ازياء - فساتين سهرة و مكياج و طبخ

اقتباس:

المشاركة الأصلية كتبت بواسطة rano0osh (المشاركة 1328309)

مرحبا ..كيفك ؟شو اخبارك ؟
مو حابه اطول عليك بس حابه اقولك ...انه انا كمان متلك بقلد ناس بس يعني مو تقليد لاكون متلهم واخد شخصيتهم ...احيانا صفات حلوه بالناس بتجذبك وبتتمني تكون عندك ..لهيك بدربي حالك لتصير عندك ...انا برأي الشخصي هاد مو غلط ولا عيب ولا نقص بالعكس ممكن تقوي شخصيتك ...ولا تحكي ما عندك شخصيه كل انسان اله شخصيه ...بس مو الكل بعرف شو هي بالزبط يمكن لازم تختلطي اكتر بالناس وتتعرفي عليهم وتصير الك معهم مواقف اكتر ومن هادي المواقف بتعرف انه الك شخصيه غير عنهم ...انا متاكده انه رح تقدري تعرفي شخصيتك لما تخطلتي بالناس اكتر لاني كنت متلك بهيك شي
وطبعا الثقافه والعلم هم اهم اهم اهم اهم شي وبالعكس لما تقوي ثقافتك وعلمك بتقوي شخصيتك وبتصير الك شخصيه مستقله يمكن هلا انت بتقلدي بس لما تتثقفي وتشوفي احوال الناس وتتعلمي شخصيتك لحالها بتنبني ..ولا تحكي ما في فايده او في صعوبات كل شي بالحياة بكون اوله صعب بس لانك انت حابه تكون الك شخصيتك وهدفك هاد حافز الك انك تبني ثقافتك وتقوي علمك حتى لا حد يتشاطر عليك او يتقاوى عليك لازم تكوني مثقفه وبدونها اعرفي انك فعلا رح تكوني ولاشي لانه بهيك زمن صدقيني ما في شي بفيدك غيرهم
اما مشكلة التركيز والنسيان ... فجل من لا يسهوا كلنا بننسى ..بس يمكن ازا المشكله كتير مأثره عليك يمكن شغلة النسيان تكون بغلط بغذائك لانه بتعمل مشكله نسيان ... يمكن عندك نقص بفيتامين ب 12 ويمكن ما بتركزي لانه في 100 شي تشتتك متلا خوف انك ما تقدري تنجحي فلهيك لازم تقوي ثقتك بنفسك
كل انسان اله ماضي سيء مو بس انت بس مو الكل بطلع لهاد الماضي على انه سبب لفشلهم او عدم قدرتهم على النجاح بالعكس هاد الماضي لازم يكون سبب لنجاحك حتى ما تعيدي هاد الماضي او تضلك عايشه فيو وحتى تثبتي لكل الناس انه حياتك اغلى ما تضيعيها بسبب ماضي يمكن هم السبب فيي لازم تنجحي ولازم تكوني قد حالك والك شخصيتك وتكوني واثقه بنفسك
يا رب اكون قدرت اساعدك وما تقلت عليك بس انا كمان كنت احس متلك بكل شي قوتلي قبل ما اكتشف انه الحياة احلى واكبر واغلى من اني اعيشها بقوقعه صغيره وضيقه من الحزن ....

تسلمي ياحبيبتي وياقلبي الله ينجحك في حياتك زي ما حاولتي تنجحيني وكلامك رح ينفهم وينحط على الراس بأزن لله افدتييييينيي عنجد