ازياء - فساتين سهرة و مكياج و طبخ - الله يوفقكم ويييسر اموركم تعالو هنااا

هلا عنود
ابي افيدك باللي اعرف

ممكن انك تفرمي الملوخيه وتقسميها بأكياس وتفرزنيها
ممكن الفطاير اللي بالتوست مثلاً جيب التاجر هذي تنفع تجمدينها وتطلعينها وتقليها
ممكن السمبوسه كمان بكااافة انواعها تقسمينها بأكيا س كل ثلاثه ايام كيس وبشكل مرتب وانا مجربتها تطلع هشه وتقرررمش جربت الخضار والدجاج واللحم
ممكن الشبث والبقدونس،والكزبره تفرمينها فرم ناعم وتوزعينها في قوالب الثلج وبعدها احفظيها ببرطمان او كيس وتستخدمينها للايدامات حلوه

كمان بسكويت الشاي او دايجستف ا و اوريو تطحنينها وتفرزينيها للحلا
البقسماط كمان يتفرزن
الخضار قطعيها مثل الفاصوليا والكوسه والباذنجان والبطاطس انا كووول ابوها افرزنها لاني اشتري واحنا ماناكل كثير عددنا ثلاثه فأفرزن عشان استخدمها ولاتخرب واقسم اخذ من كلرالانواع احطها بكيس اجي بس اسوي الكشنه واكبها في القدر وهي مقطعه وجاهزه واحط معها بقدونس او كزبره او نعناع مجفف وياسلااام على الطعم .... وممكن البطاطس اقليها نص قلي او اسلقها شوي وافرزنها عشان ماتخرب
فيه عجينه تتفرزن للفطاير يمديك تاخذينها من النت انا شفتها علي قناة فتافيت
حورية المطبخ تمدحها

ممكن تفرزني المكسرات كمان بعد ماتطحنينها

فيه ناس تفرزن خلية النحل لو انتو تحبونها

لو تحبي تستخدمي الحليب المحموس او السميد احمسيها وحطيها بالثلااااجه
واهم شي طريقة التفريز ماتتكدس وتكون مرتبه يسهل استخدامها بدون ماتنحط فيها الايد
البصل يمديكي تقطعي حق اسبوع وتحطيها في،الثلاجه ببرطمان متقفل زيييين
الثوم والفلفل الحار كمان هذي،تتفرزن عندي
واطلعها قبل الطبخ بمده تكفي لذوابانها
المحاشي كمان تتفرزن
اصابع الدجاج او الخضار اللي بالتوست

وراعي برودة الفريزر وتأكدي لوتفرزنت بشكل سليم بتفيدك الى ثلاثه شهور

والله يوفقنا لاستغلال الشهر الكريم خير استغلال ويعينا على طاعته ويوفقنا لصيامه وقيامه