|
رد: للمقبلات على الزواج... لاتخافي.......(أسالي ونحن نجيب )
اختي الله يهديكي ويصلحك
و يهدي اهلك و يصلحهم يارب اختي ما اختلفنا كتير انا بحكي عن الاساس بالعلاقة فهو محرم ولا يرضي ربك هناك قاعدة ثابتة من عند الله: أي زواج يبنى على طاعة الله يتولى الله أمر التوفيق بين الزوجين وهناك فرق كبير يا اختي الغالية: بين استخارة بين امرين ....بحيث توكلي امرك تماما للهولا تفكري بأيهما تحبين او بين استخارة لكن بأن تضعي في نيتك الامر المحبب لكي مسبقا فهمتي علي الاستخارة لا تكون فعالة عندما تضعي في بالك الاجابة مسبقا... ومن هنا قلت لكي ضعي عاطفتك جانيا وفكري بعقلانية و وكلي امرك لله بكل معنى الكلمة يمكن ان يكون هذا الامر الذي تريدينه ليس فيه الخير ولا مصلحة لكي لذلك استخيري بجد و وكلي امرك لله تماما ختى يختار لكي الخير هو لا تختاري انتي وكلي امرك لله وخذي بالاسباب ربنا غفور رحيم توبي لله برمضان لان بداية العلاقة محرمة لكن خلاص فعلتيها وانتهى لذلك توبي لربك توبة نصوح صادقة لانكي اذا تبتي فعلا لله بصدق فسيتولى الله تعالى توفيقك للخير حيث كان لا تزعلي اختي من كلامي لكنه لمصلحتك اثقلت العيار عليكي لاني بصراحة اعتبرتك اخت واردت افادتك ولو بالقليل بالتوفيق اختي و طمنينا عن اوضاعك |
رد: للمقبلات على الزواج... لاتخافي.......(أسالي ونحن نجيب )
انا صليت صلاة استخارة لربنا عشان يوجهني للخير مصلتش استخارة بامر ما زي ما انتي بتقولي يا اختي و انا موكلة امري لله تماما رغم كل الكلام ده
|
رد للمقبلات على الزواج لاتخافي أسالي ونحن نجيب
اقتباس:
واضح انك ما بدك تتقبلي آراء غيرك ولا حتى تفكري فيها زي ما بدك اختي واتمنى لكي التوفيق |
رد للمقبلات على الزواج لاتخافي أسالي ونحن نجيب
لسة بتحكمي علية رغم انك مش عرفاني كويس على العموم ربنا فوق الكل و انا مؤمنةبالقدر و الي عيزو ربنا هو الي هيكون و الحمد لله على كل حال انا متقبلة نصائحك و اشكركي جزيلة الشكل على نصائحكي القيمة و ربنا يصلح الحال
|
رد: للمقبلات على الزواج... لاتخافي.......(أسالي ونحن نجيب )
اليوم انا ماعاد في اخبي رح احكي كل شيء بصراحة هشيء كتير صعب المهم
انا عمري 17 سنة و انا مخطوبة وعن قريب عرسي ولازم اكون فرحانة لان هدا حلم اي بنت و الحمد لله انا الله رزقني برجال كتير منيح و بيعرف الله وكتير بحب بس المشكلة زي ماحكيت هي اني في عندي مشكلة خطيرة ممكن انها تتسببلي بالموت و المشكلة هي انا امي ماتت وانا عمري 6 سنوات و ماعندي لا اخت ولا خي وضل ابي هو اللي بيراعيني وفي يوم من الايام ابي كان كتير معجوق بشغل قالي ادخل اعملي دش و انا راح اسوي الغدا واخدك على المدرسة . انا وقتها ماكنت اعرف ادوش لحالي ف وانا عم ادوش يعني بحركة كدة قام صباعي دخل في منطقة حساسة وضليت عم اتوجع كتير وخفت اقولها لابي يقوم يضربني انا وقتها كنت صغيرة و ما بعرف اي شيء عن العدارة او هيك شيء كل يلي كنت بعرفه ان ما لازم المس هك اماكن بالجسم وانا حيرانة مو عرفة ازا انا لس عدراء ولا لا. كل يلي بتدكره ان كنت عم حس بوجع فضيع بس ما بعرف ادا كان في دم او لا وانا كتير خايفة و بحاجة لمساعدتك انا بترجاك بلييييييييييز انا عن جد لو شفتي دموعي وانا عم احكيلككنت صعبت عليك جد انا مستنية ردك و مساعدتك اختك ميلا |
رد للمقبلات على الزواج لاتخافي أسالي ونحن نجيب
لا حولة و لا قوة الا بالله العظيم اختي بجد انتي صعبتي علية جداااا بس لو كان كلامك زي مبتقولي و كلامك حقيقي مفهوش تزوير و لا كدب معندكيش حاجة تخافي منها عشان الي حصل معاك حادثة مكنتيش بتقصديها زي ما واحد كان ماشي في الطريق و تكعبل ووقع و مات او اتشل لا قدرة الله انا بقول انك تخبري خطيبك و زي ما انتي بتقلي بيعرف ربنا هيتفهم الامر ان شاء الله و اتمنى ان كل النتي شكة فيه ميكنش منو حاجة خالص ربنا يوفقك و يطمن قلبك يااااااااااااااارب:56::56::56:
|
رد: للمقبلات على الزواج... لاتخافي.......(أسالي ونحن نجيب )
هلا والله بمنتدى الغاليه
انا عندي مشكله انا اللي مخطوبه من 4اشهر بس مره واحد جاء خطبيبي عندي في البيت وبعدين كل مانحدد موعد يجي ظروف وكانت الظروف اقوى منه ومني وبعدين نحدد يوم السبت يجي اللي عندي لمان جاء يوم السبت واتخر مره وانا مستنيو واخر شي ادق عليه يقولي والله نسيت مابعدها الين اليوم ماكلمتو صار اللي 3 ايام وش اسوي |
رد: للمقبلات على الزواج... لاتخافي.......(أسالي ونحن نجيب )
ابرار عزيزيتي الف مبارك عليكي..........باين انو انتي وخطيبك لسه مو متعودين على طباع بعض ولسه مش فاهمين بعض كويس بس لاتخافي هالشي طبيعي ببداية الخطوبة.........انك تريدي شيء وخطيبك يكون مش فاهم عليكي او تحسيه
مش مهتم........بس غالبا هو مش هيك بس بيكون الخجل يمنعه انو يبوح ويتصرف مثل مايشعر وكمان في نسبة كبيرة بيكونو ناطرين البنت هي الي تبادر اولا وتحكي عن حالها ومشاعرها وشو بتحب وناطريها هي تطلب الي تريده...........يعني الشب بيكون ناطرك شو بدك ليعملك الي تريديه وانتي تكوني ناطرة يعمل الي بدك اياه بدون ماتطلبي...............وهيك بتصير حالة من البرود لانو مافي حدا يحاول يكسب الثاني او يقترب منه.........زحاولي تحكيله الي بدك اياه وحاولي تفهميه وتقتربي منه..........ونصيحة اكسبيه بحسن المعاملة والكلمة الطيبة.............موفقة يارب |
رد للمقبلات على الزواج لاتخافي أسالي ونحن نجيب
السَلام عليكم ..
كيفكم ؟ ان شاء الله بخير ^^ ورمضان كَريم :) انا خاطبة الي امم شهر تئريباً وخطيبي كتير منيح وصَراحة يعني مش ملائية فيه سلبيات .. الا شغلة يمكن بعتبرها سَلبية انا ويمكن هي مش سَلبية .. انو خطيبي هاادي كتير ورايق هالشي حلو بس انو لما انكون عند اي حدا حتى مع اهلو ما بحكي كتير .. ولما انكون سوا فيه لحظات صمت احيانا كتيرة وانا بطبيعتي اصَلا هادية بس برضو مش حلو انضل احيانا ساكتين .. وبحاول افتح احيانا حديس بس احيانا ما بعرف وهو بيحكي برضو بس انو انا الشي الي مش عاجبني انو حتى مع الناس هادي يعني كيف هالصفة بيقدر الواحد يغيرها فيه انو يشارك بالحديث او هيك .. او انو معي انا شو بئدر احكي معو ونفتح احاديث واشجعو بطريئة غير مباشرة بدون ما اجرحو انو ما يستحي ويشارك مع الناس ومع اقربائي .. بس انا مش ئصدي انو بستحي لدرجة الهبل لأ بستحي بالمعئول يعني ازا حدا حكا معو بحكي ما حدا حكا بضل ساكت .. بتمنى اتكونوا افهمتوني لانو هالشي مزعجني شوي :$ |
رد رد للمقبلات على الزواج لاتخافي أسالي ونحن نجيب
اقتباس:
الله يوفقك انشالله مع خطيبك الي يارب يصير زوجك عن قريب اختي معلش ممكن تكون هادي النقطة سلبية ما تحاولي تكبتي مشاعرك و احاسيسك ولو كنتي شاكة بشي لو كان صغير ومش مهم مو مشكلة فضفضي واحكي لخطيبك واسأليه اي شي بدايئك هلأ بالنسبة لسكوته.... عادي اختي في ناس بكونوا هيك ساكتين وهاديين هاد طبعهم ... ومن الصعب انك تغيري طبع بإنسان لكن انتي بتئدري تفتحي معه حوار و تسأليه : ياترى انت هيك هادي من الاصل ولا صرت هادي لما كبرت يعني افهمي منه كلشي بدايئك مع انو التغيير صعب الا انو بإمكانك تحاولي وانشالله ما بتخسري يعني انتي ضلي افتحي معه مواضيع كل ما تشوفيه سكت ضلي افتحي معه موضوع حتى لو كررتي الموضوع ولما يسألك : ليش عدتي الكلام ... طيب ما احنا تكلمنا عن هاد الشي قبل شوي قولي له ... معلش حبيبي... لا تآخذني انا بحب اسمع صوتك دايما بحب انك تثرثر بعقلي حتى ما انسى صوتك ..ههههه وانشالله لما تحكيلو هيك انو يفهم الرسالة ووو بتمنالك حياة سعيدة طمنينا عنك حبوبة بالتوفيق |
رد للمقبلات على الزواج لاتخافي أسالي ونحن نجيب
اقتباس:
حبيبتي معلش طولي بالك على خطيبك يمكن يكون جد مشغول وما بيئدر ييجي لعندك لكن الشغلة الي بتزعل انو ينسى موعده معك..!!! لا لا المفروض ما ينسى ابدا متل هيك شي يعني كنت اسمع عن شباب لما كانوا خاطبين بكونوا بعدوا الثواني لحتى يروح الواحد منهم لبيت خطيبته بكون مشتائلها كتير وبدو يشوفها بالنسبة لخطيبك لازم تعاتبيه لازم لازم العتاب بين الاحباب بيزيد الحب بينهم اكيد لكن ما تثقلي عليه يعني ازعلي منه بدلع و بأسلوب الانثى الساحر وكأنك طفلته المدللة اوكي فهمتي علي؟؟ والله يوفقك يا حلوة اي سؤال ... لا تترددي اسألي وانشالله بساعدك |
رد رد رد للمقبلات على الزواج لاتخافي أسالي ونحن نجيب
اقتباس:
هلأ شوفي حبيبتي شكلو هدوءه انو طبع من هو وصغير هادي .. يعني بحكيلك وهو بين الناس وحتى اهلو بكون هادي وما بشارك بالحديس كتير الا ازا حدا حكا مسلا فبيحكي .. اما معي يعني اهون بيحكي بس الا ما ايكون فيه لحظات سكوت او انو ما نعرف شو نحكي .. بس بما انو طبع الهدوء مش راح يغيرو ويصير ع الاخر يحكي بين الناس كتير صح ؟ بس هالشي مش سلبي كتير ولا شو رأيك مش عارفة ؟ يعني ئصدي فيه صفات كتيرة منيحة ممكن اتخليني اتغاضى عن هالصفة .. وفكرة حلوة هاي احكيلو احكي بحب اسمع صوتك او هيك شي :) بس انوو ئصدي ممكن هو مش اجتماعي كتير لانو عادة الاجتماعي بحب يحكي كتير بين الناس .. وحتى احيانا الي حواليي قرايبي بعلقو انو بحكولو ليش ساكت وهيك .. بس هو ما بيحكي الا ازا حدا بلش معو بالحديث .. ولو حكا بيعرف يحكي يعني مش انو ما بيعرف يحكي .. بس هادي بطبعو ! فهل هادا الشي سبب للإنفصال مثلاً .. ؟! انو كلام الناس احيانا بيدايئني ليعلقو انو خطيبك هادي وما بيحكي زي جوز اختك مثلا انو بيحكي وهيك .. مع انو خطيبي معي كتير منيح وبيحكي .. بس مع الناس بيحكيش كتير ! فطمنيلي بالي الله يطمن بالك :) |
رد: للمقبلات على الزواج... لاتخافي.......(أسالي ونحن نجيب )
حبيبتي بيلسان
مشكلة هدوؤه وسكوته راح تعاني منها بشغلة بس تتجوزي انه راح تحسي حالك ما بتعرفي عنه اي شي بدوامه بشغله بطلعاته ونزلاته وين راح وين اجا شو صار هون وهون ما راح يحكي الا كلمتين وبس راح تحسي حالك لحالك هل انتي بتقدري على هيك حياة ؟؟؟ |
رد للمقبلات على الزواج لاتخافي أسالي ونحن نجيب
اقتباس:
لأ حبيبتي مش هيك هو يعني بيحكي وعادي بيحكيلي كتير شغلات عن حياتو وشغلو وعنو .. يعني مش من هالنوع .. بس اصدي هدوءه مع الناس هيك ئصدي مش معي .. |
رد: للمقبلات على الزواج... لاتخافي.......(أسالي ونحن نجيب )
اختي بيلسان
حابة احكيلك نقطة مهمه ما تهتمي لكلام الناس ولازم تتعلمي كيف تسكتيهم بادب ولباقة لازم تعرفي كيف تردي كلامهم و تدافعي عن زوجك ما تسمحي لأي بني ادم يقارن بين زوجك و بين زوج اي حد تاني والله احكيلهم انو الناس مش زي بعض كل شخص على وجه هذه الكرة الارضية يمتلك حسنات و سيئات لو تلفي او يلفوا هم العالم مارح يلائو شخص كامل مكمل لكن الفرق هون او النقظة المهمة هي من يغلب من يعني الحسنات اكتر من السيئات ام السيئات اكتر.... اختي اذا كنتي سمعتي كلام الناس و تعليقهم على خطيبك فهذا بيدل على انك مش متأكدة من خطيبك و ما بتعرفي حالك اذا بدك اياه جد ولا لا لانو لو بدك اياه بحق كان ما بتهتمي للناس كلها و رح تدافعي عنو للنهاية اما عن سؤالك هل هذا سبب للانفصال فهذا ما بيقدر حد انو يجاوبك عليه غيرك انتي اقصد انو قوة الاحتمال تختلف من بنت لاخرى في بنات بيعرفو حالهم انهم بيقدروا يتعايشوا مع هذه الصفة ، وتكون جازمة تماما انها ستحاول ان تغير زوجها و تدربه و تطول بالها عليه حتى يصير يتكلم متل ما بدها اما النوع الاخر من البنات فبتكون الوحدة منهم بتعرف امكانيات تحملها لمتل هيك حالة وانها ما بتقدر تعيش مع زوج صامت و ما بيتواصل مع الاخرين اذا بيعتمد عليكي انتي اختي انتي اجلسي مع نفسك و راجعي حالك هل بتقدري تعيشي معه متل ما هو طبعا حطي ببالك ابعد الاحتمالات انو لن يتغير ابدا فهل انتي قادرة على التعايش مع طبعه هذا؟؟ اختي الهدوء مش عيب اذا كان الكلام من فضة فالسكوت من ذهب لكن طبعا مش اي سكوت وبتمنى تفتحي حوار مع زوجك احكيلو هذه الجملة او الحكمة واسأليه عن معناها و يشرحلك اياها و لما يجاوب احكيلي شو جاوب لانو من جوابه رح تعرفي هذا الشخص فهيم و ناضج ولا لا اعلمي اختي ان سكوته ممكن يكون له اسباب عديدة اول سبب: متل ما اولتلك ممكن يكون هاد طبعه، ربنا خلقه هيك قليل كلام تاني شي: ممكن تكون بيئة تربيته لما كان صغير اثرت عليه و كبر وهو قليل كلام يعني ممكن وهو صغير ما يكون لاقى تشجيع كافي من اهله ممكن كان يتعرض لمواقف محرجة من اهله امام مجموعة من الناس فهذا يؤدي لتكوين جروح عاطفية كبرت معه و النتيجة انو ما بيقدر يتكلم مع الناس باي جلسة كانت سواء كبيرة ام صغيرة كمان سبب : ضعف الشخصية وطبعا له علاقة كبيرة بالنقطة السابقة و ببيئته التي تربى فيها يعني كانت تصير مواقف له بصغره متل انو حد يحرجه امام الناس فبيستحي او انو ما حد من عائلته عزز فيه قوة الشخصية ما اعطوه الحرية ليعمل شو ما بدو كونه صغير كل هاد يؤثر على تكوين الشخصية لدى الاطفال انتي اختي بتقدري تفتحي معه حوار عن طفولته اعرفي منه كيف كانو اهله يعاملوه بالصغر امه ابوه اخوانه .... الجميع لانك اذا عرفتي السبب فممكن احتمال كبير جدا انك تغيريه للاحسن وبدي اطرح عليكي اسئلة لها علاقة بفهم شخصيته و جاوبيني عليها اذا سمحتي: هل هو اكبر فرد بالعائلة؟ ما ترتيبه بالعائلة؟ كم فرد اكبر واصغر منه؟ هل امه او ابوه بتحسيهم متسلطين؟؟ ما هي طبيعة شغله او عمله؟؟؟ |
رد للمقبلات على الزواج لاتخافي أسالي ونحن نجيب
اقتباس:
شوفي حبيبتي بالبداية كانت التردد عندي موجود بخطيبي لسبب اخر مش بشخصو هو ابدا .. والحمد لله لبداية رمضان اقتنعت فيه وبطلت مترددة .. وحتى مرة لحكوا عليه انو هادي حكيت هيك طبعو .. لاني صَراحة بشوف فيه حسنات اكتر من سيئات يعني ما بشوف فيه هالسيئات الكتيرة او حتى ولا سيئة .. يعني كل يوم بتمسك فيه اكتر لانو متدين وخلوق ومتفهم ولأسباب كتيرة .. بس انا كان مزعجبني هالصفة بين الناس ومش معي ! مع انو بيحكي بين الناس يعني مش بضل ساكت طول الوئت لأ بيحكي بس بالمعئول مش كتير برم ع الفاضي والمليان بيحكي اشي معئول .. وبتعرفي انو مرة بنحكي ابصر شو جبنا سيرة موضوع بيحكيلي انو كان بأمريكا بما انو كان عايش هوناك لحالو انو ليطلع مشوار يطلع مع حدا او هيك بحكيلو كان الك صحاب ولا تطلع لحالك حكالي لا بحبش اطلع لحالي وكمان اجتماعي بسرعة بكون علاقات مع غيري وبحكي مع الناس ان كانو اجانب او عرب .. وهالنقطة فهمتني انو هو مش منعزل وانو اجتماعي .. وهو اصغر افراد عيلتو .. امم الو اخين كبار واختين كبار واخ صغيرة يعني هو ئبل الاخير .. وبالعكس امو وابوه مش متسلطين .. بس بحس عيلتو هيك بشكل عام معظمهم هاديين ان كانوا اخوته او اهلو حتى امو وابوه بحكوا بالمعئول مش كتيرين برم .. بشتغل بمحل سوبر ماركت .. يعني بتعرفي حآسة اني بقدر اتغاضى عن هالصفة وانها مش سلبية كتير لاني ملائية ايجابياتو اكتر من سلبياتو وهالشي مخليني اتمسك فيه اكتر .. بس انا صَراحة هالسؤال لمجرد انو اعرف شو رأيكم بقصة الهدوء وفقط ! مش انو عشان اتركو او هيك .. لأ ابدا .. مع اني سئلت انو هل هادا سبب لللانفصال لاني بالبداية كنت مترددة وكنت بدي انفصل عنو بس هلأ لتقربت منو اكتر صرت اكتشف جوانب احسن فيه .. واحيانا بندم لأفكر اني فكرت مرة انفصل عنو ! ويسلمو كتير :) |
رد: للمقبلات على الزواج... لاتخافي.......(أسالي ونحن نجيب )
حبيبتي هالشي عادي جدا بسبب نمط حياته الي عاشه..........انا زوجي من النوع الهادي ومابيحب الكلام الكثير وطبعا هو كمان عايش لحاله بالسويد ومطبع على حياة العزلة والعزوبية..........وبالغرب حياتهم مش زينا الوقت له قيمة والعمل اكثر من الكلام وهاد فوق انو عايش لحاله وتعود على جو الصمت والهدوء...........بعدين لو كسبتي ثقته وحبه رح تشوفيه يفتحلك قلبه شوي شوي..........وهالشي بيصير لما يعرف انو انتي تقدري تصوني اسراره والكلام الي بصير بينكم وماتحكيه لاهلك او اهله...........وبدعيلك بالسعادة.
|
رد: للمقبلات على الزواج... لاتخافي.......(أسالي ونحن نجيب )
معناتو يا بيلسان
توكلي على الله و ضلي استخيري دائما انا من رايي شايفة انو شخص محترم و اذا كان متدين متل ما بتئولي فتوكلي على الله الحكي الكتير مش صفة مهمة بالعكس احيانا الي بيحكو كتير بيحطو انفسهم بمواقف لا يحسدو عليها و هدوءه ليس سبب للانفصال توكلي على الله و بما انه حسناته اكتر من سيئاته هاد شي ممتاز و نادر ما تلائيه توكلي على الله بتمنالك التوفيق |
رد: للمقبلات على الزواج... لاتخافي.......(أسالي ونحن نجيب )
الله يسعدكم كتيير طمنتوني وريحتولي بالي <3
|
رد: للمقبلات على الزواج... لاتخافي.......(أسالي ونحن نجيب )
السلام عليكم
اختي بيلسان انا حاسة بيك لانو زوجي من النوع الهادىء و اللي ما يتكلم كتير صارلي متزوجة سنتين وو عندي بنت و ما تغيرت هاي الصفة فيه هو طبعو هيك انا من الاول كنت احس انو يهملني و ما يحب يحكي معي تعرفي لكن لما تعودت عليه تعودت على الصفة ايضا ادا كان في كلام يتكلم ادا ما في يبقى ساكت هو عامل هيك ادا حبيتي اعملي مثلي انا اعوض سكوتو بكلامي يعني صرت اتكلم اكثر من الاول لكن مش ثرثارة انا في الاصل قليلة الكلام فهو لما تعود صار اداشافني ساكتة يفاتحني باي موضوع حتى يكسر الصمت الله يهنيك بحياتك |
رد: للمقبلات على الزواج... لاتخافي.......(أسالي ونحن نجيب )
مشكلتي انا ههه ادور ع زوج عمري 19 سنه و مش مخطوبه و لا شي الله يهني و يسعد كل المتزوجات اهم شي تستغلي فترة الخطوبه صح و تحاولي تعرفي كل كبيرة و صغيرة عنه حتى ما تنصدمي و خلي احد من اخوانك او اقرابك يسالونه عنه لان طبعا قدامك رايح يمثل بدور الملاك
|
رد: للمقبلات على الزواج... لاتخافي.......(أسالي ونحن نجيب )
انا مشكلتي اكبر و اكبر واكبر وياريث عندكن حل اخواتي
|
رد: للمقبلات على الزواج... لاتخافي.......(أسالي ونحن نجيب )
سلام حبيبات قلبي كيفكم نشاء الله كلكم بخير انا بنت خالة العضوة نور اليقين رجاااااااااااااااااااااااااااا ء رجاااااااااااااااااء انا عرسي مو ضاللو كثير وخوفتي كل يوم بتزيد على ليلة الدخلة وحشمت لا افاتح اي وحدة توضحلي وش الصاري في هذيك الليلة فبما اني ما اعرفكم ولا تعرفوني يعني مارح اخجل منكم يا ريت تحكولي كل شيئ بيصير وتفهموني شو اسوي من وقت اللي اروح انا وياه على بيتنا وش ابول وشيئ واللي بعدو واللي بعدو فهموني جزيتم خيرا والله اني مو عارفة شيئ وخايفة اخربطها الشيئ الوحيد اللي عارفتو هو لما اروح انا ويان نصلي بس قبل الصلاة احكولي يعني لما نوصل على البيت شو يلي يصير بنتظر الردود عالحر من الجممممممممممممممممممممممممممم مممر عن قريب الله يجزيكم
|
رد: للمقبلات على الزواج... لاتخافي.......(أسالي ونحن نجيب )
هاي بنات كيفكم انا مخطوبة بقالي 8اشهر من شاب حلو و مهذب و متربي وكمان كتير بيستحي يعني فيه كل الصفات الي تتمناها اي بنت كمان طول هاد المدة بعاماني باحترام و عمري ما قالي اي كلمة زعجتني و لو صغيرة بس مشكلة ما بيتصل عليا بالتليفون كتير بيقولي انا ما بحب احكي كتير عالموبايل يدوب بيتصل بيسال عليا اذا انا كويسة او محتاجة اي شى لما اقولو ليش ما تتكلم معايا كتير بقولي انا يكفيني بس اعرف انك كويسة عندي اهم شي
بس انا عندي صديقتي مخطوبة و عرسها بعد ايام هي بتحكي مع خطيبها كل شئ عن العلاقة الحميمية و ليلة الدخلة و لما خبرتها انو انا بعمرو ما قالي و لا كلمة من هالموضوع قالتلي انت لما يجي يوم عرسك راح تكون كتير صعبة عليكي ليله الاولى لانكم ما تكلمتو قي هذا الموضوع و من يومتها و انا مش عم نام خالص طول الوقت بفكر و مرعوبة بليز ساعدوني بيليز |
رد: للمقبلات على الزواج... لاتخافي.......(أسالي ونحن نجيب )
اكيد امك راح تنصحك و تخبرك كيف راح تكون الليله. اول مرة اشوف وحدة خايفة لو منك اصيح من الفرحة ههههههههههه شوفس حبيبتي لا تشغلي بالك و تخافي زوجك اكيد عارف كل شي بخصوص عالموضوع ههه لا تخافي شويه الم بس صدقيني مثل ما سمعت من البنات اانه يستاهل الم و اهم شي زوجك يكون متفهم و يدور راحتش مو بس هو
|
رد: للمقبلات على الزواج... لاتخافي.......(أسالي ونحن نجيب )
لالالا كلو يفهمني الا امي وزجي استحيت اتطرق انا وياه لهالموضوع عالموبايل لما سالني قتلو اعرف كل شيئ قالي طيب بس ابيكم انتو تبينوللي وش يصير فيها وش اسوي من الدقيقة اللي ندخل فيها عالبيت لحد مانكمل
|
رد للمقبلات على الزواج لاتخافي أسالي ونحن نجيب
اقتباس:
الزوج هو المتحكم الاول والاخير في ليلة الدخلة وماعلى الزوجة الا تستسلم لزوجها وشوي شوي بيصير جو بينهم وتمشي الامور طبيعية....الف مبارك عليكي. |
رد للمقبلات على الزواج لاتخافي أسالي ونحن نجيب
اقتباس:
عادي كثير في شباب بيخافو الله ويخجلو يحكو بهيك مواضييع وهالشي معناته انو شب كويس وبيحترمك وبيخاف عليكي تخجلي لهيك ساكت..... ومنشان ليلة الدخلة هالكلام مو صح....مدامو رايدك ورايدته صدقيني انشالله تكونو سعداء.,,,,لاتتعودي تسمعي من غيرك ولاتحكي لغيرك عن حياتك وزوجك....هاي نصيحة الك ياريت تعرفي قيمتها..,. |
رد رد للمقبلات على الزواج لاتخافي أسالي ونحن نجيب
اقتباس:
اوعدك اني راح اعمل بالنصيحة شكرا كنير كل سنة و انت طيبة |
رد: للمقبلات على الزواج... لاتخافي.......(أسالي ونحن نجيب )
شكرا من انخطب اجي لهنا
|
رد: للمقبلات على الزواج... لاتخافي.......(أسالي ونحن نجيب )
بس من المفروض اللي مو متزوجة ماتدخل لهني يعني مو مخطوبة اقصد بنات طرقت بابكم فهموننننننننننننننني الله يخليكم
|
رد: للمقبلات على الزواج... لاتخافي.......(أسالي ونحن نجيب )
نور ياغلاتي مافينا نمنع ااحد من الدخول وهالكلام ضمن شروط المنتدى..........بس فيني اساعدك بشغلة وهي انك تكلمي من تشوفيها اهل وثقة من الاخوات المشرفات عالخاص وانشالله بيصير خير.
|
| الساعة الآن توقيت السعودية الرياض و الدمام و القصيم و جدة 07:09 PM. |
Powered by vBulletin® Copyright ©2000 - 2026,
vBulletin Optimisation provided by
vB Optimise (Pro) -
vBulletin Mods & Addons Copyright © 2026 DragonByte Technologies Ltd.