزني 84 كجم النهاردة ( 28/12/2008) وميعادنا (3/1/2009)......................... ...... تيجي والموافق معانا يقول ويسجل وزنه ؟ واللى حيفوز حيكسب صنية بسبوسه بالكريمة يلا يلا يلا يلا |
رد: ساعدوني ارجوكم
انا معاك يامعلم ان شاء الله من بكرة نبتدى انا وزنى النهاردة 93 وطولى بالمرة170 بس عندى مية كتير فى جسمى
|
رد: ساعدوني ارجوكم
بوجي وطمطم انا سعيدة بمشاركتك معايا وانا طولي 165 سم
ويارب نوصل للى فى نفسنا ..................... |
رد: ساعدوني ارجوكم
السلام عليكم أصدقائنا الجدد ، أهلا وسهلا بكم ، ويعجبنى أكثر إنكم مصريات ، علشان نفهم بعض بسرعة
يالا أنا معكم فى رجيم التمر واللبن لمدة الخمس أيام ، يارب يا ضحى تدخلى وتعرفى قبل ما تكلى أى حاجة بكرة المهم ثلاث وجبات كل وجبة بها 7 بلحات + كوب لبن لمدة 5 أيام ، ماشى يا حلوين ، بالتوفيق إنشاء الله للجميع يا ضحى ,,,,,يا ضحى ,,,,,, يالا ,,, إنتى فين ؟؟؟؟ |
رد: ساعدوني ارجوكم
نسيت أقولكم إن طولى 170 سم ، ووزنى 93 ك ,ربنا يسهل
|
رد: ساعدوني ارجوكم
هند الديب انا سعيدة انك موجودة دلوقتي معانا ويارب ضحى تدخل ونبقى شله
وخصوصا اننا متقاربين فى المعاناة نفسها وياريت تقبلوني معاكم....... |
رد: ساعدوني ارجوكم
اختى ضحى
نصيحتى لك انك توقفي في المراء وتقولى الى نفسك ان رشيقة وانا جميلة وانا احب نفسي وانا جسمي مثل ممثلة انتي تحبيها ورشيقة وقوامي جميل جدا .. وقول الى زوجك ايش رايك مو انا نحفانة حتى لو مانحفتي هو يشوفك نحفانة .. بس اخر نصيحة انك تقولى الى عقلك الباطن انك رشيقة وراح اتصير رشيقة مثل عارضات الازياء بس لاتقول الى عقلك الباطن انك نحيفة لان العقل راح يترجمها انك ضعيفة يعني هزيلة اتمنى انك تصير رشيقة وقمر وانت حبيبتي دعائك لى ان يكون لدي ارداف جميلة وخصر جميل ويكون قوامي جميل بالتوفيق للجميع بالرشاقة |
رد: ساعدوني ارجوكم
يالا على بركة الله ، بس ركعتين بقى لقضاء الحاجة علشان ربنا يساعدنا
|
رد: ساعدوني ارجوكم
استنووووونيييي
خدونيييي معاكووووو انا كويس اني دخلت الفجر اشوف الجديد انا هابدأ معاكو بس انا هجيب البلح بتاع رمضان عشن معرفش غيره ميرسي ليكو يابنات على تواجدكو جميعا و برحب باصدقائي الجدد ميرقت نشوى شانيل و طبعا صديقتي هند بس لو شربت لبن دايت ينفع؟ ولا لبن كامل الدسم؟ استناكو بكره باذن الله بعد الوجبه الاولى |
رد: ساعدوني ارجوكم
الريجيم ماشى على قدم وساق
بالليل هوافيكو بالتفاصيل محدثتكو بوجى وطمطم من امام الكومبيوتر قطاع الاخبار |
رد: ساعدوني ارجوكم
ياهند طوللك ووزنك زيى اما نشوف مين الاشطرالى هنخس اكتر قبل التانية
|
رد: ساعدوني ارجوكم
السلام عليكم أحبائى : طمطم : ماشى ياجميل حنشوف ، ،،،،،،، والله أتمنى لكى كل توفيق
ضحى : وحشتينى ، إجدعنى بقى ، هى دى فرصتك ، مش حتلاقى أحسن من كده تشجيع ، وعرفينى حتسافرى إمتى ؟ ، ومش مهم إنه يكون بلح رمضان لإنه برضه حينفع ، وممكن تلاقى فى السوبر ماركت علب مغلفة ، يعنى ملكيش حجة بقى يا ضحى . 555 : عايزيين الهمة ، وأوعى تكلى من ورانا لإنك أقلنا وزنا والله يا جماعة أنا سعيدة بكم جميعا ، والحمد لله أنا النهاردة مشيت مظبوط بس شربت لبن كامل الدسم + نصف دسم |
رد: ساعدوني ارجوكم
السلام عليكم ورحمة الله وبركاته................
ازي الرشيقات ايه اخبار الرجيم معاكم يارب يكون الكل ماشي عليه انا النهاردة لخبطت شوية سخننين طبعا علشان الاجازة ( كل سنه وانتم طيبين ) بس مكملة الرجيم ومفيش اى لخبطة من بكرة يلا كل يدخل ويقول ايه الاخبار معاه ؟؟؟؟؟ مستنياكم ..... يلا المعلق الرجيمي بتاعنا فين ( بوجي وطمطم ) وهند الديب وضحى |
رد: ساعدوني ارجوكم
السلام عليكم أحبائى : وجدت على النت تعليق لدكتوركبير على رجيم التمر واللبن ، أثنى عليه وقال: السلام عليكم ورحمة الله وبركاته ، ،،،
فهذا النوع من الحمية الغذائية متداولٌ بين الناس، فإذا عمل حساب للسعيرات الحرارية في هذا النوع من الريجيم نجد أن كل ثلاث تمرات تعطي حوالي 60كالوري، وأن كل كأس حليب متوسط الدسم يعطي حوالي 120 كالوري، ولذا يكون مقدارالكالوري المتناول هو 420 كالوري من التمر و 360 من الحليب، فيكون المجموع 780 كالوري يومياً. وهذا ريجيم قاسي، ولكن وجود التمر والحليب معاً يؤدي إلى الإحساس بالشبع والارتواء عند من يفضل هذه الأصناف. وكما هو ملاحظ فإن محتوى هذا الريجيم من البروتين ضعيف، وهو 21 غراماً فقط، ولكنه من بروتين جيد وعالي القيمه الحيوية. غير أنه يجب ألا ُيستعمل هذا الريجيم لمدة تزيد عن 6 أسابيع، وإلا بدأت الأعراض الجانبيه الناجمة عن نقص البروتين والأملاح والألياف والفيتامينات بالظهور. وبالله التوفيق. المجيب : د. محمد حمودة إنتهى كلام الدكتور ، والحمد لله أنا إرتحت لهذا الكلام اللى معناه إنه رجيم صحى ، وغير مؤذى ، حتى لو كانت البروتينات قليلة لكن بيعوضها إنها من نوع عالى القيمة الغذائية وهو ده المطلوب ، يله يا ولاد أنا إتشجعت أكتر أصلى بحب الحاجة الصحية ، إنشاء الله نعمله 5 أيام ونريح يومين ثم نعيد الكرة ، أنا عايزة إستفتاء نريح يومين ولا يوم واحد ، حناخد بأكثر الأصوات ..... منتظراكو |
رد: ساعدوني ارجوكم
الو هنا بوجى وطمط حد سامعنى
برافو عليكى ياهند جبتى من الاخر بصو بقى علشان ايام الراحة الى هناخدها فى النص لازم مانفتحهاش بحرى وانا عملت موضوع اسمة(اخطاء بترتكبها فى حق نفسنا تعالو وشركونى) ودة انا مقترحة فية ان اللى عندها اكلة دايت وفى نفس الوقت ماتفرقش عن العادية لا فى الشكل ولا فى الطعم تضيفها ياريت تزورو موضوعى والى عندها اكلة دايت تحطها علشان اليوم الفري مانفترى ناكل الى احنا عاوزينه بس بطريقة مقننة انا معاكو هنا ومستنياكو هناك وانا برشح ان الراحة تبقى يوم واحد ودى اول طريقة نجاهد بيها نفسنا |
رد: ساعدوني ارجوكم
السلام عليكم يابنات
مرحبا بيكو ياهند انا مسافره باذن الله في اخر يناير وتقريبا هند سالتني مسافره فين انا مسافره باذن الله البحرين و علي فكره يابنات انا طولي 177 ووزني 102كيلو و النهارده صحيت بدري و نزلت روحت الشقه بتاعتي انا لسه جايباها و ع الطوب الاحمر و محتاجه مجهود و مرواح و مجي طبعا روحت اعمل شوية تعديلات و انا هناك بصراحه هبطت جدا اضطريت اشرب بيبسي دايت كانز و روحت البيت الساعه 5 و انا مروحه اشتريت البلح بس ماعفتش اجيب غير بلح رمضان دلوقت و اشتريت لبن خالي الدسم و 2 كوب زبادي نستله بس ما لاقتش دايت و الساعه 5ونص بالظبط كانت اول وجبه ليا 7 بلحات و كوب لبن خالي الدسم و الساعه 9 و نص حسيت تاني بهبوط روحت اخدت بالطبط 3 فرولات بالعدد ودلوقتي انا بكلمكو و بطني عماله تكركب جدا جدا و هاموت و اكل روحت فتحت الكمبيوتر و قلت ادردش معاكو شويه لحد ما انسا الجوع و الله المعين ادعولي و تحياتي ل الجميع نشوى و هند و ميرفت و الصديقه زوووم |
رد: ساعدوني ارجوكم
على فكره انا امبارح اخترعت حاجه كده خفيفه اكلت منها طول اليوم
اعتقد تنفع في اقتراح ان كل واحد عنده وجبه خفيفه يذكرها المقادير باكو اندومي بالخضار او حسب الرغبه عودين كرفس بسله جزر فاصوليا خضرا كوسه بكميه اكبر من باقي المقادير بصلايه متوسطه مفريه طماطمايه صغيره جدا مقطعه مكعبات او مبشوره حسب الرغبه توابل و ملح الطريقه: شوحي البصله في معلقة زيت ضيفي البسله+الجزر+الفاصوليا و شوحيهم هما كمات خفيف جدا ضيفي مياه حسب الرغبه اتركيهم يغلو غلوه و بعدها ضيفي الكوسه و التوابل حسب الرغبه و اول ما يستوي الخليط قطعي الكرفس عليهم و قلبي و اقفلي النار و بعد كده كسري باكو الاندومي معاهم بالتوابل اللي فيه بس ما تحطيش كيس الزيت و قلبي و غطي الحله الاندومي هيستوي ع البخار و السخونيه بس و بس كده بالهنا و الشفا قولولي رايكم سلام |
رد: ساعدوني ارجوكم
حمدالله على السلامة يا ضحى .............
انا زووم 555 واسمي الحقيقى نشوي . اولا الف مبروك على الشقة ويارب يباركلك فيها وعلى فكرة لو استغليت موضوع المرواح للشقة صح حتلاقي نفسك بتعملي مجهود كبير من غير متركزي بس انتي ابتدي واحسن لو اخذتي معاك البلح والزبادي فى كل مكان او اخلطي بين رجيم الماء والتمر وربنا يوفقك |
رد: ساعدوني ارجوكم
قولولي يابنات
هل الرياضه مفيده مع الريجيم الصعب ده ولا هايجيلي هبوط؟ |
رد: ساعدوني ارجوكم
الله يسلمك يا نشوى
الله يبارك فيكي يارب على فكره انا بروح بالعربيه يعني ولا مجهود ولا حاجه و بعدين انا بجوع اوي ماينفعش اشرب بيبسي دايت مع الريجيم ده ولا ايه و ينفع فاكهايه كده مثلا عشان اقدر اسكت معتي المكركبه دي ولا لا؟ |
رد: ساعدوني ارجوكم
بالمناسبه
ايه ريجيم الماء ده عباره عن ايه |
رد: ساعدوني ارجوكم
فين باقيت البنات؟
|
رد: ساعدوني ارجوكم
انتي منين يا نشوى
و عندك كام سنه |
رد: ساعدوني ارجوكم
الرياضة طبعا مفيدة وكمان هتخليكى تنسى الجوع شوية وتحرقى اكتر بي انا طلبت منكو تحطو الوصفات الدايت فى موضوعى
اخطاء بترتكبها فى حق جسمنا تعالو وشاركونى وهكون شاكرة ليكى لو اضفتيها لانها شكلها حلو اوى |
رد: ساعدوني ارجوكم
بيقوللك ياسيتى اصلا البيبسى الدايت دة السكر الى مستخدم فية من اردا انواع السكر وغير انه بيعمل امراض كتير سرطانات والتهابات كبدية والتهابات معوية دة كمان لابيخسس ولانيلة دة بيفتح الشهية
لو حسيتى انك هبطانة امللى زمزمية عصير برتقال من غير سكر اواشربى قهوة سادة او شاى سادة |
رد: ساعدوني ارجوكم
انا من أرض الجولف وعندي 34سنه
وبالمناسبة البيبسي زي ما قالت بوجي بالضبط بلاش منه صدقيني او قللي منه زي ما تقدري وبالنسبه للفاكهة كل منها بس خلي بالك من السعرات يعني كوب عصير برتقال سعرات اكثر من انك تكلي برتقال طازة 2 مثلا وفى الخيار والخس وياسلام على الكرفس اكثر من رائع كليه زي الخس وبالنسبة لرجيم الماء فهو كالتالي : - استيقظي مبكراً صباح كل يوم وتناولي (4) كاسات ماء سعة كل منها (160) ملم على معدة فارغة ولا تتناولي أي نوع من الطعام أو السوائل قبل مضي 45 دقيقة . - لا تتناولي أي طعام أو شراب خلال الساعتين التاليتين لكل وجبة ( الفطور ، الغداء , العشاء ) . وبالمناسبة انا عملت حملة للتخلص من الوزن الزائد بمساعدة صديقة دكتورة تخسيس حنعرض من خلال كتابات الاعضاء ما يناسب كل واحدة من الرجيم وربنا معانا |
رد: ساعدوني ارجوكم
السلام عليكم أحبائى : ضحى : معلش يا ضحى ده بس علشان إنتى فى الأول ومش واخدة على كدة ، ، وإذا كنتى مش قدرة على الرياضة بلاش تعمليها ، ححتخسى برضه من غيرها ، اللى جربو الرجيم ده قالوا كده ، كلنا جعنين يا ضحى ، وكلنا بطننا بتكركب من الجوع ، لكن علقة تفوت ولا حد يموت ، حتفوت الأيام ونخس ، وبعد كده بقى نحافظ على جسمنا ، ناكل كل حاجة بكميات معقولة ، واللى حتخالف ذنبها على جنبها حتتعرض للمعاناة دى تانى
المهم الصبر ، ودى فايدة وجودنا مع بعضنا إننا نقدر نعمل مع بعض اللى منقدرش نعمله لوحدنا ، وميروك ياستى على الشقة وعقبال ما تنور بصحبها ، يله بقى فاضلك شهر ، إجدعنى ها يا 555 : أما نشوف حتعملى إيه بكرة طمطم إذاعة :أوعى تغلبينى |
رد: ساعدوني ارجوكم
قال اغلبك قال دانا امبارح كنت عاملة فراخ مشوية وانا باعملها فظيعة ريحتها كانت بتندهللى وهى لسة فى الفرن بس انا ابتا ابتا انا عاملة ريجيم شوية والشيطان عمل بيبى فى دماغى روحت جرى عالفرن وضاربة رجلين الدجاجة
لقيت طعمها لذيذ مصيت صباعى وقلت اللهم اخزيك ياشوشو بعد شوية سهوا اكلت الكبدة مانا بموت فيها وبعدين عملت نفسى قال يعنى نسيت (بتلائم على نفسى) وبعدين بنتى طلبت تاكل قعدت ااكلها مانا حنينة وقلبى رهيف هى تاكل بق وانا اتنين لغاية مابطنها اتملت بالليل عملت للعيال لانشون بيتى فضربت ساندويتش بس مش هضحك عليكو كان بعيش سن ايه رايكو بس النهاردة حالفة مالخبط لو اية حصل |
رد: ساعدوني ارجوكم
السلام عليكم أحبائى : إثبتوا .. إثبتوا .. لإن بعد كده اللى حتسافر واللى حتنشغل ، ومش حنجتمع كده تانى ، يعنى هى دى فرصتنا إن نشجع بعض ، فين الدعاء والإستعانة بالله ، يا جماعة كأننا فى فلسطين ، الناس هناك لا بتاكل ولا بتشرب ، تخيلوا بقى لو اليهود دخلوا عندنا وعملوا علينا حصار فى الأكل والشرب ، ده احنا مش حنستحمل يوم واحد ,,,,,,,,,,,, يا جماعة اثبتوا ............اثبتوا
|
رد: ساعدوني ارجوكم
على فكرة انا برد ع الموضوع بس علشان عايزة احييكم على روح المشاركة و التعاون الجميلةاللى بينكم دى ربنا يوفقكم و يثبتكم و كل واحدة منكن توصل للوزن اللى هية عايزاة الله معكم |
رد: ساعدوني ارجوكم
السلام عليكم أحبائى : الساعة 10 ونص دلوقتى ، ومحدش دخل ولا قال عمل إيه النهاردة ، معلش يا جماعة ، حتى لو ما كنتوش إلتزمتم أدخلوا وقولوا كده وندور على رجيم تانى يكون يناسبكم ، لابد من المحاولة المستمرة إلى أن نصل للمطلوب ،على العموم أنا حدخل تانى على الساعة 12 بتوقيت مصر إنشاء الله ، ونشوف حتقولوا إيه
أما بالنسبة لى فأنا الحمد لله فات اليوم الثانى على خير ، والمعين هو الله وربنا يقدرنى وأخلص الإسبوع على خير وأوزن وأفرح ، ربنا يفرحنا جميعا وشكرا لك أسماء عادل:7_1_110v[1]: |
رد: ساعدوني ارجوكم
السلام عليكم أحبائى : بقى كده برضه !!!!!!!!!! الساعة دلوقتى 2 بليل ، ومحدش دخل يقول عمل إيه ,,,,, والله زعلانة
|
رد: ساعدوني ارجوكم
السلام عليكم حبيبتي هند ماتزعليش مني و الله انا مشغوله جدا
ده غير اني عملت جراحه في رجليا انا اسفه اني مالتذمتش في الريجيم دهغير يوم واحد بس بس انا مقلله من اكلي و برضو علي اتصال بنظام دايت كويس وربنا يستر و يعيتك يارب برافو ياهند علي استمرارك |
رد: ساعدوني ارجوكم
بنات رحبوا فيني ولا مراح المنتدى طوووووووووووووووووول حياتي مليت بلحالي
|
| الساعة الآن توقيت السعودية الرياض و الدمام و القصيم و جدة 12:49 AM. |
Powered by vBulletin® Copyright ©2000 - 2025,
vBulletin Optimisation provided by
vB Optimise (Pro) -
vBulletin Mods & Addons Copyright © 2025 DragonByte Technologies Ltd.