السلام عليكم ورحمه الله وبركاتة
هلا حبيبتى د\ منى
ازيك وازى كل الى بالمنتدى اخواتى الحبيبات
والله موضوع مهم جدا الى بنتتكلموا فيه بس ياترى المطلوب بس من الزوجات وله كمان من الازواج
ما علينا
اعتقد اهم شىء يحفظ البيت ويخلى الراجل يحترم الست بتعته انها تكون مطيعه لاوامرة نظيفه فى نفسها وفى بيتها مؤديه واجبه على اكمل وجه حافظه لحقوقه وحقوق بينها واولادها اعتقد بكدا عمرة ما يفكر يتزوج عليها الا لو كانت عينه فارغه
بس اعتقد ان كمان الستات لهم حقهم عند ازواجهم ولاحظوا ان مغلب الاتصالات على برامج الشكاوى اكترها من اهمال الزوج لزوجته وبعدة عنها
تعرفوا انا بشوف ازواج مقيمين مع بعض اقامه كامله بمعنى ان زوجها مش متغرب عنها وبحس انهم اتنيم ملهمش صله ببعض خالص
واتنين بعاد عن بعض وبيجمع بينهم حب واحترام كبير اوى
عموما ربنا يوفق الكل
بس نصيحه لكل اخت
صونى بيتك واحترمى زوجك وكونى دايما نظيفه فى بيتك وفى نفسك وخلى ديما لسانك كويس مع زوجك وشوفى زوجك حيكون معاكى ازاى
واعلمى ان الزوج مثل الطفل الكبير لابد من الاهتمام به ورعايته
لكم شكرى وتقدير

السلام عليكم ورحمه الله وبركاتة
اهلا بك اختى الحبيبه رهينه الحب
انا من رأى ان الارتباط مش حكايه انى انا وزوجى بنأدى واجب يومى
لا حبيبتى
فى امر كتيرة بتجتمع فيها يعنى مثلا اى زوج مسافر وبعيد عن مراته واى امرأة زوجها بعيد عنها ليه بيستنوا بعض ؟ ليه بيحافظوا على شعور بعض وبيحترم كل واحد منه الاخر دا على رأيك انتى وزوجك فى المناقشه
لا الى بيجمع بين الست والراجل بيكون الحب بيكون الاحترام
احنا بشر وفضلنا ربنا على جميع مخلوقاته بالعقل صح وله ايه
احنا بنمشى مش ورا غرائزنا انما الى بيسيطر علينا هو العقل والحب والعشرة الطيبه
وزى ما احنا لينا مبادئنا وعيشين بيها انا طبعا معرفش اى شىء عن اسلوب وحيات الغرب ولا اعرف ليهم اى عادات او تقاليد بس على حسب ما اشوف انهم بيتزوجوا ودا صحيح بس تلاقى الراجل له ميت صديقه والست لها كام بوى فرند والحياه عندهم عادى وبتستمر
احنا نختلف عنهم ودينا بيأمرنا بأشياء كتير
يعنى الزوجه لا يحق لها ان تنظر او تعجب بغير زوجها مش كدا وله ايه
وطبعا ربنا كدا يهدى رجالتنا واذا كانت الست مطيعه ومحافظه على بيته والحمد لله ربنا رزقها البنين والبنات فيحمد ربنا ويتغاضى بقى عن فكرة التعدد لان الحياة اصلا بقت صعبه
اشكرك حبيبتى رهينه الحب ومش عارفه يمكن راى صائب وممكن لاء وننتظر الاخوات ونسمع منهم
احلى صباح ليكى غاليتى وللجميع